सिनेपोलिस में गूंजल प्यार जिंदाबाद क नारा


बरीसन पहिले बरसो पहले अमिताभ बच्चन आ रजनीकांत संगे अनेके हिट फिल्म बना चुकल तेलगु के मशहूर फिल्म निर्माण कंपनी श्री राघवेन्द्र फिल्म्स अब एगो लमहर अरसा बाद फेर उत्तर भारत के रुख कइलसि आ भोजपुरी फिलिम “प्यार जिंदाबाद” बनवलसि. पिछला हफ्ता एह फिल्म के प्रीमियर शो पटना के मशहूर सिनेमाघर सिनेपोलिस में कइल गइल.

एह मौका पर फिल्म के नायक पंकज केसरी, नायिका सेजल शर्मा, संगीतकार सिद्धार्थ श्रीवास्तव समेत पटना के बहुते जानल मानल हस्ती मौजूद रहली सँ.

बिहारी अभिनेता पंकज केसरी कहलन कि बिहार उनकर जन्मभूमि ह एहसे ऊ बिहारे में आपन फिल्मी कार्यक्रम कइल चाहेलें.


(रंजन सिन्हा के रपट)

पंकज केसरी करीहन “प्यार जिंदाबाद”

आठ मई से बिहार में “प्यार जिंदाबाद” क नारा गूंजे वाला बा आ एह नारा के बुलंद करीहन पंकज केसरी. कई साल पहिले अमिताभ बच्चन आ रजनीकांत क लेके अनेके हिट फिल्म बना चुकल श्री राघवेन्द्र फिल्म्स अब उत्तर भारत क रुख कइले बाड़न आ भोजपुरी फिलिम “प्यार जिंदाबाद” के निर्माण कइले बाड़न.

पंकज केसरी आ सेजल शर्मा के रोमांटिक भूमिका वाली ई फिलिम एही शुक्र से रिलीज़ होखत बा. फिल्म के कहानी साँच प्यार के तलाश में एगो नवही के संघर्ष पर बा. फिल्म में रोमांस आ एक्शन के बढ़िया मिश्रण बा. फिल्म के बाकी कलाकारन में हीरालाल यादव, सिद्धार्थ शर्मा आ राजीव यादव शामिल बाड़ें.

निर्माता काशी जी, निर्देशक मोहन राव, संगीतकार सिद्दार्थ श्रीवास्तव, गीतकार श्याम जी श्याम आ लेखक राजीव यादव हउवें. है. फिल्म क पूरा शूटिंग हैदराबाद के रामोजी राव फिल्म सिटी में भइल बा. निर्माता काशी जी के कहना बा कि एगो सधल स्क्रिप्ट पर बनल एह फिल्म में मनोरंजन के भरपूर मसाला बा जवना चलते दर्शक एकरा के जरूर पसंद करीहें.


(उदय भगत के रपट)

भोजपुरी के पहिचान ह एकर सलिल संस्कृति – पंकज केसरी

हिन्दी सिनेमा के महानायक अमिताभ बच्चन के आपन आदर्श माने वाला भोजपुरी फिल्म अभिनेता पंकज केसरी अब कवनो परिचय के मोहताज नइखन. पंकज केसरी पटना से शुरूआती पढ़ाई कइला का बाद ग्रेजुएशन खातिर मुम्बई अइलन आ फेर फिल्मी परदा का ओर खींचा गइले. सिनेमा में अइले त अपना अदाकारी के बदौलत दर्शकों के दिल में उतर गइलन. फेर त बिहार के आरा से सटल गांव गउसगंज के रहे वाला भोजपुरिया मिजाज के ई अभिनेता फिल्मे के आपन कैरियर बना लिहलन. पंकज केसरी स्वभाव से बहुते मिलनसार आ हँसमुख हउवे. सरकारी अधिकारी रहल पिता हमेशा पंकज के प्रोत्साहित करत रहले. पिछला दिने अपना फिल्म “जीजा जी के जय हो” का शूटिंग का सिलसिला में पहिला बेर बलिया आइल रहले. हालांकि एहसे पहिले ऊ गड़हा महोत्सव खातिर साल २०१० मे बलिया आ चुकल रहले.

