दुलहिन बने ला बेचैन बाड़ी गुंजन पंत

सिनेमा भोजपुरी के चर्चित अभिनेत्री, मोहक मुस्कान के मल्लिका गुंजन पन्त अनेके फिलिमन में शादी शुदा महिला के किरदार निभा चुकल बाड़ी बाकिर असली जीवन में दुलहिन बने के इंतजार लागल बा गुंजन के. कहेली कि जबहियों कवनो फिलिम के शूटिंग में दुलहिन के ड्रेस पहिरेली त लागेला कहीं सचहुं के शादी त नइखे होकत आ गुंजन असमंजस में पड़ जाली.

एगो सवाल के जवाब में गुंजन बतवली कि कहीं असलीओ शादी में उनुका निर्देशक के ‘एक्शन – कट – ओके’ के इंतजार मत होखे लागो. हालांकि दुलहिन बने के चाहत का बावजूद गुंजन के कहना बा कि अबही पाँच साल ले त शादी नइखे करे के काहे के अतना जल्दी ऊ अपना चहेता दर्शकन के दिल तूड़ल ना चहीहें.

पिछला दिने गुंजन ‘लक्ष्मण रेखा’ के शूटिंग पूरा कइली. एह फिल्म के निर्माता अशोक गुप्ता अउर बृजेश सिंह हउवें आ निर्देशक हउवें मनोज गिरी. फिल्म में गुंजन के नायक बाड़ें विनय आनद.


(अपना न्यूज के रपट)

गुंजन पन्त के ‘धूम मचईले राजाजी’ शुक से बिहार में

धूम मचईले राजाजी

शुक २२ जून से बिहार में रिलीज फिल्म ‘धूम मचईले राजा जी’ से गुंजन पंत आपन धूम मचावे आइल बाड़ी. मोहक मुस्कान आ सौन्दर्य क मूर्ति गुंजन पन्त के अभिनय आ रूप लावण्य के दीवाना सिनेप्रेमी उनुकर फिलिम देखे सिनेमाघर ले खींचाइल चल आवेलें.

चुनमुन पंडित निर्देशित फिल्म ‘किसना कईलस कमाल’ के दर्शक खूबे सराहले रहलें आ अब उनुके निर्देशन में बनल ‘धूम मचईले राजाजी’ के बिहार के सिनेप्रेमी ओही तरह हाथोहाथ लिहले बाड़ें. एह फिल्म के निर्माता सुरेश प्रसाद मरिक आ सूर्यकान्त निराला हउवें आ सह निर्माता बाड़ें सुरेन्द्र कुमार. संगीत रंजय बावला के गीत रामचंद्र सिंह, मनोज मोहित अउर सूर्यकान्त निराला के, छायांकन ए.बेलुमुरुगन, संकलन अरविन्द त्यागी के, मारधाड़ निर्देशन सिंह इज किंग के आ नृत्य निर्देशन केदार सुब्बा के बा.

मुख्य भूमिका में छोटू छलिया, गुंजन पन्त, रोहित राज, राखी त्रिपाठी, पंकज मेहता, निरुपमा श्री, बिपिन सिंह अउर जनार्दन सिंह बाड़ें.


(अपना न्यूज के रपट)

गुंजन पन्त आ विनय आनद के बिआह करावल गइल


पिछला दिने उत्तर प्रदेश के बाबा काशी विश्वनाथ क पावन नगरी काशी (बनारस) में गंगा किनारे मंगल फेरा लेके, अग्नि के साखी मानत, वैदिक मंत्रोंच्चार संगे विनय आनंद आ गुंजन पंत के बिआह करावल गइल. एह मौका पर घाट के पंडित, महात्मा, बाबा विश्वनाथजी के दर्शन हेतु आइल श्रद्धालु, आस पड़ोस के लोग का साथे मौजूद फिल्म निर्माता अशोक गुप्ता आ बृजेश सिंह, अउर निर्देशक मनोज गिरी एह ‘नव दम्पति’ के आशीष दिहलें.

