‘कालिया’ 31 अगस्त से बिहार में हंगामा मचाई

सिनेमा भोजपुरी के रियल रंगबाज हैदर काजमी के फिलिम ‘कालिया’ 31 अगस्त से बिहार के शहरन में हंगामा मचावे वाला बा. एह फिलिममें बहुतकुछ अइसन बा जवना एकरा के दोसरा भोजपुरी फिलिमन से अलग करत बा. एकर शूटिंग जहानाबाद में भइल त एगो सीन असली जेल में फिल्मावल गइल बा. एकर गाना इंटरनेट पर धूम मचवले बा.

हैदर काजमी आ अक्षरा सिंह अभिनीत निर्देशक शिवराम यादव के एह फिल्म ‘कालिया’ में मुख्य खलनायक बाड़ें अनिल यादव.


(शशिकांत सिंह, रंजन सिन्हा के रपट)

28 सितम्बर के मुंबई में रिलीज होखी ‘कालिया’

भोजपुरी के सबले चर्चित फिलिम ‘कालिया’ बिहार में सात सितम्बर के रिलीज होखी आ मुंबई में 28 सितम्बर के. सिनेमा भोजपुरी के रियल रंगबाज हैदर काजमी आ सेक्सी बाला अक्षरा सिंह के मुख्य भूमिका वाली एह फिल्म ‘कालिया’ के संगीत पहिलहीं से हंगामा बरपवले बा. रिलीज से पहिलही बिहार में कालिया के चरचा बा. एकर शूटिंग जहानाबाद में भइल रहे.

नरजिस म्यूजिक के जारी कइल कालिया के संगीत संगीतकार अमन के. श्लोक के ह आ एह गीतन के लोकप्रियता इंटरनेट पर जम के देखे के मिलत बा. निर्देशक आ कहानी लेखक शिवराम यादव हउवें.


(स्रोत – शशिकांत सिंह, रंजन सिन्हा के रपट)

‘कालिया’ खातिर बिहार में राह दिहलें दिग्गज

अब हैदर काजमी के फिलिम रिलीज होखे वाली होखे त दोसर भोजपुरी दिग्गज आपन फिलिम एह मौका पर रिलीज करे से पहिले दस बेर सोचबे करीहें. इहे होखत बा हैदर काजमी के नइकी फिलिम ‘कालिया’ संगे.

जबसे हैदर काजमी एलान कइलें कि ऊ ‘कालिया’ के प्रदर्शन सात सितम्बर से करे जात बाड़ें त बड़को दिग्गज मैदान खाली कर दिहलें. लोग जानेला कि हैदर काजमी अपना फिलिम के प्रचार ला बिहार में एक महीन पहिलहीं डेरा डाल देलें आ जमके प्रचार करेलें. अबकिओ सगरी बिहार मे ‘कालिया’ के होर्डिंग लगावे के तइयारी पूरा हो गइल बा. रेलवे स्टेशनन आ लोकल चैनलन पर ‘कालिया’ के प्रोमो खूब चलावल जात बा. हैदर काजमी के ‘कालिया’ के साउथ स्टाईल कटआउट लगावल जात बा. साथही ऊ प्रचार के एगो बड़ आ बेहतरीन फार्मेटो बनवले बाड़ें. एह फिलिम के गाना पहिलहीं से हंगामा मचवले बाड़ी सँ.

संगीत नरजिस म्यूजिक पर जारी भइल बा. शूटिंग जहानाबाद में भइल. आ निर्देशित कइलन शिवराम यादव. संवाद मनोज पांडे के लिखल बा. कहानी शिवराम यादव के लिखल. निर्माण एस.सी. डिजिटल प्रा. लि. कइलसि जे एहसे पहिले रंगबाज जइसन हिट फिलिम बनवले रहुवे.

मुख्य जोड़ी हैदर काजमी आ अक्षरा सिंह के बा. मुख्य खलनायक अनिल यादव आ बालेश्वर सिंह बाड़ें. बाकी कलाकारन में सी.पी. भट्ट, राकेश यादव, सुमित बनर्जी, पूजा यादव, कृष्ण मुरारी, शैलेश सिंह राणा, सुषमा सिन्हा, निलोफर, राम मिश्रा, अलीशा, आ विपिन सिंह के नाम बा.

