सब पर भारी पड़लन निरहुआ ‘‘बिहारी’’

सिनेमा भोजपुरी के जुबली स्टार दिनेशलाल यादव ‘निरहुआ’ के नइकी रिलीज फिलिम ‘‘एक बिहारी सब पर भारी’’ सगरी बिहारी में मजगर बिजनेस करत बिया. निरहुआ के शानदार एक्शन आ बेजोड़ संवाद से भरल एह फिल्म के पहिला हफ्ता के कलेक्शन बिहार में चालीस लाख रुपिया नेट रहल जवन कवनो भोजपुरी फिलिम के पहिला हफ्ता में सबले बेसी बा.

बिहार के 55 गो सिनेमाघरन में एह फिलिम के अब दूसरका हफ्ता चलत बा. ‘एक था टाईगर’ जइसन रिकॉर्ड व्यवसाय करे वाली फिलिम का साथे रिलीज भइल एह फिलिम के सफलता से ई फेरू साफ हो गइल कि निरहुआ के आपन दर्शक वर्ग बा जे सिरिफ उनुके के देखल चाहेला.

एह फिलिम में निरहुआ बिहारी नवही के भूमिका कइले बाड़ें आ साथ में दू गो नायिका बाड़ी अंजना सिंह आ अक्षरा सिंह. फिलिम के निर्देशन जगदीश शर्मा के बा आ निर्माता हउवें रवि शर्मा.


(प्रशांत निशांत के रपट)

Advertisements

‘बिहारी’ निरहुआ के जलवे जलवा चलत बा

सिनेमा भोजपुरी के जुबली स्टार दिनेशलाल यादव निरहुआ के फिलिम ‘एक बिहारी सौ पे भारी’ पिछला शुक का दिने बिहार में रिलीज भइत त निरहुआ के जलवा देखे लायक रहल. निरहुआ अभिनीत एह फिल्म के बिहार के 55 से अधिका सिनेमाघरन में शानदार ओपनिंग मिलल. बहचर्चित हिंदी फिलिम ‘एक था टाईगर’ जइसन फिलिम का सोझा आ रमजान के आखिरी जुमा रहला का बावजूद एह फिलिम के शानदार ओपनिंग मिलल.

एह फिलिम में निरहुआ बिहारी युवक बनल बाड़ें आ उनकर बोलल संवाद ‘बिहारी मतलब बगावत की चिंगारी’ आ ‘जईसन लकड़ी वईसन आरी, दुश्मन के घर में घुसके मारी, एक बिहारी सौ पे भारी’ पर दर्शकन के ताली खूब बाजत बा. उनकर एक्शन सीन आ संवाद अदायगी हमेशा का तरह दर्शकन के बहुते पसंद आवत बा.

जगदीश शर्मा निर्देर्शित एह फिलिम में निरहुआ संगे दू गो हसीन अदाकारा बाड़ी अंजना सिंह आ अक्षरा सिंह.


(प्रशांत निशांत के रपट)

तिसरका बेर सलमान खान से टकरइहें निरहुआ

भोजपुरी स्टार दिनेशलाल यादव ‘निरहुआ’ तिसरका बेर हिन्दी के दबंग स्टार सलमान खान से टकराए जात बाड़न. एह साल ईद पर सलमान खान के ‘एक था टाईगर’ का संगही ‘एक बिहारी सौ पे भारी’ आ ‘गंगा जमुना सरस्वती’ रिलीज कइल जात बा. ‘एक बिहारी सौ पे भारी’ निरहुआ एगो बिहारी युवक के भूमिका में नायक बाड़ैं त निर्माता आलोक कुमार के ‘गंगा जमुना सरस्वती’ में भोजपुरी के तीनो बड़का सितारा आपन जलवा देखइहें. एहमें निरहुआ संगे मनोज तिवारी ‘मृदुल’ अउर रविओ किशन शामिल बाड़ें.

पिछला बेर सलमान के ‘वान्टेड’ संगे निरहुआ के ‘परिवार’ रिलीज भइल रहे आ बॉक्स ऑफिस पर हिट रहल. फेर ‘दबंग’ संगे निरहुआ के ‘मृत्युंजय’ अइलें आ पूरा भारत में शानदार ओपनिंग से शुरूआत कइलें. अबकी सलमान के ‘एक था टाईगर’ संगे आवत निरहुआ के दुनु फिलिमन के सफलता ला ट्रेड पंडित आश्वस्त बाड़ें.

बकौल निरहुआ एक संगे फिलिमन के रिलीज होखल टक्कर ना होखे. ईद जइसन तेवहार पर कईएक फिलिम रिलीज होके पइसा वसूल सकेली सँ एहीसे निर्माता आ वितरक अइसना मौका पर फिलिम रिलीज करेलें.

ईहो जानेलायक बा कि लगातार पाँच साल से भोजपुरी सिनेमा के नं. 1 सितारा रहल निरहुओ सलमान के फैन हउवें इ सलमान के फिलिमन के कायल हउवें.