ई सबकुछ कइल गइल फिलिम ‘लक्ष्मण रेखा’ के एगो सीन खातिर. एह फिल्म के शूटिंग बनारस जौनपुर में जोर शोर से चलत बा. फिल्म में गुंजन पन्त एगो आम घरेलू महिला के किरदार करत बाड़ी जे आजु के जमाना से नावाकिफ बाड़ी. सिनेमा का परदा पर तीन गो शादी कर चुकल विनय आनंद के ई चउथा शादी रहल. विनय आनंद के पँचवा शादी जल्दिए फिल्म ‘भईल तोहरा से प्यार- आई लव य़ू’ में होखे वाला बा.


(अपना न्यूज के रपट)

‘कोठा’ ला अनुबंधित भइली गुंजन पन्त

सुपर हिट आ हैट्रिक फिलिमन क हिरोइन गुंजन पन्त एह साल भोजपुरी फिलिमन में खूब व्यस्त बाड़ी. जहाँ उनुकर अनेके फिलिम रिलीज ला तइयार बा ओहिजे ऊ कईएक फिलिमन के लगातार शूटिंगो करत बाड़ी.

सूर्य कान्त निराला अउर सुरेश कुमार मरिक के बनावल आ चुनमुन पंडित निर्देशित फ़िलिम ‘धूम मचईला राजाजी’ जल्दिए रिलीह होखे वाली बा. निर्देशक चुनमुने पंडित क तिसरकी फिलिम ‘जान मारे ओढ़निया तोहार’ के पिछला दिने मुहूर्त भइल आ एहु फिलिम में बतौर नायिका मौजूद बाड़ी गुंजन पन्त जे तिसरी बेर चुनमुन पंडित के निर्देशन में अभिनय करे जात बाड़ी.

एकरा अलावा अब गुंजन पंत के ‘बाबा का दलान’ बैनर तले बने जात भोजपुरी फ़िल्म “कोठा” में मुख्य नायिका ला निर्देशक मनोज श्रीपति झा अनुबंधित कइले बाड़न. ई फिलिम कोठन पर त्रासदी भरल ज़िनगी गुजारत औरतन का जिनिगी पर आधारित बा जिनका के लोग सिर्फ अपना मनोरंजन के साधन समुझेलें.

गीतकार प्यारेलाल यादव, राजेश मिश्रा अउर अशोक सिन्हा आ संगीतकार हउवें धनंजय मिश्रा. मुख्य भूमिकन में गुंजन पन्त क अलावे रिंकू घोष आ आनंद मोहन के नाम तय बा. बाकी कलाकारन के चुनल जात बा.


(अपना न्यूज के रपट)

गुंजन पन्त गूँजत बाड़ी


अनेके सुपर हिट भोजपुरी फिलिमन के स्टार नायिका, मधुर मुस्कान क धनी, रूप-सौंदर्य के मल्लिका गुंजन पन्त रोजे नया ऊँचाई छूअत बाड़ी. उनुका के अगर “हैट्रिक फिलिमन के हिरोइन” कहल जाव त बेजाँय ना रही. नैनीताल के खूबसूरत वादियन के सुन्दरता अपना में समेटले मायानगरी मुंबई आइल गुंजन पन्त क नाम अनायासे हर केहु का जुबना पर आ जाला काहे कि ऊ जतना बेहतरीन अदाकारा हई ओहू ले बेसी उनुकर हँसमुख सुभाव लोग के नीक लागेला. गुंजन पन्त क सबले बड़ खासियत ई बा कि ऊ हर सीन के सहज भाव से कर लेली. उनका अदाकारी आ कातिल अदा के कायल आजु दर्शके ना निर्मातो निर्देशको लोग हो गइल बा.

