मुंबई में ‘पागल प्रेमी’ के धमाकेदार प्रदर्शन

बिहार में हंगामा मचवला क बाद ‘पागल प्रेमी’ अब मुंबईओ में डंका बजावे आ गइल. एहिजा एकर पहिला शो देखे वालन के लमहर लाइन सबेरही से लागल रहे आ लोग ‘पागल प्रेमी’ देके ला पगलाइल रहुवे. फिलिम ‘पागल प्रेमी’ देखला क बाद बाहर निकलत दर्शकन का चेहरा पर एह बात के खुशी रहुवे कि जइसन सोचले रहीं फिलिम ओहू ले बेहतर निकलल. उमेद बा कि ई फिलिम बिहार का बाद अब मुंबइओ में सफलता के इतिहास बनाई.


(शशिकांत सिंह रंजन सिन्हा के रपट)

‘पागल प्रेमी’ भइल सुपर डुपर हिट

पिछला हफ्ता रिलीज फिल्म “पागल प्रेमी” बिहार में सुपर डुपर हिट साबित भइल बिया. सुपर स्टार विनय आनंद आ नंबर वन खलनायक संजय पांडे के जबरदस्त टक्कर से भरल निर्माता नवीन सिंह आ निर्देशक अजय कुमार के फिल्म ‘पागल प्रेमी’ देखे खातिर एह गरमियो में सगरी सिनेमा घरन पर हाउसफुल के बोर्ड लटक गइल,

ना होले भोजपुरी फिलिमन में अश्लीलता : विनय

फिल्म के प्रमोशन का सिलसिला में मोतहारी चहुँपल विनय आनन्द माधव सिनेमा हॉल में दर्शकन के रुबरू हो के ओह लोग के मनोरंजन कइलन. कहलन कि ना होले भोजपुरी फिलिमन में अश्लीलता. एकरा पर अश्लील होखे के अछरंग उहे लोग लगावेला जे भोजपुरी फिलिम देखबे ना करे. कहलन कि कुछ म्यूजिक अलबमन में जरूर अश्लील गाना ठूंसल रहेला बाकिर ओकर संबंध भोजपुरी सिनेमा से नइखे. कहलन कि आजु भोजपुरी सिनेमन में बहुते बदलाव आइल बा आ अउरियो बदलाव के जरूरत बा. आ ई तबहिए हो पाई जब सगरी समाज सिनेमा हॉल में आ के फिलिम देखल शुरु करी.

मोतिहारी में मिलल अपना शानदार स्वागत से खुश विनय आनन्द कहलन कि ऊ बेर बेर मोतिहारी आइल चहीहें.


(शशिकांत सिंह रंजन सिन्हा के रपट)

‘पागल प्रेमी’ 18 मई के बिहार में रिलीज होखी

निर्माता नवीन कुमार सिंह, निर्देशक अजय कुमार आ विनय आनंद स्टारर फिल्म ‘पागल प्रेमी’ बिहार में 18 मई के रिलीज होखे वाला बा. फिल्म में भोजपुरी सुपर स्टार विनय आनंद आ अजीत आनन्द नायक का भूमिका में, संगीता तिवारी आ श्रीकनकनी नायिका का भूमिका में, आ संजय पांडे खलनायक के भूमिका में बाड़े.

सविता श्री प्रोडक्शन के बैनर तले बनल एह फिल्म के शूटिंग छत्तीसगढ़ के रायपुर में भइल रहे. एक से बढ़के एक गीत राजेश मिश्रा, फनीन्द्र राव आ कृष्णा बेदर्दी लिखले बाड़े जवना के संगीत राजेश गुप्ता के बा. कैमरा मैन हउवें तांबन के, एक्शन डायरेक्टर दिलीप यादव, नृत्य निर्देशक एंथोनी हउवें. बाकी कलकारन में अनूप अरोड़ा, जय प्रकाश सिंह, राजेश अवस्थी, सुनीता सिंह, पारितोष त्रिपाठी, सुमन कुमारी, अमित सिंह आ पुष्पांजलि के नाम बा.

फिल्म के कहानी मौजूदा भ्रष्ट सिस्टम में अझूरा के एगो बाहुबली क इशारा पर अपराध करे वाला पागल प्रेमी बनल विनय आनंद एह फिल्म का बारे में निकहा उछाह में बाड़े. निर्देशक अजयो कुमार के उछाह कम नइखे.

त तइयार रहीं 18 मई के ‘पागल प्रेमी’ देखे ला.


(शशिकांत सिंह रंजन सिन्हा के रपट)

देश विदेश में एके साथ जारी भइल ‘पागल प्रेमी’ के संगीत

भोजपुरी सिनेमा के टटका फिल्म ‘पागल प्रेमी’ के संगीत भारते ना, सात समुंदर पार अनेक देशन में सुनल जा सकेला. काहे कि एकर संगीत जानल मानल संगीत कंपनी ‘वर्ल्ड वाईड रिकार्ड्स’ एकही साथ पूरा दुनिया में पिछला दिने जारी कइलसि. आनलाइनो एकरा गाना के इंटरनेट से खूबे डाउनलोड कइल जा रहल बा.