गीतकार अरविंद तिवारी आ संगीतकार एग्नेश हउवें. कैमरामैन मनीष के. जैन, साउण्ड रिकार्डिंग सलीम खान, कला निर्देशक आशीष कोलटे, आ को-प्रोड्यूसर हउवें मुशर्रफ अहमद आ एसोसिएट प्रोड्यूसर ए.एच. काजमी.


(शशिकांत सिंह रंजन सिन्हा के रपट)

यू ट्यूब आ फेसबुक पर हैदर काजमी के ‘कालिया’ क हंगामा

अपना फिल्म रंगबाज से चरचा में आइल हैदर काजमी के नयकी फिलिम ‘कालिया’ एह घरी भोजपुरी वर्ल्ड में हॉट केक बनल बिया. एह फिल्म के अबही ले तीन गो लुक जारी हो चुकल बा आ तीनों अपना आप में लाजवाब बाड़ी सँ. पहिला प्रोमो ऑन एयर भइल त इंटरनेट, यू ट्यूब आ फेसबुक पर हैदर काजमी के ढेरहन बधाई मिले लागल बा. कुछ लोग त विदेशो से आपन बधाई भेजत बा. कालिया के संगीत नरजिस म्यूजिक पर जारी भइल बा आ गाना सब जम के हिट भइल बाड़ी सँ.

कालिया फिल्म के शूटिंग जहानाबाद में कइल गइल आ एहमें हैदर काजमी के नायिका बनल बाड़ी अक्षरा सिंह. एकरो निर्देशक शिवरामे यादव बाड़ें जिनकर निर्देशित ‘रंगबाज’ सफलता के रिकार्ड बनवले रहुवे. अनिल यादव आ बालेश्वर सिंह एह फिलिम के मुख्य खलनायक बाड़ें. कहानी खुद शिवराम यादव के लिखल आ निर्माण कंपनी एस.सी. डिजिटल प्रा. लि. हवे.

‘कालिया’ के कलाकारन में हैदर काज़मी, अक्षरा सिंह, सी.पी. भट्ट, राकेश यादव, सुमित बनर्जी, पूजा यादव, कृष्ण मुरारी, शैलेश सिंह राणा, सुषमा सिन्हा, निलोफर, राम मिश्रा, अलीशा, विपिन सिंह, बालेश्वर सिंह आ अनिल यादव शामिल बाड़ें.

संवाद मनोज पांडे के लिखल आ गीत अरविंद तिवारी के लिखल, संगीत से सजवले बाड़न एग्नेश, कैमरासंचालन मनीष के. जैन के रहल, को-प्रोड्यूसर हउवें मुशर्रफ अहमद, एसोसिएट प्रोड्यूसर ए.एच. काजमी, ध्वनिमुद्रण सलीम खान कइले बाड़न, आ कला निर्देशन आशीष कोलटे.


(शशिकांत सिंह रंजन सिन्हा के रपट)

अपने दम पर फिल्म हिट करावे के बेंवत राखीले, कहलें हैदर काज़मी

‘पथ’ जइसन हिन्दी फिल्म से अपना अभिनय कैरियर के शुरुआत करे वाला अभिनेता हैदर काजमी एह घरी भोजपुरी सिनेमा के रंगबाज बन गइल बाड़े. उनुकर पहिलका भोजपुरी फिल्म ‘रंगबाज’ जबरदस्त सफलता हासिल कइलस आ अब अपना आवे वाला अनेके फिलिमो से हैदर काजमी चरचा के विषय बनल बाड़े. हाल-फ़िलहाल फिल्म ‘कालिया’ ला हैदर काजमी के बहुते चरचा बा. एही बारे में उनुका से भइल बातचीत के खास अंश पेश बा –

हैदर काजमी जी, आपके फिलिम ‘कालिया’ के एने बहुते चरचा होखत बा. आखिर का बा ‘कालिया’ में का बा एहमें राउर भूमिका ?
देखीं, फिल्म ‘कालिया’ एगो खांटी भोजपुरी फिलिम ह जवना में पूरा पूरी भोजपुरिया संस्कार उतारल गइल बा परदा पर. कुछ लोग एकरा के अमिताभ बच्चन अभिनीत फिल्म ‘कालिया’ के रीमेक समुझत बाड़े बाकिर हम साफ कर दिहल चाहत बानी कि एकरा ओह ‘कालिया’से कवनो मतलब नइखे आ बिल्कुले नया कहानी पर बनल बावे ई ‘कालिया’. फिलिम बहुते बढ़िया बनल बिया आ जइसे अमिताभ बच्चन के अइला से बॉलीवुड में बदलाव आ गइल रहे ओहि तरह ‘कालिया’ भोजपुरी सिनेमा के बदल दी.