अब बात होखे उनुका हैट्रिक फिलिमन के त “किसना कईलस कमाल”, “धूम मचईला राजा जी”, आ अब “जान मारे ओढ़नियाँ तोहार” के निर्देशक हउवन चुनमुन पंडित. तीन गो फिलिम, “बृजवा”, “मोरा बलमा छैल छबीला” आ “किसना कईलस कमाल” में स्टार नायक विनय आनंद का साथे गुंजन के हैट्रिक बन चुकल बा. निर्माता में जितेश दुबे का साथे उनुकर तीन गो फिलिम, “मार देब गोली केहू न बोली”, “बृजवा” आ “यादव पान भंडार”, क हैट्रिको गुंजन के बन चुकल बा.

गुंजन के जल्दिए आवे वाली फिलिमन में “राम लखन”, “यादव पान भंडार”, आ “धूम मचईला राजा जी” क नाम शामिल बा.

हालही में गुंजन “बाबा का दलान” बैनर तले बने जात फिल्म “कोठा” के साइन कइले बाड़ी. एकर निर्देशक हउवें मनोज श्रीपति झा.


(अपना न्यूज के रपट)

गुंजन पंत के ‘छैल छबीला बलमा’ मुंबईओ में हिट भइल

भोजपुरी फिलिमन के सेक्सी बाला गुंजन पंत के जलवा मुंबईओ में खूब देखे के मिलत बा. एहिजा रिलीज भइल गुंजन पंत के फिल्म ‘मोरा बलमा छैल छबीला’ देखे खातिर दर्शकन के भारी भीड़ उमड़त बा. नायक बाड़े भोजुपरी सिनेमा के सुपर स्टार विनय आनंद. गुंजन पंत अपना नायक विनय आनन्द के साथ फिल्म ‘मोरा बलमा छैल छबीला’ के प्रोमोट करे खातिर जब भिवंडी चहुँपली त ओहिजा एगो बड़हन भीड़ जुट गइल गुंजन के एक झलक देखे खातिर. कुछ लोग उनुका के बधाई दिहल आ कहल कि अपने के अदाकारी दिल जीत ले जाले.

“छैल शबीला बलमा” फिल्म हर जगहा हाउसफुल चलत बिया. अपना भिवंडी यात्रा के ना भूले वाला याद बतावत गुंजन के कहना बा कि भिंवडी के ऊ कबो ना भुला पइहें. एहिजा के लोग उनुका के भरपूर प्यार दिहल.

गुंजन पंत के ‘मार देब गोली केहू ना बोली’ फिल्मो के लोग हर जगहा पसंद कइले रहे. एह फिल्म में उनुका डांस ब्लास्ट के दर्शक भरपूर आनंद उठवले. अपना प्रशंसकन के गुंजन आटोग्राफ दिहली, कुछ लोग का साथे फोटो खिंचववली आ भिवंडी के खानपान के भरपूर मजा लिहली. कुछ दर्शक गुंजन के अपना परिवारो से मिलवले.


(शशिकांत सिंह के रपट से)

