खेसारीलाल क एक्शन अवतार वाली फिलिम ‘दिल ले गईल ओढनिया वाली’ 8 जून से

सिनेमा भोजपुरी के नयका सुपरस्टार खेसारीलाल यादव 8 जून से रिलीज होखे जात ‘दिल ले गईल ओढनिया वाली’ में एक्शन अवतार में लउकीहें. बालाजी सिनेविजन प्रा. लि. क बैनर तले बनल एह फिल्म के निर्माता पप्पू भाई, राजेश सिंह आ संजय कनूगा, निर्देशक अरविंद चौबे, एक्शन मास्टर दिलीप यादव, संगीतकार मधुकर आनंद, गीतकार विनय बिहारी, प्यारेलाल यादव, आ कृष्णा बेदर्दी, अउर क्रिएटिव निर्माता आशीष एस. ठाकुर हउवें.

फिल्म में मुख्य जोड़ी खेसारी लाल आ अंजना सिहं क बा, खलनायक हउवें रजनीश झांजी, आ बाकी कलाकारन में शशिमोहन सिंह, प्रिया कपूर, मनोज टाईगर, आनंद मोहन, प्रिया पाण्डेय, रत्नेश बरनवाल, संजय वर्मा, आशा शर्मा, जसवंत कुमार, बालेश्वर सिंह, जय सिंह, आ रंजीत कुमार सिंह व शामिल बाड़ें.


(प्रशान्त निशान्त के रपट)

खेसारीलाल क दिल उड़ा लिहली अंजना सिंह

भोजपुरी के नयका सुपरस्टार खेसारीलाल यादव के दिल भोजपुरी के हॉट गर्ल अंजना सिंह ले उड़ल बाड़ी आ खेसारी अब उनुका प्यार में पागल बाड़े. फिल्म ‘दिल ले गईल ओढनिया वाली’ के ई जोड़ी आजुकाल्ह अपना फिल्म ले के खूबे चरचा में बाड़ें.

बालाजी सिनेविजन प्रा. लि. के बैनर तर प्रसिद्ध वितरक पप्पू भाई, राजेश सिंह आ संजय कनूगा के बनावल एह फिल्म में खेसारीलाल यादव के दिल ओढनिया वाली अंजना ले उड़त बाड़ी आ खेसारी कइसे अपना प्यार में सफल होखत बाड़े इहे एहमें देखावल गइल बा. निर्देशक अरबिंद चौबे हउवें

फिल्म के कलाकारन में शशि मोहन सिंह, प्रिया कपूर, मनोज टाईगर, आनंद मोहन, प्रिया पाण्डेय, रत्नेश वरनवाल, आशा शर्मा, जसवंत कुमार, बालेश्वर सिंह, जय सिंह आ रजनीश झांजी के प्रमुख भूमिका बा.

फिल्म जून में रिलीज कइल जाई.


(प्रशांत निशांत के रपट)

शशिमोहन सिंह के “दिल ले गईल ओढनिया वाली”

छत्तीसगढ़ के चर्चित अभिनेता आ एडिशनल एस० पी० शशिमोहन सिंह अब लगातार भोजपुरी फिलिमन के शूटिंग करत बाड़न. उनुका व्यस्तता क आलम ई बा कि छत्तीसगढ़ के निर्माता सुखजीत सिंह “धामी” के फिल्म “गरदा उड़ा देब” के शूटिंग खतम होखते ऊ कई गो दोसरा फिलिमन का शूटिंग में व्यस्त हो गइले. एही कड़ी में शशिमोहन सिंह फिल्म वितरक से निर्माता बनल पप्पू भाई, राजेश सिंह आ संजय कनुगा के फिल्म “दिल ले गईल ओढनिया वाली” में बतौर नायक नजर आवे वाला बाड़न. एहू फिलिम के शूटिंग पूरा हो गइल बा. एह फिल्म के बाकी कलाकारन में खास बाड़े खेसारी लाल यादव, अंजना सिंह, प्रिया कपूर, आनंद मोहन, मनोज टाइगर, रत्नेश बरनवाल, जय सिंह, यशवंत सिंह, बालेश्वर सिंह आ रजनेश झाजी. फिल्म के निर्देशक हउवे अरविन्द चौबे.

शशिमोहन सिंह कहेले कि कलाकार होखला का चलते ऊ हमेशा अलगा-अलगा भूमिका करल चाहेले. एहीसे ऊ दू साल के छूट्टी ले लिहले बाड़न जेहसे कि ऊ अपना फिलिमन खातिर पूरा ध्यान आ समय दे सकसु. शशिमोहन सिहं के आवे वाली फिलिमन में एलाने जंग, हमरे नावे जिला हिलेला, दिल ले गईल ओढनिया वाली आ गरदा उड़ा देब वगैरह शामिल बाड़ी स.


(अपना न्यूज के रपट से)