फिल्म ‘कालिया’ के गीत-संगीत में कतना दम बा?
बेजोड़ दम बा कालिया के गीत-संगीत में. जइसे हमरा फिलिम ‘रंगबाज’ के गीत-संगीत सुपर डुपर हिट भइल रहे ओही तरह एकरो गीत-संगीत के लोग पसंद करी काहे कि एकरा के बहुते मेहनत से रचल गइल बा. वइसहू हमरा फिलिम में ई ना होखे कि कवनो हिंदी फिल्म के गीत तूड़-मरोड़ के पेश कर दिहल जाव. बलुक हमनी का फिल्म के गीत-संगीत को पूरा तरह से भोजपुरिया रंग में ढालीलें जा. ‘कालिया’ के गीतो-संगीत कुछ वइसने बा.

फिल्म ‘कालिया’ में अक्षरा, अनिल, बालेश्वर आ विपिन सिंह का साथे काम कर के कइसन लागल?
सबहीं अपना-अपन भूमिका में जान डाल दिहले बावे. खासकरि के हम अक्षरा सिंह क बारे में कहब कि ऊ बहुते नीक अदाकारा हई आ अब अभिनय में बहुते पाक गइल बाड़ी. ‘कालिया’ रिलीज होखला का बाद उनुका के आगे बढ़े से केहू रोक ना पाई.

निर्देशक शिवराम यादव मे अइसन कवनो खासियत बा ?
देखीं, सबले पहिले त हम बता दीं कि शिवराम यादव हमार बहुते बढ़िया दोस्त हउवन आ सबले खास ई कि हमहन के सोच बहुते मिलल जुलल होले. दोसरे उनुका में काम खातिर गजबे सा जुनून बा. ऊ कवनो स्क्रिप्ट के परदा पर हूबहू उतारे में माहिर हउवें.

हैदर काजमी जी, आजुकाल्ह भोजपुरी में दू-दू, तीन-तीन गो हिरोइनन के चलन जोर पकड़ लिहले बा. का आपहू अइसन फिलिम करे के तइयार होखत बानी ?
जी, बिल्कुले ना. ना त हम दू भा तीन गो हीरो वाला फिलिम करीलें ना आगे करब. अइसनका नाहियो त आधा दर्जन आफर ठुकरा चुकल बानी काहे कि हम हैदर, माने कि शेर, हईं आ अपने दम पर फिलिम हिट करावे के बेंवत राखीलें.

फिल्म ‘कालिया’ कब ले रिलीह होखी?
हम एकरा के जून में रिलीज करे के तइयारी में बानी.

अपने हिंदी फिलिम से शुरूआत कइनी फेर भोजपुरी फिलिमन में आगम कइसे भइल?
जी, ई त सहिए बा कि हमार शुरुआत ‘पथ’ जइसन हिंदी फिल्म से भइल रहुयवे आ ओकरा बादो हम ‘बॉबी’ आ ‘कजरी’ जइसन हिन्दी फिल्म कइनी. बाकिर जहां ले भोजपुरी से जुड़े के सवाल बा त हम मूलतः जहानाबाद (बिहार) के हईं आ अपना भोजपुरिया प्रेम से भोजपुरी सिनेमा में खींचा अइनीं. दोसरे ई कि हमरा लागल कि भोजपुरी सिनेमा में बढ़िया अभिनेतन के कमी बा से हम खुद एहमें उतरे के तय कर लिहनी.

आपके अगिली फिलिम कवन कवन बाड़ी सँ?
एक त ‘कालिया’ बड़ले बा. बाहर के बैनर के ‘आजमगढ़ के कट्टा’, ‘जागीरा’ आ ‘बिगुल’ वगैरह हमार आवे वाली फिलिमन में शामिल बाड़ी सँ.