गुंजन पंत ने मचाई धूम

अभिनेत्री गुंजन पंत इन दिनों खूब धूम मचा रही है। हाल ही में फिल्म ‘धूम मचईला राजा जी’ की शूटिंग ख़त्म कर बिहार के गंया जिले से मुंबई लौटी गुंजन पंत ने निर्माता जितेश दुबे की फिल्म ‘यादव पान भंडार’ की शूटिंग ख़त्म की। इस फिल्म में भोजपुरी फिल्मों के मेगा स्टार मनोज तिवारी, उनके नायक हैं। इस फिल्म को निर्देशित किया है अजय गुप्ता ने। गुंजन कहती है कमाल की फिल्म बनी है ‘यादव पान भंडार’। ‘यादव पान भंडार’ की शूटिंग ख़त्म कर गुंजन पंत ने आराम भी नहीं किया कि अब वे जितेश दुबे की ही अगली फिल्म ‘लाज’ की शूटिंग में भोपाल जा रही हैं, जहां की गुंजन पंत रहनेवाली हैं। ‘लाज’ का निर्देशन कर रहे हैं विनोद तिवारी। इस फिल्म में रिंकू घोष, गुंजन पंत और अनारा गुप्ता की मुख्य भूमिका है। इस फिल्म की शूटिंग ख़त्म होने के बाद गुंजन पंत दो और फिल्मों की शूटिंग में व्यस्त होंगी। फिल्म ‘धूम मचईला राजा जी’ को लेकर गुंजन पंत कहती हैं मेरे कैरियर की बेहतरीन फिल्मों में एक है ‘धूम मचईला राजा जी’। इस फिल्म में उनके नायक हैं छोटू छलिया। भोजपुरी फिल्मों की सेक्सी बाला गुंजन पंत पिछले दिनों भारतीय क्रिकेट टीम के कप्तान महेन्द्र सिंह धोनी के शहर रांची गयी। रांची में जाने और वहां किसी समारोह में भाग लेने वाली वे मौजूदा दौर की पहली भोजपुरी अदाकारा हैं। गुंजन पंत धोनी के शहर रांची की अपनी यात्रा को ना भूलने वाला स्मरण बताती हैं और साफ कहती हैं झारखण्ड की राजधानी रांची मैं ज़िन्दगी भर नहीं भूलूंगी। यहां लोगों ने गुंजन पंत को भरपूर प्यार दिया। गुंजन पंत की फिल्म ‘मार देब गोली केहू ना बोली’ को लोगों ने झारखण्ड में खूब पसंद किया था। उनके प्रशंसकों ने गुंजन पंत के ऑटो ग्राफ लिया, उनके साथ तस्वीर निकलवाई। गुंजन पंत कहती हैं झारखण्ड जाने से पहले मैं काफी डरी थी। मुझे बताया गया था कि झारखण्ड में नक्सली बहुत हैं। मगर यहां धोनी का शहर रांची तो कमाल का शहर है। पूरी तरह आधुनिक सुख सुविधाओं वाले इस शहर के खान पान का भी गुंजन पंत ने खूब लुत्फ उठाया।


(स्रोत – शशिकान्त सिंह, रंजन सिन्हा)

गया पहुंचली गुजन पंत

भोजपुरी सिनेमा के हॉट क्वीन गुंजन पंत पिछला दिने बिहार के गया जिले से लवटला का बाद कहत बाड़ी कि बिहार जइसन प्रदेश नइखी देखले. एहिजा के लोग बहुते मिलनसार होला. गुंजन पंत बिहार के गया जिला में अपना फिल्म ‘धूम मचईलऽ राजा जी’ के शूटिंग करे गइल रही. फिल्म में उनुकर नायक बाड़े लोक गायक छोटू छलिया. एह दुनु जने, छोटू छलिया आ गुंजन पंत, के केमिस्ट्री देखे लायक रहल. छोटू गुंजन पंत को खूब घुमवलन. लिट्टी चोखा, इमरती खिअवलन आ चना के सतुआ के लस्सी पिअवलन. गुंजन पंत के बहुते लाजवाब अउर यम्मी टेस्ट लागल एह सब के. कहली कि लिट्टी चोखा खातिर त अबहियो मुंह में पानी आवत बा.
‘धूम मचईलऽ राजा जी’ के निर्माता हउवें चुनमुन पंडित. जिनका ‘किसना कईलस कमाल’ जइसन सुपर डुपर हिट भोजपुरी फिल्म में गुंजन काम कर चुकल बाड़ी. चुनमुन पंडित के कहना बा कि गुंजन पंत कमाल के एक्ट्रेस हई आ उनुका साथे बेफिकिर होके काम कइल जा सकेला. एहू फिलिम के शूटिंग बिना कवनो परेशानी पूरा हो गइल. एह फिल्म में गुंजन पंत के कई लुक देखे के मिली. बिल्कुल हॉट से लेके गाँव के सिधवा लड़िकी ले.