निर्माता नवीन कुमार सिंह आ निर्देशक अजय कुमार के विनय आनंद स्टारर फिल्म ‘पागल प्रेमी’ में विनय आनन्द आ अजीत आनन्द नायक के भूमिका में बाड़े आ ओह लोग के नायिका बाड़ी संगीता तिवारी आ श्री कनकनी. संजय पांडे खलनायक बाड़े,
फिल्म ‘पागल प्रेमी’ शीघ्र ही प्रदर्शित होगी।


(शशिकांत सिंह रंजन सिन्हा के रपट)

जुर्म के दुनिया क ‘पागल प्रेमी’ में विनय आनन्द आ संजय पांडे के बादशाहत

आजु के भठियारा सिस्टम में अझुरा के एगो बाहुबली का इशारा पर अपराधी बनल “पागल प्रेमी” विनय आनंद आ बाहुबली रणवीर सिंह बनल संजय पांडे सिनेमा का परदा पर आपन आपन बादशाहत देखइहें. फिल्म में विनय आनन्द आ संगीता तिवारी के मुख्य भूमिका बा आ खलनायक नंबर वन बाड़े संजय पांडे. जल्दिए रिलीज होखे वाली एह फिल्म का बारे में भोजपुरी फिल्म जगत अबहिए से चरचा में लागल बा.

सविताश्री प्रोडक्शन के बैनर तले ‘पागल प्रेमी’ के निर्माता नवीन कुमार सिंह, निर्देशक आ कहानीकार अजय कुमार, गीतकार राजेश मिश्रा, फनीन्द्र राव आ कृष्णा बेदर्दी, संगीतकार राजेश गुप्ता, एक्शन डायरेक्टर दिलीप यादव आ डांस डायरेक्टर एन्थोनी अउर ज्योति आनन्द हउवें.
कलाकारन में विनय आनन्द, संगीता तिवारी, अजीत आनन्द, श्री कनकनी, अनूप अरोरा, जय प्रकाश सिंह, राजेश अवस्थी, सुनीता सिंह, परितोष त्रिपाठी, सुमन कुमारी, अमित सिंह, पुष्पांजलि, बोल गोविंद बनजारा आ नम्बर वन खलनायक संजय पाण्डेय बाड़े.


(शशिकान्त सिंह, रंजन सिन्हा के रपट)

मुंहमांगा दाम पर बिकाइल ‘पागल प्रेमी’ क संगीत

आजु जब बड़का बड़का भोजपुरी फिलिमन क संगीत बिका नइखे पावत ओहिजे निर्माता नवीन कुमार सिंह आ निर्देशक अजय कुमार के विनय आनंद स्टारर फिल्म ‘पागल प्रेमी’ के संगीत मुंहमांगा दामपर बिका गइल. ‘पागल प्रेमी’ क संगीत अधिकार खरीदलसि वर्ल्ड वाईड्स रिकार्ड नामके संगीत कंपनी. ई खबर भोजपुरी सिनेमा जगत ला उत्साह बढ़ावे वाली खबर बा.

एह फिल्म ‘पागल प्रेमी’ में विनय आनंद आ अजीत आनन्द नायक के भूमिका में बाड़न आ उनहन के नायिका बाड़ी संगीता तिवारी आ श्रीकंकनी. नम्बर वन खलनायक संजय पांडे एहु फिल्म में खलनायक बाड़न. सविता श्री प्रोडक्शन के बैनर तले बनल एह फिल्म के शूटिंग छत्तीसगढ़ क रायपुर में कइल गइल रहे. एक से बढ़के एक गीत संगीत से सजल एह फिल्म के गीतकार हउवें राजेश मिश्रा, फणीन्द्र राव आ कृष्णा बेदर्दी. संगीत रचना राजेश गुप्ता के ह. कैमरा में कैद कइलें तांबन के॰ आ एक्शन डायरेक्ट कइलन दिलीप यादव. सितारन के खूबसूरती से नचावे के जिम्मा एंथोनी सम्हरले.

फिल्म के कलाकारन में विनय आनंद, संगीता तिवारी, अजीत आनंद, श्रीकंकनी, अनूप अरोड़ा, जय प्रकाश सिंह, राजेश अवस्थी, सुनीता सिंह, पारितोष त्रिपाठी, सुमन कुमारी, अमित सिंह अउर पुष्पांजलि आ संजय पांडे बाड़े.

फिल्म जल्दिए रिलीज होखी.


(शशिकांत सिंह रंजन सिन्हा के रपट)

‘पागल प्रेमी’ में विनय आनन्द के इंटरनेशनल एक्शन

भोजपुरी सुपर स्टार विनय आनन्द एह घरी अपना फिल्म ‘पागल प्रेमी’ ले के बहुते सुर्खियन में बाड़े. निर्माता नवीन कुमार सिंह आ निर्देशक अजय गुप्ता के एह फिल्म के सबही चरचा करत बा भोजपुरी वर्ल्ड में. फिल्म में विनय आनंद के नायिका बाड़ी संगीता तिवारी.

