भ्रष्टाचार पर निरहुआ-पाखी की ‘‘गंगादेवी’’

भोजपुरी फिल्मों के जुबली स्टार दिनेशलाल यादव ‘निरहुआ’ व पाखी हेगेड़े की जोड़ी अब भ्रष्टाचार का पर्दाफाश करेगी। निरहुआ-पाखी 14 सितम्बर से पूरा देश में एके संगे रिलीज होखे जात एह फिलिम में निरहुआ राजनीतिक कार्यकर्ता के भूमिका में आ पाखी हेगड़े उनकर पत्नी के भूमिका में बाड़ी. बाद में पाखी खुद राजनीति में उतर जात बाड़ी.

निर्माता दीपक सांवत के एह फिल्म में निरहुआ-पाखी, बिग बी अमिताभ बच्चन, जया बच्चन आ गुलशन ग्रोवर जइसन दिग्गज कलाकारन संगे स्क्रीन शेयर करत लउकीहें. निरहुआ-पाखी दुनु जने एह फिल्म से बहुते उत्साहित बाड़ें.


(प्रशांत निशांत के रपट)

Advertisements

बिग बी के हाथे धूम-धाम से भइल "गंगादेवी" के म्यूजिक रिलीज

निर्माता दीपक सावंत आ निर्देशक अभिषेक चड्ढ़ा के फिलिम “गंगा देवी” के म्यूजिक पिछला दिने बिग बी अमिताभ बच्चन के हाथे रिलीज भइल. एह मौका पर पाखी हेगड़े आ गुलशन ग्रोवर मौजूद रहले. भोजपुरी से आपन लगाब बतावत बिग बी कहलन कि अबहीं ले ऊ तीने गो भोजपुरी फिलिम में काम कइले बाड़न बाकिर शुरुए से भोजपुरी के मिठास आ अपनापन के कायल रहल बाड़ें. फिलिम “गंगा देवी” के अहमियत बतावत बच्चन बड़कू कहलन कि एह फिलिम के शूटिंग पूरा कराइए के ऊ अपना इलाज खातिर अस्पताल में भरती होखे गइलन हालांकि शूटिंग का दौरान ऊ भयंकर पेटदर्द से परेशान रहलन.

भोजपुरी फिलिमन में अभिनय के मौका देबे खातिर अपना मेकअप मैन आ एह फिल्म के निर्माता दीपक सावंत के आभार जतावत बिग बी कहलन कि दीपक चालीस बरीस से उनकर चेहरा सँवारत आइल बाड़ें से उहो दीपक के भविष्य सँवारे ला आपन छोटहन योगदान देबे के कोशिश कइले बाड़न.

गंगा देवी १४ सितम्बर से सगरी देश में रिलीज होखे वाली बा. एह फिल्म में बच्चन बड़कू का साथे जया बच्चन, दिनेशलाल यादव ‘निरहुआ’, पाखी हेगड़े, गिरीश शर्मा, अवधेश मिश्रा, विनय बिहारी आ गुलशन ग्रोवर मौजूद बाड़ें. भोजपुरी सिनेमा के मौजूदा परम्परा से अलगा हटके बनावल एह उद्देश्य प्रधान फिलिम में कहानी आ किरदारन के बेहतरीन इस्तेमाल कइल गइल बा.


(स्पेस क्रिएटीव मीडिया के रपट)

१४ सितम्बर के सगरी हिन्दुस्तान में देखावल जाई ‘गंगादेवी‘

निर्माता दीपक सावंत आ निर्देशक अभिषेक चड्ढ़ा के फिलिम ‘गंगा देवी‘ १४ सितम्बर से सगरी हिन्दुस्तान में एके साथ रिलीज कइल जाई. दक्षणा फिल्म्स के बैनर तले बनल एह फिलिम ला दर्शक ढेरे दिन से तिकवत बाड़ें. एहमें बिग बी आ जया बच्चन के अलावा दिनेशलाल यादव ‘निरहुआ’, पाखी हेगड़े, गिरीश शर्मा, अवधेश मिश्रा अउर विनय बिहारी मौजूद बाड़ें. साथही एही फिलिम से गुलशन ग्रोवरो पहिला बेर भोजपुरी दर्शकन के सोझा होखीहें.

फिल्म निर्माण बेशक एगो कला ह, लेकिन निर्माता दीपक सावंत हमेशा से सामाजिक सरोकारन से प्रेरणा ले के फिलिम बनावत आइल बाड़ें. इहे वजह बा कि मराठी भाषी होखला का बावजूद ऊ समाज के ओह तबका के अपना फिलिम के केंद्र में रखलन जहँवा सामाजिक बदलाव के सबले अधिका ज़रूरत बुझाला.

‘गंगा’ आ ‘गंगोत्री’ बना चुकल दीपक सावंत के अगिला भोजपुरी फिल्म हवे ‘गंगादेवी’. एह फिलिम का कहानी में महिला आरक्षण के मुद्दा केन्द्र में बा. आरक्षण का बावजूद औरतन के हैसियत जस के तस बा आ आजुवो उनुका आपन वाजिब हक हासिल नइखे. निर्माता दीपक सावंत आ निर्देशक अभिषेक चड्ढ़ा ‘गंगादेवी’ के जरिए महिला आरक्षण राजनीति पर कड़ा चोट मरले बाड़ेंॆ सिनेमा भोजपुरी के मौजूदा चलन से अलगा हटके बनल एह उद्देश्य प्रधान फिल्म में कहानी आ किरदारन के बेहतरीन तरीका से पेश कइल गइल बा.