(स्रोत – शशिकान्त सिंह, रंजन सिन्हा)

फिल्मी दुनिया के खबर

छठवाँ भोजपुरी फिल्म अवार्ड्स 14 अक्टूबर के
भोजपुरी फिल्म जगत के प्रतिष्ठित अवार्ड “भोजपुरी फिल्म अवार्ड” के आयोजन एह साल 14 अक्टूबर के होखे जा रहल बा. वी. आर मल्टीमीडिया प्रा. लि. द्वारा आयोजित ई अवार्ड समारोह हर साल का तरह एहू साल गोरेगांव स्पोर्टस क्लब, मुंबई में आयोजित कइल जाई.
अवार्ड के संस्थापक अध्यक्ष विनोद गुप्ता बतवले कि भोजपुरी सिनेमा के 50 साल पूरा होखला का उपलक्ष्य में एह साल अवार्ड में विशेष तइयारी कइल जा रहल बा.


(स्रोत : प्रशांत निशांत )

“नाच नचईया धूम मचईया” के मंच पर पाखी आ शुभी शर्मा

महुआ टी. वी. पर प्रसारित होत डांस रियलिटी शो “नाच नचईया धूम मचईया” में पिछला हफ्ता पाखी हेगड़े आ शुभी शर्मा अपना हालही में रिलीज फिल्म “संतान” के प्रमोट करे चहुँपली. दुनु अदाकारा शो के एंकर सुपरस्टार रविकिशन का साथे मंच पर नृत्य प्रस्तुतिओ दिहली.
एह शो में एहसे पिछला हफ्ता उर्वशी आ राज के जोड़ी बाहर जा चुकल बा लोग.


(स्रोत : प्रशांत निशांत )

महिमा अमवां के सती माई के शूटिंग पूरा

पार्वती म्यूजिक एण्ड फिल्मस कंपनी के बैनर तले बनत भोजपुरी फिल्म “महिमा अमवा के सति माई के” के शूटिंग गोरखपुर में खतम हो गइल बा. धार्मिक आ पारिवारिक रीति रिवाजन पर आधारित एह फिल्म के शूटिंग गाजीपुर, गोपालगंज, गोरखपुर, देवरिया आ भटनी के मन भावक जगहन पर कइल गइल बा. फिलहाल एकर पोस्ट प्रोडक्शन के काम चलत बा.


(स्रोत : संजय भूषण पटियाला )

कलुआ भईल सयान

डायनामिक एक्टर शुभम तिवारी आ लोक गायक “कलुआ” फिल्म “कलुआ भईल सयान” में नजर आवे जात बाड़े. सुपर डुपर हिट फिल्म “तू ही मोर बालमा” के निर्माता रितेश कुमार ठाकुर एकर निर्माण कइले बाड़न. एही फिल्म से अरविंद अकेला उर्फ कलुआ के नायक का रूप में लांच कइल जा रहल बा. निर्देशक हउवें ओ.पी. कश्यप.

शुभम तिवारी के एक्शन दर्शक “कानून हमरा मुट्ठी में” देख चुकल बाड़न. शुभम तिवारी रोमांस आ कॉमेडी दुनु कमाल के करेले.


(स्रोत : शशिकान्त सिंह )

डबल रोल वाला खलनायक

भोजपुरी फिल्मों के नंबर वन खलनायक संजय पांडे पहिलका अइसन भोजपुरी खलनायक होखीहें जे डबल रोल निभावे जात बाड़न. फिल्म “ट्रक ड्राइवर” में डबल रोल करे जात संजय पांडे लोग के दिल जीत लीहें अतना तय बा. अपना पसंदीदा निर्देशक राजकुमार पांडे के निर्देशन में डबल रोल निभा के संजय अपना के खुशक़िस्मती मानत बाड़न.


(स्रोत : शशिकान्त सिंह )

मनोज तिवारी के गीतन से गुनगुनाइल पूर्वांचल सम्मान समारोह

राजधानी दिल्ली के द्वारका के सेक्टर तीन में आयोजित पूर्वांचल सम्मान समारोह में भोजपुरी सुपर स्टार आ गायक मनोज तिवारी भोजपुरी में देश भक्ति आ आतंकवाद विरोधी गीत गाके आतंकवाद का खिलाफ एकजुट होखे के सनेस दिहले आ अन्ना हजारे के नाम लेत भठियरपन से लड़े के अपील कइलन.