फिल्म का शूटिंग के दौरान सेट पर भइल बातचीत का आधार पर पेश बा ई रपट.

साल २००७ में ‘माई कS बिटवा’ से अतिथि कलाकार के रूप में कैरियर शुरू करे वाला पंकज केसरी बाद में रविकिशन आ रिंकू घोष अभिनीत ‘हमार घरवाली’ से आपन पहिचान बनवलन. उमर खान निर्देशित फिल्म ‘बकलोल दुलहा’ से पंकज के लोकप्रियता मिलल आ ऊ दर्शकन के चहेता बन गइलन. ओकरा बाद से अबले नाहियो त दू दर्जन से बेसी फिलिमन में पंकज आपन दमदार हाजिरी दर्ज करा चुकल बाड़न. अपना संघर्ष भरल कैरियर के शुरु में पंकज केसरी पृथ्वी थियेटर से जुड़के कला के बारीकि सिखलन. कहलन कि एक्टिंग खातिर अलग से कवनो प्रशिक्षण ना लिहले. बतवलन कि अपना पढ़ाई के दौरान एम-टीवी में दू साल एंकर रहला से पंकज के आत्मविश्वास बढ़ल आ तब ऊ बड़का परदा खातिर कोशिश शुरु कइलन. बाकिर निराशा मिलल. बाद में वीएमजी म्यूजिक कंपनी में डायरेक्टर बनलन आ अबहियो वीनस कंपनी से जुड़ल बाड़े. एही दौरान “माई कS बिटवा” से पंकज के सपना पूरल.

छोटका आ बड़का दुनु परदा पर काम कर चुकल पंकज के कहना रहे कि छोटका परदा पर किरदार के जबरन परोसल जाले जेकरा के चाहे अनचाहे मनोरंजन का नाम पर देखे के पड़ेला. जबकि बड़का परदा पर अपना नायक नायिका के देखे खातिर सिनेमा घर जाये के पड़ेला. अपना यादगार लमहन का बारे में बतावत पंकज केसरी बतवले कि फिल्म ‘हमार घरवाली’ के आउटडोर शूटिंग देखे उमड़ल बड़हन भीड़ देखि के रोमांच हो आइल रहे आ मनोबल सतवाँ आसमान पर चढ़ गंइल.

फिल्म ‘बकलोल दुलहा’ का बारे में पंकज के कहना रहल कि फिल्म में उनुकर दोहरा चरित्र दर्शकन के भोजपुरी के सोन्ह खूशबू आ गवंई संस्कृति के अहसास करवलसि. सच्चिदानंद’कवच’ के गीतो के लोग खूबे पसंद कइल. भोजपुरी सिनेमा के अश्लीलता का बारे में बतियावत पंकज कहले कि भोजपुरी के सलिल संस्कृति के अश्लीलता के दहलीज पर पहुंचावे में गीतकार आ गायक दुनु दोषी बाड़े. भोजने का तरह मनोरंजनो के आदत होला कि जइसन परोसल जाई उहे सवाद मन के नीमन लागे लागेला धीरे धीरे. कहलन कि निर्माता निर्देशको लोग के आगा बढ़े के पड़ी आ कामर्शियल सोंच से ऊपर उठ के भोजपुरी के अन्तर्राष्ट्रीय छवि संजोवे के पहल करे के होई. तब जा के आम दर्शक परिवार का साथे सिनेमाघर आवल शूरू करीहे. अवधी-हिन्दी भाषा के भोजपुरी संस्कृति आधारित फिल्म ‘नदिया के पार’ के मील के पत्थर मानत पंकज कहलन कि फिलिम मनोरंजक आ पारिवारिक होखी त इतिहास हमेशा बनत रही. कहलन कि देर सबेर वइसने साफ सुथर फिलिम दर्शकन तक जरूरे पहूची बशर्ते एकरा खातिर सार्थक प्रयास होखे.

बिहार यूपी के हीरोवन के जमावड़ा बा बाकिर हीरोइन साउथ भा बंगाल से आवत बाड़ी. एह पर पंकज कहलन कि अब भोजपुरियो इलाका के अभीनेत्री आवे लागल बाड़ी. बिहार आ यूपी में शूटिंग होखला से एहिजा के टैलेंट के मौका मिले लागल बा.

