मुंबई में भइल बीसबीसा में कोलकाता जीतल

मुंबई मे बुध का रात भइल आईपीएल बीसबीसा मैच में कोलकाता नाइट राइडर्स मुबई इंडियंस टीम के बत्तीस रन से हरा दिहलसि. एह जीत से कोलकाता टीम के प्लेआफ में पहँचल करीब करीब पक्का हो गइल बा. अबहीं ले के अंक तालिका में चौदह मैच से बीस अंक ले के दिल्ली के टीम सबले उपर बा. कोलकाता टीम पंद्रह मैच से अनइस अंक का साथ दुसरा जगहा पर, अठारह अंक का साथ मुंबई इंडियंस तीसरा जगहा पर आ सतरह अंक का साथ चेन्नई के टीम चउथा जगहा पर बिया.

आईपीएल बीसबीसा में दिल्ली डेयरडेविल्स के जीत

मंगल का दिने भइल बीसबीसा मैच में दिल्ली डेयर डेविल्स किंग्स इलेवन पंजाब के पाँच विकेट से हरा दिहलसि. एकरा साथ ही दिल्ली डेयर डेविल्स आईपीएल पाँच के प्लेआफ दौर में चहुँपे वाला पहिला टीम बन गइल. दिल्ली के जीत में महेला जयवर्धन के नाबाद पचासा के बड़हन योगदान रहल.