एह समारोह में पत्रकारिता, गायिकी, राजनीति आ समाज सेवा में खास योगदान देबे वाला कई लोग के, जवना में निशिकांत ठाकुर, मनोज तिवारी, भोजपुरी समाज के अध्यक्ष अजीत दूबे, विधायक एस.सी.एल. गुप्ता आ विधायक रामेश्वर चौरसिया शामिल रहले, के “पूर्वांचल गौरव” सम्मान दिहल गइल.

समारोह के मुख्य अतिथि सांसद आ भाजपा के राष्ट्रीय प्रवक्ता शाहनवाज हुसैन कहलन कि आतंकवाद के खिलाफ सगरी देश एकजुट बा. मनोज तिवारी शाहनवाज हुसैन के शाल भेंट कर के सम्मानित कइले. शाहनवाज अपना संबोधन में कहलन कि मनोज तिवारी भोजपुरी सिनेमा के अमिताभ बच्चन हउवन.


(स्रोत : शशिकान्त सिंह )

गुंजन पंत छोड़ दिहली “नाच नचईया धूम मचईया”

भोजपुरी सिनेमा के जानी मानी अदाकारा गुंजन पंत आखिरकार भोजपुरी रिएलटी शो “नाच नचईया धूम मचईया” के अलविदा कहिये दिहली. काहे कि शो शुरु होखते गुंजन पंत बीमार हो गइली आ बाद में उनुकर डेट गड़बड़ाये लागल. सबकुछ देखत गुंजन शो के निर्माता से कहि के अपना के अलग करवा लिहली.


(स्रोत : शशिकान्त सिंह )

जब रो दिहली सीमा सिंह
भोजपुरी के नंबर वन डांसिंग क्वीन सीमा सिंह पिछला दिने डांस शो “नाच नचइया धूम मचइया” में अपना डांस स्टेप से अपने त रोइबे कइली जजो के रोआ दिहली. सीमा सिंह के डांस स्टेप देख शो के जज कानू मुखर्जी उनुकर जम के तारीफ कर दिहलन. एह पर दोसर जज सुधा चंद्रन कहली कि कवनो जज के कवनो एक प्रतिभागी के एह तरह प्रशंसा ना करे के चाहीं. एहपर दुनु जजन में तू तू मैं मैं होखे लागल. ईहे सब देख के सीमा सिंह रो पड़ली आ उनुका के रोवत देखि कानू मुखर्जी के आंख भरि आइल.


(स्रोत : शशिकान्त सिंह )

रिंकू घोष के “अग्नि युद्ध”
भोजपुरी के नंबर वन अदाकारा रिंकू घोष आ भोजपुरी सुपर स्टार रवि किशन के जोड़ी “बिदाई” आ “बलिदान” का बाद फेरू “अग्नि युद्ध” में आवत बा, एकरा अलावा ई दुनु जने डा. विजाहित करीम निर्मित “केहू हमसे जीत ना पाई” फिल्मों में नजर अइहें.
“अग्नियुद्ध” के निर्देशन राजू चौहान के ह.


(स्रोत : शशिकान्त सिंह )

पहली बेर भोजपुरी फिल्म में एक दर्जन स्टार

भोजपुरी सिनेमा के इतिहास में पहिला बेर कवनो फिल्म में एक दू गो ना, पूरा दर्जन भर स्टार आपन जलवा देखइहें. डॉ. विजाहत करीम आ डॉ. सुरहिता करीम के बनावल फिल्म “केहू हमसे जीत ना पाई” में. एम.आई. राज निर्देशित एह मल्टी स्टारर फिल्म में रवि किशन, रिंकू घोष, सुशील सिंह, मनोज टाईगर, मोहित घई, राजीव दिनकर, महेश राजा, हितेन्द्र पांडे, प्रतिभा पांडे, स्वाती वर्मा, कोमल ढिल्लन, श्रीकनकनी, अयाज खान, अरुण बख्शी, दीपा ग्रेवाल, प्रमिला आ शाहबाज खान के मुख्य भूमिका बा.