पंकज केसरी के लोकप्रिय फिलिमन में विधाता, प्रतिज्ञा, वाह खेलाड़ी वाह, तेजाब, मोरे बलमा छैल छबिला, परिवार, हीरो हीरालाल, नथुनिये पर गोली मारे, त्रिनेत्र, शहरवाली जान मारेले, जुदाई, हमार देवदास के नाम बा. उनुकर आवे वाली फिलिमन में प्यार जिंदाबाद बा, आग, खतरा, जीजाजी की जय हो, मर्द हिम्मतवाला, बकलोल दुलहा (पार्ट-2), शनिदेव रखिह लाज हमार वगैरह बाड़ी सँ.


(सुधीर सिंह उजाला के रपट से)

‘‘आग’’ में पंकज केसरी का एक्शन अवतार

भोजपुरिया सितारे पंकज केसरी का एक्शन अवतार जल्द प्रदर्शित होनेवाली फिल्म ‘‘आग….. एगो आंधी’’ में देखने को मिलेगा. डीजे मूवीज इंटरटेनमेन्ट के बैनर तले बन रही ‘‘आग’’ में पंकज हैरतअंगेज एक्शन करते नजर आयेंगे. निर्माता दीपक जैन व लेखक-निर्देशक रामाशंकर की इस फिल्म में पंकज केसरी की नायिका है रीतीका शर्मा. फिल्म में मिस जम्मू अनारा गुप्ता, जय यादव, उदय श्रीवास्तव, विपिन सिंह, अनुषा एवं हीरा यादव की प्रमुख भूमिकाएँ हैं. आग…. एगो आंधी को लेकर पंकज काफी उत्साहित है.


(स्रोत – प्रशांत निशांत)

पंकज केसरी – रीतिका शर्मा जोड़ी “आग” के आन्ही बहाई

भोजपुरी स्टार पंकज केसरी आ नया तारिका रीतिका शर्मा भोजपुरी परदा पर ‘‘आग – एगो आँधी’’ ले के आवत बाड़े, डी. जे. मूवी इंटरटेनमेंट के बैनर तले बनत एह फिल्म में राजनीति के भठियरपन देखावल गइल बा. देखावल गइल बा कि कवना तरह राजनेता अपना फायदा खातिर बेरोजगारन के गलत राह पर चला देलें.

फिल्म के निर्देशक रामाशंकर, निर्माता दीपक जैन, संगीतकार सिद्धार्थ- शालिनी, अउरी गीतकार अशोक सिन्हा, राकेश सिंह आ अरविंद तिवारी हउवें. फिल्म में खतरनाक एक्शन फिल्मवले बाड़न हीरा यादव. कलाकारन में पंकज केसरी, रीतिका शर्मा, जय यादव, अनारा गुप्ता, उदय श्रीवास्तव, विपिन सिंह, अनुशा, सोनू सिंह आ हीरा यादव के प्रमुख भूमिका बा. आईटम सांग कशिश कइले बाड़ी.


(स्रोत – प्रशांत निशांत)

धमाल मचावे का तईयारी में पंकज केसरी

भोजपुरी सिनेमा में परदा पर पंकज केसरी अपना आवे वाली फिलिमन “प्यार जिंदाबाद”. “आग”, आ “खतरा” से धमाल मचावे के तईयारी में बाड़ें. तीनो फिल्म रिलीज खातिर तईयार बाड़ी सँ आ तीनों में पंकज के एक्शन अवतार देखे के मिली.
पंकज केसरी के हाल में रिलीज फिल्म “कभी आवे ना जुदाई” बिहार में बढ़िया प्रदर्शन करत बिया. एहसे पहिले बकलोल दुल्हा, विधाताम प्रतिज्ञा, नथुनियाँ पे गोली मारे, आ त्रिनेत्र में पंकज आपन कमाल देखा चुकल बाड़न.