(संजयभूषण पटियाला के रपट)

धूम धाम से लॉन्च भइल “गंगादेवी” के फर्स्ट लुक

ढेरे दिन से सुर्खियन में रहल निर्माता दीपक सावंत आ निर्देशक अभिषेक चड्ढ़ा के भोजपुरी फिलिम “गंगा देवी” के फर्स्ट लुक मीडिया क सोझा लॉन्च कइल गइल. एह मौका पर फिल्म से जुड़ल सगरी सदस्यन दिनेशलाल यादव निरहुआ, पाखी हेगड़े, गिरीश शर्मा, संगीतकार मधुकर आनद, कोरियोग्राफर पप्पू खन्ना के अलावा सैकड़ों मीडिया कर्मी मौजूद रहले. समारोह के ख़ास आकर्षण रहलन बॉलीवुड के बैड मैन गुलशन ग्रोवर जे पहिला बेर एह फिलिम से सिनेमा भोजपुरी में आपन डेग बढ़वले बाड़े. एकरा अलावे एह फिलिम में अमिताभ बच्चन आ जया बच्चन के जोड़ीओ पहिला बेर भोजपुरिया दर्शकन का सोझा होखी.

निर्माता दीपक सावंत क मुताबिक़ उनुकर फिल्म भोजपुरी दर्शकन के पहिला बेर उनुका वास्तविक समस्यन से रू-ब-रु कराई. निर्देशक अभिषेक चड्ढ़ा के मुताबिक़ “गंगा देवी” समाज में औरतन के स्थितियन के चित्रण कइले बिया.

फर्स्ट लुक लॉंचिंग का एह मौका पर गुलशन ग्रोवर भोजपुरी समाज के शान में खूब कसीदा गढ़ले आ फिल्म बनत घरी अपनावल सहयोगी रुख ला अपना साथी कलाकारन से आभार जतवलें. सामाजिक मुद्दा पर बनल फिल्म “गंगा देवी” के बेसी से बेसी दर्शकन ले चहुँपावे खातिर एह फिल्म के हिदी संस्करण “श्रीमती नेताजी” के नाम से रिलीज होखे वाला बा.


(स्पेस क्रिएटिव मीडिया के रपट)

इंदू सोनाली गवली अमिताभ बच्चन का साथे डुएट

आजु का समय में सिनेमा भोजपुरी में सबले बेसी गाना गावे वाली गायिका इन्दू सोनाली पिछला दिने अमिताभ बच्चन का साथे एगो डुएट गवली. दीपक सावंत के फिल्म “गंगा देवी” खातिर मधुकर आनंद के संगीत पर ई गाना गा के इन्दु रोमांचित बाड़ी. कहतारी कि कबो सोचलहु ना रहीं कि अमिताभ जी का साथे गावे के मौका मिली. वइसे त बहुते लोग का साथे गा चुकल बानी बाकिर अमिताभ जी का साथे गा के जवन खुशी मिलल तवन कबो ना मिलल रहे आ शायद मिलबो ना करी.

बिहार के रहे वाली इन्दु सोनाली भोजपुरी फिल्म जगत में विनय बिहारी के प्रोत्साहन पर अइली. एहिजा आ के इंदु सोनाली के हर संगीतकार से मदद मिलल आ ओ सभका संगीत पर गा चुकल बाड़ी. आजु बनत हर भोजपुरी फिलिम में इंदु के गावल दू चार गो गाना जरूरे रहेला.


(संजय भूषण पटियाला के रपट)

गुलशन ग्रोवर गायक बन गइले भोजपुरी गाना गावे खातिर

बॉलीवुड के बैडमैन माने कि गुलशन ग्रोवर के भोजपुरी कुछ अधिके पसन्द आ गइल बा. दीपक सावंत के फिल्म “गंगा देवी” से भोजवुड में आपन शुरुआत करे वाला गुलशन ग्रोवेर अब एही फिल्म में गायिका कल्पना का साथे सुर में सुर मिलावत सुनल जइहें. मधुकर आनंद के बनावल धुन के गुलशन अपना आवाज़ में कुछ अलगे अंदाज़ दे दिहले बाड़न. निर्देशक अभिषेक चड्ढ़ा के मुताबिक जब गुलशन जी के गाना के बोल सुनावल गइल त ऊ एकरा के अपना आवाज़ में गावे के मनसा ज़ाहिर कइलन जवना पर अभिषेक चड्ढा हामी भर दिहले.

त अब तैयार रही एह “गुलशन राग” के आनन्द उठावे खातिर.


(स्पेस क्रिएटिव मीडिया के रपट)

6 जनवरी से ‘गंगादेवी’ की शूटिंग करेंगे ‘बिग बी’

गंगा और गंगोत्री जैसी फिल्मों से भोजपुरी दर्शकों से रु-ब-रु हो चुके अमिताभ बच्चन एक बार फिर गंगादेवी के ज़रिये भोजपुरी दर्शकों के सामने होंगे… निर्माता दीपक सावंत और निर्देशक अभिषेक चड्ढ़ा की इस फिल्म में बिग बी के अलावा जया बच्चन और गुलशन ग्रोवर पहली बार भोजपुरिया दर्शकों से रु-ब- रु होंगे.. दिनेशलाल यादव ‘निरहुआ’ और पाखी हेगड़े स्टारर ‘गंगादेवी’ उत्तर भारत में महिलाओं की सामाजिक और राजनैतिक स्थितियों को बिना लाग-लपेट के सामने लाएगी…


(स्रोत – स्पेस क्रिएटिव मीडिया)