(स्रोत : शशिकान्त सिंह )

भोजपुरी के नयका खलनायक रवि उज्जैन

भोजपुरी पर्दे पर आइल नयका खलनायक रवि उज्जैन अपना खलनायिकी कैरियर के शुरूआत अभय सिन्हा के “जंग” से कइलन जवना में ऊ पवन सिंह से टकरात नजर अइलें. एह फिल्म में रवि के अभिनय के बहुते तारीफ भइल आ अभय सिन्हा इनका के “इंसाफ” में फेर मुख्य खलनायक बना दिहले. अजय श्रीवास्तव निर्देशित एह फिल्म में रवि उज्जैन मनोज तिवारी आ पवन सिंह का साथे नजर अइहन.
रवि उज्जैन “नईहर के माड़ो पिया के चुनरी”,”जुल्मी संग अँखिया लड़ी” आ “मेरा पिया घर आया हो राम जी” में बतौर नायक काम कइले बाड़न. रवि देव पाण्डेय निर्देशित “लवारिस” में एंटी हीरो बाड़े रवि उज्जैन.


(स्रोत : प्रशांत निशांत )

सगुनिया हई शुभी शर्मा
भोजपुरी अदाकारा शुभी शर्मा अब ले जतना फिल्म कइले बाड़ी सगरी बॉक्स ऑफिस पर सफल साबित भइल बाड़ीं सँ. एही से लोग कहे लागल बा कि शुभ हई शुभी शर्मा ! “चलनी के चालल दुल्हा” से शुरु कर के “भईया की साली ओढनिया वाली”, “दुश्मनी”, “औलाद”, आ अब हालिया प्रदर्शित “संतान” सब के सब बॉक्स ऑफिस पर निकहा व्यवसाय कइली सँ.
शुभी एह सफलता से बहुते उत्साहित बाड़ी आ उम्मीद करेली कि उनुकर सफलता हरदम जारी रहे.


(स्रोत : प्रशांत निशांत )

ट्रक ड्राइवर में खलासी बने प्रदीप पाण्डेय

भोजपुरीं सिनेमा के सबले कम उमरिया कलाकार प्रदीप पाण्डेय चिंटू “ट्रक ड्राइवर” में खलासी बनल बाड़े. चर्चित निर्माता-निर्देशक राजकुमार आर. पाण्डेय के एह फिल्म में टाईटल भूमिका में सुपरस्टार पवन सिंह बाड़े. फिल्म में प्रदीप पाण्डेय आ नयकी अदाकारा काजल रघानी के लव एंगल बा.
देवरा बड़ा सतावेला, लहरिया लुटऽ ए राजा जी, मैं नागिन तू नगीना जइसन फिलिमन में धमाल मचा चुकल प्रदीप के ट्रक ड्राइवर से बहुते उम्मीद बा.


(स्रोत : प्रशांत निशांत )

सुशील सिंह आ गुंजन पंत के जादू चलत बा

भोजपुरी फिलिमन के दबंग स्टार सुशील सिंह आ सेक्सी बाला गुंजन पंत के फिल्म ‘नथुनिया पे गोली मारे’ दर्शकन के भारी भीड़ बटोरलसि. एक साथ 18 सिनेमाघर में प्रदर्शित भइल ‘नथुनिया पे गोली मारे’ में सुशील सिंह के एक्शन अउर गुंजन पंत के रोमांस लोग का माथे चढ़ के बोलल. फिल्म में सीमा सिंह के आयटमो नंबर के लोग खूब पसंद कइल.


(स्रोत – शशिकांत सिंह अउर रंजन सिन्हा)