विनय आनंद अउर सुदीप पांडे क ‘खूनी दंगल’

भोजपुरी सुपर स्टार विनय आनंद आ सुदीप पांडे क जोरदार मारधाड़ से सजल रोमांटिक एक्शन भोजपुरी फिल्म ‘खूनी दंगल’ के निर्माण सुहानी सुहाना फिल्म्स के बैनर संजय कुमार करत बाड़ें आ प्रस्तुत करत बाड़े कुमार दिवाकर. निर्देशक हउवें जानल मानल निर्देशक श्रीधर शेट्टी. गीतकार राकेश निराला, संगीतकार राकेश त्रिवेदी, कथा लेखक सबा मुस्तफा, पटकथा लेखक सबा मुस्तफा अउर मोहम्मद रफी खान, संवाद लेखक मोहम्मद रफी खान, मारधाड़ निर्देशक हीमल, नृत्य निर्देशक केदार सुब्बा, कैमरा मैन श्रीनिवास आर.

फिल्म के मुख्य कलाकारन में विनय आनंद, सुदीप पांडे, अपूर्वा सिंह, दिव्या श्री, गोपाल राय, उदय श्रीवास्तव, जफर खान, दीपक आनंद, रोहित सिंह मटरू, मोहम्मद रफी खान, संजय कुमार, पुरुषोत्तम ओझा, निरुपमा जी, अर्जुन खोदकर अउर कयूम रजा के नाम बा.

एह फिल्म में पहिला बेर विनय आनंद एगो गाना गवले बाड़े. बाकी गायकन में उदित नारायण, कल्पना, विनोद राठौड़, इंदू सोनाली, अउर ममता राउत शामिल बाड़ी.


(शशिकांत सिंह रंजन सिन्हा के रपट)

Advertisements

दाऊद इब्राहिम के भोजपुरिया लुक

अण्डर वर्ल्ड डॉन दाऊद इब्राहिम के भूमिका निभावल भलही दोसरा केहु खातिर टेढ़ खीर होखो, सिनेमा भोजपुरी के सुपर स्टार विनय आनंद बहुते खूबसूरती से दाऊद इब्राहिम के किरदार करत बाड़न. फिल्म ‘खूनी दंगल’ में जेही विनय आनंद के दाऊद लुक में देखत बा ओकरा लागत बा कि ऊ दाउदे के देखत बा.

अंडरवर्ल्ड डॉन दाऊद इब्राहीम अउर छोटा राजन के दुश्मनी पर बनत भोजपुरी फिल्म ‘खूली दंगल’ खातिर विनय आनंद के बहुते मेहनत करे के पड़त बा, फिल्म के निर्माता हउवन संजय कुमार आ निर्देशक श्रीधर शेट्टी. विनय आनन्द के जब मालूम भइल कि उनुका एह फिलिम में दाऊद के किरदार करे के बा त पहिले त चउँकले बाकिर फेर तइयार हो गइलन करे खातिर.

फिल्म के शूटिंग महाराष्ट्र के जालना शहर में चलत बा. निर्माता संजय कुमार के कहना बा कि एह फिलिम का जरिये ऊ ई बतावल चाहत बाड़न कि अगर ई दुनु दुश्मन दोस्त हो जासु त देश कतना आगा बढ़ी. कहानी महिला कथाकार सबा मुस्तफा लिखले बाड़ी. मकबूल फिल्म्स के बैनर तले बनत एह ‘खूनी दंगल’ में अपना भूमिका पर विनय आनंद कहलन कि उनुका निर्देशक पर पूरा भरोसा बा. फिल्म के प्रस्तुत करीहें कुमार दिवाकर.

मुख्य कलाकारन में विनय आनंद, सुदीप पांडे, दिव्याश्री, अपूर्वा, रोहित सिंह मटरू अउर उदय श्रीवास्तव शामिल बाड़े.


(शशिकांत सिंह रंजन सिन्हा के रपट से)

‘पागल प्रेमी’ में विनय आनन्द के खूनी दंगल

भोजपुरी सुपर स्टार आ गायक विनय आनन्द पिछला दू महीना से मुंबई से लापता बाड़े. पहिले ऊ छत्तीसगढ़ के रायपुर में ‘पागल प्रेमी’ बनल देखल गइले आ अब बाहुबली बनि के महाराष्ट्र के औरंगाबाद में ‘खूनी दंगल’ करत बाड़े.

निर्माता नवीन कुमार सिंह आ निर्देशक अजय कुमार के फिल्म ‘पागल प्रेमी’ के शूटिंग छत्तीसगढ़ में भइल रहे. कमाल के एक्शन से भरल एह फिल्म में विनय आनन्द का साथे संगीता तिवारी आ श्रीकनकनी के मुख्य भूमिका बा. एकर शूटिंग करा के विनय आनन्द सीधे ‘खूनी दंगल’ के शूटिंग करे महाराष्ट्र के औरंगाबाद चल गइले. निर्माता संजय कुमार के एह भोजपुरी फिल्म ‘खूनी दंगल’ के निर्देशन श्रीधर शेट्टी करत बाड़े. सुहानी सुहाना फिल्म्स के बैनर तले बनत एह फिल्म के प्रस्तुतकर्ता हउवन कुमार दिवाकर (के.डी.).

कथा सबा मुस्तफा, पटकथा सबा मुस्तफा आ मोहम्म्द रफी खान, संवाद मोहम्मद रफी खान, गीतकार राकेश निराला, संगीतकार राकेश त्रिवेदी, कैमरामैन श्रीनिवास आर. आ मुख्य भूमिका में विनय आनन्द, सुदीप पांडे, दिव्या श्री, अपूर्वा, रोहित सिंह मटरू, मोहम्मद रफी खान, गोपाल राय, सुनीता सिंह, नीरज कल्याण आ उदय श्रीवास्तव बाड़े. विनय आनन्द के भूमिका एह फिल्म में एगो बाहुबली के बा.


( शशिकान्त सिंह के रपट से)