राजनीति का कोख से उपजल अपराधन के पड़ताल करी ‘नसीब’ फिलिम

डायरेक्टर रवि कश्यप अपना फिलिमन में हमेशा सामाजिक सरोकारन के बहुते गहिराई आ संवेदनशील तरीका से पेश करत आइल बाड़. अब अपना अगिला फिलिम ‘नसीब’ में देखावे का तइयारी में बाड़न कि कइसे नेतवा आपन मकसद पूरावे खातिर बेरोजगार नवहियन के अपना जाल में फँसावेले. ज़माना के दउड़ पीछे छूटत एह नवहियन के सुनहुला भविष्य के सपना देखावत ओकनी के अपराध के अन्हार गलियन में ठेल देबेलें. आ अपना सपना का पाछा भागत ऊ नवही एक दिन समाज खातिर नासूर बन जाला.

इहे फलसफा बावे फिल्म ‘नसीब’ में. एकर नायल बाड़े युवा दिल के धड़कन अभिनेता मनोज पाण्डेय. स्टेफर्ड्स प्रोडक्शन नेटवर्क (एस.पी.एन.) का बैनर तले बनत प्रोड्यूसर सेविओ फर्नांडिस अउर अनीता कश्यप के एह फिल्म में मनोज पाण्डेय का साथे स्मृति सिन्हा, ख़ुशी गुप्ता, बाल गोविन्द बंजारा अउर रामसुजान सिंह के अहम भूमिका बावे. देखे लायक रही कि रोचक अंदाज में आपन बाति कहे में माहिर डायरेक्टर रवि कश्यप एह फिल्म के संदेश कवना तरह नबहियन लायक बनावत बाड़े.


(स्पेस क्रिएटिव मीडिया के रपट से)

धूम-धाम से भइल “नसीब” के मुहूर्त…

‘नसीब तो उनकरो होला जिनका हाथ में लकीर ना होखे … ‘, लेकिन नसीब वाला हाथ जब आपन नसीब खुद लिखे का जिद पर अड़ जालें त बात बने ना बिगड़ जाले.

डायरेक्टर रवि कश्यप अपना अगिला फिल्म “नसीब” में एही फोर्मुला के नवहियन के बढ़ता महत्वाकांक्षा आ ओकरा खराब परिणामन के बहुते रोचक अंदाज़ में पेश करे जात बाड़े. भोजपुरिया इलाका में बेरोजगारी के समस्या आ राह भटकल नवहियन के अपना मकसद खातिर गलत इस्तेमाल करिके आपन हित साधे के नेतवन के चाल एगो बड़हन समस्या बनि गइल बा. एही विषय के निर्देशक रवि कश्यप अपना फिलिम “नसीब” में उठवले बाड़न.

हालही में एह फिल्म के भव्य मुहूर्त कइल गइल.

निर्माता सेवियों फर्नांडिस आ अनीता कश्यप के एह फिल्म में मनोज पांडे आ स्मृति सिन्हा मुख्य किरदार में आ साथ में खुशी गुप्ता, बाल गोविन्द बंजारा, राम सुजन सिंह जइसन नामचीन सितारा मौजूद रहीहें. संगीत देत बाड़े ओम प्रकाश पाठक. फिल्म के खासियत ई बा कि पहिला बेर कवनो भोजपुरी फिल्म में हेलीकॉप्टर स्टंट सीन्स फिल्मावल जाई.

शूटिंग एक अप्रैल से बिहार आ गोवा में करावल जाई.


( स्पेस क्रिएटिव मीडिया के रपट से)