(शशिकांत सिंह रंजन सिन्हा के रपट)

‘कालिया’ से रातो रात हॉट बन गइले हैदर काजमी

साउथ के सुपर स्टार रजनीकांत आ हिंदी सुपर स्टार आमिर खान क तरहे भोजपुरी सिनेमा के रंगबाज स्टार हैदर काजमी ओ सबले पहिले स्क्रिप्ट देखेलें आ स्क्रिप्ट भा गइल तबहिये हाँ कहेलें. हैदर काजमी के आजु काल्हु पूरा भोजपुरी वर्ल्ड बधाई देत बा काहे कि उनुकर ‘कालिया’ के फस्ट लुक लोग के खूबे पसंद आइल बा. हैदर काजमी के त पहिलही से कहना बा कि सिनेमा भोजपुरी में बढ़िया कलाकारन के कमी बा आ अब इहो बात एकदमे साँच साबित भइल बा. हैदर के कहना ह कि भोजपुरी स्टार आजु सिरिफ पइसा देखेलें जबकि उनुका स्क्रिप्ट आ टायटल का साथे प्रचारो के तरीका पर ध्यान देबे के चाहीं. हैदर काजमी के आपन कवनो लॉबी नइखे. ऊ लॉबी पर ध्यानो ना देसु आ साफे कहेलें कि सगरी लोग हमार आपने ह आ हमार कवनो लॉबी नइखे.

‘कालिया’ के फर्स्ट लुक देखके हैदर काजमी का लगे दस से अधिका फिलिमन के ऑफर आइल बाकिर ऊ सिरिफ चुनिंदे फिलिम करीहें.


(शशिकांत सिंह, रंजन सिन्हा के रपट)

‘कालिया’ के फस्ट लुक तहलका मचवलसि

शिवराम यादव निर्देशित हैदर काजमी आ अक्षरा सिंह अभिनीत फिल्म ‘कालिया’ के फस्ट लुक भोजपुरी सिनेमा वर्ल्ड में हड़कंप मचा दिहले बा. एसीसी डिजिटल प्रा॰लि॰ के फिल्म ‘कालिया’ का फस्ट लुक ट्रेड मैग्जीनन का कवर पर छपल जवना में हथकड़ी लागल ‘कालिया’ अलगे अंदाज में लउकत बा. एह फर्स्ट लुक ला हैदर काजमी अपना डिजाइनर अशोक मेहता आ गोपाल मेहता अउर निर्देशक शिवराम यादव का साथे कांसेप्ट बनवलन.

भोजपुरी सिनेमा में अइसन पहिला बेर भइल जब तीन दिन ले मंहग लाईट आ सेट पर एह फर्स्ट लुक के शूट कइल गइल जेहसे लोग के लागे कि ‘कालिया’ का ह. हैदर काजमी आ अक्षरा सिंह पर फिल्मावल एह फोटो दलित शोषित समाज के एगो झलक मिलत बा. फेर प्रचारक शशिकांत सिंह आ रंजन सिन्हा का साथे मिलके योजना बनल कि एह फर्स्ट लुक के कब जारी करे क बा. आ अब जब ‘कालिया’ के फर्स्ट लुक लोग का सोझा बा सभे एह लुक के खूब पसंद करत बा.

फिल्म ‘कालिया’ के निर्माण ‘रंगबाज’ जइसन हिट फिल्म देबे वाली कंपनी एस.सी. डिजिटल प्रा. लि. कइले बिया. कलाकारन में हैदर काज़मी, अक्षरा सिंह, सी.पी. भट्ट, राकेश यादव, सुमित बनर्जी, पूजा यादव, कृष्ण मुरारी, शैलेश सिंह राणा, सुषमा सिन्हा, निलोफर, राम मिश्रा, अलीशा, विपिन सिंह, बालेश्वर सिंह आ अनिल यादव बाड़े. संवाद मनोज पांडे, एक्शन रियाज सुल्तान, गीत अरविंद तिवारी, संगीत अग्नेश, कैमरा मनीष के. जैन, को-प्रोड्यूसर मशर्रफ अहमद, एसोसिएट प्रोड्यूसर ए.एच. काजमी, ध्वनिमुद्रण सलीम खान आ कला निर्देशक आशीष कोलटे.


(शशिकांत, रंजन, अरुण के ब्रेकिंग मैक्स मीडिया के रपट)

कालिया फिल्म में दबंग औरत के किरदार में सी॰पी॰भट्ट

हर तरह के किरदार सहजे निभा लेबे वाला अभिनेता सी० पी० भट्ट के शगुनिया कहल जाई कि अबले ऊ जतना फिलिम में काम कइलन, सगरी बॉक्स ऑफिस पर सफल रहली सँ. जइसे कि “कहाँ जइबा राजा नजरिया लड़ाई के”, “भईया के साली ओढ़निया वाली”, “साजन चले ससुराल”, “रंगबाज़” वगैरह. एहू साल उनुकर अनेके फिलिम रिलीज होखे वाली बाड़ी सँ जवनन के सफल होखे के पूरा उमेद बा काहे कि सगरी फिलिम के तकनीकि पक्ष बहुते मजबूत बा.