(स्रोत : प्रशांत निशांत)

मनोज तिवारी के क्रिकेट मंदिर आ अउरी फिल्मी खबर

पंकज केसरी के बल्ले बल्ले

भोजपुरी सिनेमा के सुपर स्टार पंकज केसरी के आजु काल्हु बल्ले बल्ले हो रहल बा. हालही में रिलीज उनुकर फिलिम त्रिनेत्र आपन पचासवाँ दिन मनवले बा त उनुकर आवे वाली फिल्म “जुदाई” आ “प्यार जिंदाबाद बा” दर्शकन का बीच हॉट केक बन गइल बा. सभे आतुर बा ओकरा के देखे खातिर. पंकज केसरी भोजपुरी के पहिला अभिनेता बाड़न जे दक्षिण भारतीय सिनेमो में आपन पैठ बना लिहले बाड़न. फिल्म ‘त्रिनेत्र’ में पंकज केसरी के अभिनय के जबरदस्त धूम मचल बा. आजुकाल्हु जब भोजपुरी के बड़की बड़की फिल्म बॉक्स ऑफिस पर ढेर हो रहल बाड़ी सँ ओहिजा त्रिनेत्र के मिलल कामयाबी शान के बाति बा. एह फिल्म में पंकज का साथ साथ विनय आनंद, विजय लाल यादव, समर्थ चतुर्वेदी , सीमा पांडेय, दिव्या द्विवेदी, रूबी सिंह आ नवोदित पूजा सिंह मुख्य भूमिका में बावे लोग. पंकज केसरी एह घरी अपना आवे वाली फिल्मन के प्रोमोशन में लागल बाड़े. एहि महीना उनुका हैदरोबाद जाये के बा जहाँ उनुकर एगो तेलुगू फिल्म के शूटिंग होखे वाला बा.


(स्रोत – उदय भगत)


फौलादी तेवर वाला सुशील सिंह छा गइल बाड़न

कलर्स टीवी चैनल के धारावाहिक भाग्यविधाता से घरे घरे चिन्हाये लागल सुशील सिंह के भोजपुरिया एंग्री यंगमैन के उपाधि मिलल हम हईं मुन्ना भईया से. फिल्म सुपर हिट हो गइल त सुशील सिंह के चरचा हर जुबान पर चढ़ गइल. सुशील सिंह के एने कई गो फिल्म ताबड़तोड़ आवे वाली बाड़ी सँ जवना में केहू हमसे जीत ना पाई, राम लखन, अग्निकुण्ड, फौलाद वगैरह खास बाड़ी सँ. भोजपुरी फिल्म के दुनिया में कलाकार त बहुते बाड़े बाकिर आपन लोहा मनवावे वाला गिनले चुनल बाड़े जवना में सुशील सिंह के नाम शान से शामिल बा. एह एंग्री यंग मैन के जलवा आजु पूरा भोजपुरी फिल्मोद्योग में छा गइल बा.


(स्रोत – शशिकान्त सिंह, रंजन सिन्हा)


गजब सीटी मारे भईया तोहार साली

हालही में दू गो भोजपुरी फिल्मन के लांचिंग मुंबई के ब्लू वाटर हॉल में कइल गइल जवना में से गजब सीटी मारे भईया तोहार साली के निर्देशन एस॰एस॰ललित करीहे. फिल्म के निर्माण आर॰एस॰ तिवारी आ एस॰के॰ मेहता आर॰एन॰ इन्टरप्राइजेज का बैनर में करे जा रहल बाड़न. फिल्म के कलाकारन में उत्तम कुमार, बंगला फिल्मन के मशहूर नायिका मालविका बनर्जी, रवि शंकर तिवारी, राज मेहता, लिलिपूट वगैरह शामिल रहीहे.

दूसरकी फिल्म के अबही नाम नइखे धराइल बाकिर एकर निर्माण रामुसा इंटरटेनमेंट का बैनर में होखे जा रहल बा. एहू फिल्म में उत्तम कुमार के मुख्य भूमिका बा. दुनु फिल्म के कथा आ परिकल्पना एस एस ललित के बा.

