धड़केला तोहरे नाँवे करेजवा का सेट पर होली मनइहे सितारा

आदि शक्ति इण्टरटेनमेंट के फिल्म ‘धड़केला तोहरे नावे करेजवा’ के सेट पर गुजरात में अबकी बेर एह फिल्म से जुड़ल सितारा आपन होली मनइहें.

फिल्म के नायक विजय वर्मा, नायिका रानी चटर्जी, नम्बर वन खलनायक संजय पांडे, अयाज खान अउड़ डांसिंग क्वीन सीमा सिंह के ई होली गुजरात के राजपिपला में मनावल जाई आ फिलिम का सेटे पर. एकरा खातिर निर्देशक दिनेश यादव खास इंतज़ाम करवले बाड़न. होली का दिने भाँग खाये के शौकीन संजय पांडे खातिर भांग के इंतज़ाम एह शर्त पर होखी कि ऊ बेसी भाँग ना लीहें. होली पर होरी के इंतजामो बा भोजपुरिया गीत संगीत का साथे.

चर्चित निर्देशक राजकुमार पाण्डे के एसोसिएट रह चुकल निर्देशक दिनेश यादव अबही ले एक दर्जन से बेसी सफल भोजपुरी फिलिमन में आपन योगदान दे चुकल बाड़न. फिल्म के निर्माण सुपर गोल्ड आडियो एण्ड सिनेविजन प्रा. लि. करत बिया. पत्रकारिता से फिल्म निर्देशन में आइल दिनेश यादव एह मौका पर निर्देशक राजकुमार पाण्डे के राजपिपला आवे के बोलावा भेजले बाड़न.


(शशिकांत सिंह के रपट से)

आदि शक्ति लाँच कइले निर्देशक दिनेश यादव के

भोजपुरी फिलिमन के एह घरी छाप लिहले बाड़न निर्देशक दिनेश यादव. हालांकि बतौर निर्देशक दिनेश यादव के पहिला भोजपुरी फिल्म ह ‘धड़केला तोहरे नावे करेजवा’ जवन एह घरी खूबे चरचा बिटोरत बिया. आदि शक्ति इण्टरटेनमेंट के एह फिल्म ‘धड़केला तोहरे नावे करेजवा’ के निर्देशित करे से पहिले दिनेश यादव चर्चित निर्देशक राजकुमार पाण्डे के एसोसिएट रहले आ एक दर्जन से अधिका सफल भोजपुरी फिलिमन में योगदान दे चुकल बाड़े. एह फिल्म के निर्माण सुपर गोल्ड आडियो एण्ड सिनेविजन प्रा. लि. करत बिया.

पत्रकारिता से फिल्म निर्देशन करे उतरल दिनेश यादव के मुहूर्त का मौका पर बधाई देबे खुद निर्देशक राजकुमार पाण्डे आ अभिनेता मनोज पाण्डेय, अवधेश मिश्रा, संजय पाण्डेय, अयाज खान, गोपाल राय वगैरह मौजूद रहले.

एह फिल्म से पहिला हाली यूपी आ बिहार के चर्चित गायक विजय वर्मा के सिल्वर स्क्रीन पर उतारल जात बा. उनुकर नायिका बाड़ी रानी चटर्जी. अउरी मुख्य कलाकारन में संजय पाण्डे, कलुवा, निशा, उमेश सिंह, अयाज खान, आनन्द मोहन, रत्नेश आ नीरज राज पौडेल वगैरह शामिल बाड़े.

फिल्म के गीत लिखले बाड़न प्यारेलाल यादव आ श्याम देहाती. संगीतकार हउवे श्याम देहाती, मार-धाड़ मास्टर दिलीप यादव आ नृत्य निर्दैशक कानू मुखर्जी हउवन.


(शशिकांत सिंह के रपट)