सी॰पी॰भट्ट ए॰एस॰सी॰ डिजिटल प्रा॰लि॰ के बैनर में शिवराम यादव निर्देशित फिलिम “कालिया” का एगो सीन में दबंग औरत के किरदार करत नजर अइहें. हालांकि एह फिलिम में उनुकर हीरोइन बाड़ी चर्चित आईटम डांसर अलीशा जिनका साथे प्यार, रोमांस करत आ गीत गावत नज़र अइहें सीपी. एह फिल्म का हर सीन में सी०पी० भट्ट अलग-अलग रूप धइले बाड़े आ हद त तब हो गइल जब एगो सीन में ऊ कोठावाली दबंग बाईजी के रूप धइले बाड़े.

सी॰पी॰भट्ट के आवे वाली फिलिमन में घात, प्यार हो जाला, धनिया के थाना, अँधा कानून, काली, यादव पान भंडार, मेहरारू जिंदाबाद, इ है मुंबई नगरिया तू देख बबुआ वगैरह का अलावे दू गो हि्दीओ फिलिम बाड़ी स “वी लव मुंबई” आ “मुखौटा (द सोल)”.


(अपना न्यूज के रपट)

रंगेबाजे ना डेरिंगबाजो हउवें हैदर काजमी

रंगबाजे ना भोजपुरी वर्ल्ड के डेरिंगबाजो हउवन हैदर काजमी. ई बात तब साबित हो गइल जब ऊ अपना फिल्म ‘कालिया’ के शूटिंग जहानाबाद जेल का भीतरो कइले. ई पहिला बेर भइल जब कवनो फिल्म के शूटिंग जेल का भितरी कइल गइल. आ उहो जहानाबाद जइसन जेल के जहवाँ अनेके नक्सली आ खूंखार अपराधी बन्द बाड़े. एहसे हैदर काजमी के डेरिंग के अंदाजा लागल. इहाँ ले कि ऊ ‘कालिया’ फिल्म के निर्देशक शिवराम यादव के मना कइला का बावजूद फिल्म के अधिकतर खतरनाक स्टंट खुद कइलन, अपना जान के परवाह कइला बिना. साथ ही हैदर काजमी आ शिवराम यादव के टीम कवनो सुरक्षा तक ना लिहलसि.

‘कालिया’ के निर्माण एस.सी. डिजिटल प्रा. लि. करत बिया आ कलाकार हउवें हैदर काज़मी, अक्षरा सिंह, सी.पी. भट्ट, राकेश यादव, सुमित बनर्जी, पूजा यादव, कृष्ण मुरारी, शैलेश सिंह राणा, सुषमा सिन्हा, निलोफर, राम मिश्रा, अलीशा, विपिन सिंह अउर बालेश्वर सिंह आ अनिल यादव.

संवाद मनोज पांडे के, एक्शन मास्टरी रियाज सुल्तान के, गीत अरविंद के आ संगीत एग्नेश के हवे, कैमरा संम्हरलन मनीष के. जैन आ.एकर सह निर्माता हउवे मुशर्रफ अहमद आ सहयोगी निर्माता ए.एच. काजमी. साउंड रिकार्डिस्ट सलीम खान, कला निर्देशक आशीष कोलटे.


(शशिकांत सिंह रंजन सिन्हा के रपट से)

‘कालिया’ बन जहानाबादो में रंगबाजी देखवलन हैदर काज़मी

यूपी बिहार के असली रंगबाज हैदार काजमी पिछला दिने फेर आपन रंगबाजी देखवलन जब जहानाबाद में पहिला बेर कवनो फिलिम के शूटिंग भइल. फिल्म रहल “कालिया” आ एकरा शूटिंग खातिर काजमी कवनो विशेष सुरक्षा ना लिहलन. तीस दिन ले डेढ़ सौ लोग के यूनिट बिना कवनो डर फिकिर के शूटिंग कइलसि आ शूटिंग पूरा करा के हैदर काजमी अपना यूनिट का साथ वापिस भइलन.

बिहार के अपराध जगत पर बनत ई फिल्म ‘कालिया’ खातिर हैदर काजमी आ निर्देशक शिवराम यादव पूरा उत्साह में बाड़े. फिलिम जल्दिये रिलीज होई.


(शशिकांत सिंह रंजन सिन्हा के रपट से)