लांचिंग का मौका पर रवि शंकर तिवारी आ सारिका के जन्मदिन के केको काटल गइल. मौका पर बधाई देबे वालन में सुपर स्टार मनोज तिवारी समेत अनेके गणमान्य लोग मौजूद रहेॆ


(स्रोत – समरजीत)


जान के बाजी के मुहुर्त

पिछला दिने मुंबई के मशाला मंत्र बिल्डिंग में आर सी कम्युनिकेशन आ गायत्री फिल्म इंटरटेनमेंट के फिल्म जान के बाजी के मुहुर्त करावल गइल. एह मौका पर मुख्य अतिथि जय प्रकाश सिंह नारियल फोड़ले आ सुदीप पाण्डेय गणपति के पूजा अर्चना कर के फिल्म के शुभ मुहुर्त करवले. जान के बाजी के निर्माता देवेन्द्र उपाध्याय आ राज चौधरी, आ निर्देशक
शशिशेखर रहीहें. कहानी आ गीत शंकर सैदपुरी के लिखल बा आ संगीत रही राजेश राठौर के. फिल्म के कलाकारन में सुदीप पाण्डेय, गरिमा, अमित पाठक, अर्चिता मासी, डॉली यादव, प्रिया सिंह, मास्टर आशुतोष, कृष्णा पाण्डेय, अवधेश उपाध्याय, बबलू बवाली, रंजना राजपूत, विवेक सर्वेश, कमलेश ठाकुर, ओम जोशी, आ प्रीति सिंह के नाम शामिल बा.


(स्रोत – कपिलदेव खरवार)


मनोज तिवारी क्रिकेट के मंदिर बनवावल शुरु कर दिहले

पिछला विश्व कप का दौरान मनोज तिवारी एलान कइले रहले कि अगर भारत विश्वकप जीत जाई त ऊ क्रिकेट के मंदिर बनवइहें. अब ओही वादा के पूरा करे खातिर मनोज तिवारी बिहार का कैमूर जिला में अपना गाँव अतरवलिया में क्रिकेट के मंदिर बनवावे का योजना में लाग गइल बाड़न. दस एकड़ जमीन पर एह मंदिर के निर्माण कइल जाई जवना में क्रिकेट के भगवान धोनी आ तेंदुलकर सहित कई खिलाड़ियन के मूर्ति लगावल जाई. जमीन तय करे के दिन महेन्द्र सिहं के जन्मदिन का दिने राखल गइल रहे. मनोज तिवारी के कहना बा कि ऊ चाहत बाड़े कि माँ कुण्डेश्वरी धाम आ क्रिकेट का मंदिर से कैमूर के पहिचान होखे लागे. आ उनुकर गाँव देश के पर्यटन मैप पर आ जाव. एह मंदिर का बगल में एगो क्रिकेट स्टेडियमो बनावल जाई जवना खातिर सरकार से आग्रह कइल कइल गइल बा. मनोज तिवारी एह कोशिश में लागल बाड़े कि मंदिर के शिलान्यास मुख्यमंत्री नीतीश कुमार का हाथे होखे. मंदिर आ स्टेडियम बनवावे पर एक करोड़ के लागत के अनुमान बा. ई सब एगो ट्रस्ट का माध्यम से होखी जवना के नाम ललित चंद्र ट्रस्ट राखल गइल बा. एह नाम में मनोज तिवारी के मातापिता के नाम शामिल बा.


(स्रोत – शशिकान्त सिंह)

पंकज आ प्रियंका के जुदाई अगिला महीने

पंकज केसरी, प्रियंका पाठक आ सेजल शर्मा अभिनीत फिल्म “कबो आवे ना जुदाई” अगिला महीना पूरा देश में एके साथ रिलीज होखे वाला बा. पायल भट्टाचार्य के बनावल आ विवेक कुमार राव का निर्देशित एह फिल्म के गाना विनय बिहारी के आ संगीत प्रशांत राज के बा. डांस डायरेक्टर विवेक शर्मा, कला निर्देशक गणेश निषाद, कैमरा संचालक सुरेश कोरियन हउवें. यूपी आ बिहार के वास्तविक लोकेशन पर फिल्मावल गइल एह फिल्म के निर्माण पर निर्मात्री पायल भट्टाचार्य दिल खोल के पइसा खर्च कइले बाड़ी. कहल जात बा कि जुदाई नाम से बने वाली हर फिल्म हिट होखत आइल बा, आ ईहो होखी.


