धनिया के थाना में अभिषेक गिरी

फिल्म जगत में बहुते संघर्ष कइला का बाद सभका के सफलता मिलिये जाला. अब एही कड़ी में शामिल हो गइल बाड़न अभिनेता अभिषेक गिरी, जे रोजे नया ऊँचाई नापत बाड़े.

बिहार के सतजोड़ा मठिया गाँव के रहे वाला अभिषेक गिरी अभिनय का साथही सामाजिक सरोकारो से जुड़ल रहेले. वइसे त ऊ अनेके फिलिम में काम करत बाड़न बाकिर सबले बेसी चरचा में बावे उनुकर फिल्म “धनिया के थाना”. निर्माता-निर्देशक राकेश भदौडिया के एह फिल्म के अउरी कलाकारन के नाम हवे रिंकू घोष, लिलीपुट, सी० पी० भट्ट, मन्टू , महाराणा अउर विकास वगैरह.


(अपना न्यूज के रपट से)

Advertisements

‘धनिया के थाना’ में रिंकू घोष का साथे अभिषेक गिरी

इलाकाई सिनेमा का विकास का साथ-साथ तमाम कलाकारन के आपन प्रतिभा देखावे के मौका मिलल बा. पहिले फिलिम में काम पावल नाके चना चबावल जइसन होत रहे, लेकिन जवत तरह सेटेलाइट चैनल का साथ-साथ भोजपुरी जइसन इलाकाई भाषा वाला फिल्मन के बढ़न्ती भइल बा ओहसे तमाम कलाकारन के संघर्ष पहिले का बनिस्बत कम हो गइल बा. अगर आपके अंदर टैलेंट बा त आपके केहू रोक ना सके. अइसने एगो युवा बाकिर प्रतिभावान अभिनेता हउवे अभिषेक गिरि जे बिहार के सिवान जिला के रहे वाला हउवे.

अभिषेक गिरि के फिलिम में काम करे के सबले पहिला मौका निर्देशक शशि शेखर के भोजपुरी फिलिम ‘दिल के बंधन’ में मिलल. एकरा बाद एगो बड़हन मौका अभिषेक गिरि के मिलल बा ‘हमनी भोजपुरिया चैनल’ के धारावाहिक ‘धनिया के थाना’ में. एह धारावाहिक में अभिषेक गिरि भोजपुरी सिनेमा के चर्चित अभिनेत्री रिंकू घोष का साथे काम करत बाड़े.

सिनेमा आ धारावाहिकन में मिलल शुरुआत से अभिषेक गिरि बेहद उत्साहित बाड़न, ऊ अपना के कवनो खास इमेज में बन्हले बिना हर तरह के किरदार कइल चाहत बाड़े जवना से कि एगो कलाकार का तौर पर उनुकर अभिनय प्रतिभा का अधिका विकास होखे.


(स्रोत : समरजीत)