(प्रशांत निशांत के रपट)

आलोक कुमार-निरहुआ के बहुते सफल जोड़ी फेरू साथ-साथ

सिनेमा भोजपुरी के सबले सफल निर्माता आलोक कुमार आ सबले सफल स्टार दिनेशलाल यादव ‘निरहुआ’ क सुपरहिट जोड़ी एक बेर फेरू धमाल मचावे ला तइयारी करत बा. आलोक कुमार निरहुआ लेके आपन नइकी फिलिम ‘दूध का कर्ज’ बनावल शुरू कइले बाड़न.

एह जोड़ी के सफल फिलिमन के सूची में ‘हो गईल बा प्यार ओढ़निया वाली से’, ‘निरहुआ चलल ससुराल’, ‘हो गइनी दिवाना तोहरे प्यार में’ शामिल बाड़ी सँ आ ‘गंगा जमुना सरस्वती’ एही महीना रिलीज होखे वाली बा. एह जोड़ी के तुलना ट्रेड पंडित आ दर्शक मनमोहन देसाई-अमिताभ बच्चन, पहलाज निहलानी-गोविन्दा, सुभाष घई-जैकी श्रॉफ, आदित्य चोपड़ा-शाहरूख खान जइसन सफल जोड़ियन से करेलें. आलोक कुमार आ निरहुआ दुनु के बारे में मानल जाला कि ई लोग भोजपुरी सिनेमा देखेवालन के नब्ज पकड़े में माहिर ह. एहीसे जब जब एह जोड़ी के कवनो फिलिम आवेला त ओह फिलिम के सफलता तय मान लिहल जाला.


(प्रशांत निशांत के रपट)

बिहार के पूत ‘निरहुआ’

सिनेमा भोजपुरी में कई एक जुबिली फिलिम देबे वाला अभिनेता दिनेशलाल यादव निरहुआ अपना अगिला फिलिम ‘एक बिहारी सौ पे भारी’ में एगो बिहारी नवही के किरदार में बाड़े. फिलिम में बिहार के पूत वाला निरहुआ के रूप दर्शकन के बिहार के नवहियन के बेंवत के अहसास कराई.

‘एक बिहारी सौ पे भारी’ में निरहुआ संगे सिनेमा भोजपुरी के दू गो हसीन अदाकारा बाड़ी अक्षरा सिंह आ अंजना सिंह. निरहुआ दुनु से रोमांस करत नजर अइहें. साथही उनकर एक से बढ़ के एक एक्शन देखे के मिली. निर्देशक हउवें जगदीश शर्मा.

‘एक बिहारी सौ पे भारी’ के रिलीज एही महीना होखे वाला बा.


(प्रशांत निशांत के रपट)

निरहुआ-पाखी के जोड़ी फेर मिली ‘गंगादेवी’ में

सिनेमा भोजपुरी के सुपरहिट जोड़ी निरहुआ-पाखी के धमाल एक बेर फेरू दीपक सांवत के बनावल भोजपुरी फिल्म ‘गंगादेवी’ से मचे वाला बा. एह फिल्म में निरहुआ-पाखी के जोड़ी एकदम नया अंदाज में देखे के मिली. निरहुआ राजनीतिक कार्यकर्ता बनल बाड़ें आ पाखी हेगडे उनकर पत्नी, जे बाद में चलके खुद राजनीति में आवत बाड़ी आ राजनीतिक भठियरपन के सफाया करत बाड़ी.

गंगादेवी में महानायक अमिताभ बच्चन, जया बच्चन, आ गुलशन ग्रोवर के खासमखास भुमिका बा.


(प्रशांत निशांत के रपट)

तरह-तरह का भूमिका में नजर अइहन निरहुआ

सिनेमा भोजपुरी के जुबली स्टार दिनेशलाल यादव ‘निरहुआ’ अपना आवे वाली फिल्मन में तरह-तरह के आ दमदार भूमिकन में नजर अइहें. अभय सिन्हा के बनावल आ अनिल अजिताभ निर्देशित ‘एक दुजे के लिए’ में रोमांटिक भूमिका में, जगदीश शर्मा निर्देशित ‘एक बिहारी सब पे भारी’ में बिहारी नवही का शानदार एक्शन वाली भूमिका में, असलम शेख निर्देशित ‘रखवाला’ में देशभक्त पुलिस ऑफिसर का भूमिका में एगो नए लुक में, दीपक सांवत के ‘गंगादेवी’ में राजनीतिक कार्यकर्ता क भूमिका में, निर्माता आलोक कुमार के ‘गंगा जमुना सरस्वती’ में जमुना प्रसाद का भूमिका में, आ बिट्टू सरदार के अजय श्रीवास्तव निर्देशित ‘रिक्सावाला आई लभ यू’ में फेर एक बेर रिक्सावाला का भूमिका में नजर आवे वाला बाड़न.

निरहुआ के कहना बा कि उनकर हर आवे वाली फिल्म में उनुकर नया रूप देखे के मिली दर्शकन के आ दर्शकन के ई फिलिम पसंदो खूब अइहें सँ.


(प्रशांत निशान्त के रपट)