(स्रोत – रंजन सिन्हा)

धूम मचावत बा प्यार जिंदाबाद के संगीत

बरिसन पहिले अमिताभ बच्चन आ रजनीकांत के लेके कईगो बड़हन हिट फिल्म बना चुकल श्री राघवेन्द्र फिल्म्स तेलगु फिल्म जगत के एगो बड़की फिल्म निर्माण कंपनी मानल जाले. लमहर दिन बाद ई कंपनी उत्तर भारत किओर रुख कइले बिया आ प्यार जिंदाबाद नाम से एगो भोजपुरी फिल्म बनवले बिया. हालही में एह फिल्म के संगीत वीनस म्यूजिक कंपनी रिलीज़ कइले बिया..संगीत निर्देशक सिद्दार्थ श्रीवास्तव के संगीत से सजल एह फिल्म के गाना खूब लोकप्रिय हो रहल बाड़ी सँ. फिल्म में कुल नौ गो गाना बा जवना के लिखले बाड़न श्याम जी श्याम आ ओकरा के गवले बाड़न उदित नारायण, कल्पना, मनोज मिश्रा, इंदु सोनाली, खुशबू जैन, आ खुद सिद्दार्थ श्रीवास्तव.

फिल्म में पंकज केसरी, सेज़ल शर्मा, सारा वगैरह के मुख्य भूमिका बा. अपना प्यार के पावे खातिर एगो नौजवना के संघर्ष के कहानी हवे प्यार जिंदाबाद
जवना के निर्माता काशी जी.आ निर्देशक मोहन राव हउवे. कहानी लिखले बाड़े राजीव यादव. फिल्म के बाकी प्रमुख कलाकारन में हीरालाल यादव, सिद्दार्थ शर्मा आ राजीव यादव शामिल बाड़े. पूरा शूटिंग हैदराबाद के रामो जी राव फिल्म सिटी में भइल बा. निर्माता काशी जी. के कहना बा कि प्यार जिंदाबाद पुरानकी हिंदी फिलिमन का तरह सधल स्क्रिप्ट पर बा.

हालही में रिलीज़ “त्रिनेत्र” के मिलल भारी सफलता से अभिनेता पंकज केसरी के प्यार जिंदाबाद केक बन गइल बा. फिल्म अगस्त में रिलीज़ होखे वाली बा,


(स्रोत – उदय भगत)

केतन मेहता का फिल्म “बियोंड” में पंकज केसरी

मंगल पाण्डेय, माया मेम साहब, आर या पार, रंगरसिया जइसन फिल्म बना चुकल हिंदी फिल्म जगत के प्रसिद्द निर्देशक केतन मेहता बतौर निर्माता अपना अगिला फिल्म में भोजपुरी फिल्मन के जानल मानल अभिनेता पंकज केसरी के मुख्य भूमिका खातिर चुनले बाड़न. केतन मेहता आ मोहन नाडर के कंपनी माया लाईट हाउस का बैनर तले बने वाली एह फिल्म “बियोंड” के निर्देशक बाड़े प्रभाकर मीना पंत. कमे समय में भोजपुरी फिल्म जगत में आपन मुकम्मल जगह बना चुकल पंकज केसरी भोजपुरी फिल्मन का साथ साथ दक्षिणो भारतीय फिल्मन में खासा व्यस्त बाड़े. अमिताभ बच्चन, रजनी कान्त के लेके दर्ज़नो फिल्म बना चुकल श्री राघवेन्द्र फिल्म्स जब भोजपुरी फिल्म निर्माण का क्षेत्र में कदम रखलसि त उहो अपना फिल्म “प्यार जिंदाबाद” खातिर पंकजे केसरी के चुनलन. इहे ना, पंकज केसरी एह घरी भोजपुरी सिनेमा के बहते व्यस्त सितारन में गिनल जाले. केतन मेहता जइसन बड़हन निर्माता निर्देशक का साथे काम कइल भोजपुरी के कवनो सितारा आ भोजपुरी फिल्म जगत खातिर गौरव के बात बा.


(स्रोत – उदय भगत)