एह फिल्म खातिर विनय आनन्द बहुते मेहनत कइले. कुंग फू आ तलवार बाजी सीखलें. विनय आनन्द कुंग फू के मास्टर सी.के. सिंह से मार्शल आर्ट्स, कुंग फू, तलवार बाजी आ किक बाक्सिंग सीखलन. रोजाना सबेरे समुद्र किनारे पत्थर पर विनय आनंद मार्शल आर्ट्स के अभ्यास कइलन. एह दौरान ऊ बीस फीट के जंप लगवले, जैकी चैन का तरह तलवारबाजी कइले. ट्यूब लाईट फोड़ल आ डंडा तूड़ल त उनुका अब बहुते आसान लागेला. एह ट्रेनिंग का दौरान विनय आनन्द आपन बडिओ बनवलन.

एक्शन भरल पागल प्रेमी एक दिन ज़रूरे हंगामा करी, ई सबके मानना बा.


(शशिकांत सिंह रंजन सिन्हा के रपट से)

अभिनय और चुटीला संवाद भरल फिल्म ‘पागल प्रेमी’

निर्माता नवीन कुमार सिंह आ निर्देशक अजय गुप्ता के फिल्म ‘पागल प्रेमी’ अइसन भोजपुरी फिल्म हवे जवना के देखला का बाद तारीफ करे के शब्द कम पड़ जाई. एहमें विनय आनन्द अपना भूमिका के पूरा ग्लोरिफाई कइले बाड़न आ एह फिल्म में उनुकर अदाकारी बेमिसाब बा. ई कहना बा ओह लोग के जे एह फिल्म के फर्स्ट लुक देखले बा. कहना बा कि विनय आनन्द त अपना हर फिल्म में कुछ ना कुछ नया करबे करेले बाकिर एह फिल्म के संवादो बहुते चुटीला बा. सुनत घरी चेहरा पर हँसी आ व्यंग के अहसासो होखत बा.

‘पागल प्रेमी’ के कहानी में कईगो उतार चढ़ाव बा. निर्देशक अजय गुप्ता आ निर्माता नवीन कुमार सिंह एह फिल्म के आइडिया के बहुते खूबसूरती का साथ परदा पर उतरले बाड़े.


(शशिकांत सिंह रंजन सिन्हा के रपट से)

पूरा परिवार संगे बइठल देख सकेला ‘पागल प्रेमी’ – अजय कुमार

भोजपुरी इंडस्ट्री में अनेके लोग भेंटा जाई जिनकर कैरियर के शुरूआत त हिंदी फिलिमन से भइल बाकिर आजु भोजपुरी इंडस्ट्री के चहेता बनल बाड़े. एही में से एगो निर्देशक हउवन अजय कुमार. पटना (बिहार) के रहेवाला अजय कुमार जब साल 2002 में मुंबई अइले त डायरेक्टर अजय मेहरा के एसोसिएट बनि के कई हिन्दी फिलिमन आ सीरियलन खातिर काम कइलन. चूंकि अजय कुमार भोजपुरी भाषी हउवें से बाद में उनुकर झुकाव भोजपुरी सिनेमा ओर भइल. अबले अनेके भोजपुरी फिलिमन खातिर चीफ असिस्टेंट भा एसोसिएट डायरेक्टर बनके काम कर चुकल अजय कुमार के हाल-फिलहाल बतौर निर्देशक ‘यादव पान भंडार’ आ ‘पागल प्रेमी’ नाम के दू गो फिलिम प्रदर्शन खातिर तइयार बाड़ी सँ. पिछला दिने अजय कुमार से फिल्म ‘पागल प्रेमी’ का बारे में विस्तार से भइल बातचीत के कुछ खास हिस्सा एहिजा पेश बा

अजय कुमार जी, सबले पहिले फिल्म ‘पागल प्रेमी’ का बारे में कुछ बताईं ?
देखीं, फिल्म ‘पागल प्रेमी’ के पूरा कहानी त एहिजा बता पावल संभव नइखे बाकिर संक्षेप में अतने कहब कि एकर हीरो केहू के इशारा पर अपराध करत बा. कहानी के एगो मोड़ पर ओकरा जिनिगी में एगो लड़ीकी आवत बिया त ओकरा खातिर हीरो का मन में प्यार जाग जात बा, अब ऊ लड़िकी हीरो के मिलत बिया कि ना से ना बतायब.

‘पागल प्रेमी’ में विनय आनंद, संगीता तिवारी, अजीत आनंद, श्री कनकनी आ संजय पाण्डेय के मजगर भूमिका बा. एह कलाकारन का साथे काम करे के अनुभव कइसन रहल?
जी, बहुते बढ़िया! फिल्म के सगरी कलाकार ना सिरिफ आपन पूरा सहयोग दिहले, बलुक सभे बेहतरीन अभिनयो कइले बा जवन दर्शकन के परदा पर लउकबो करी. वइसे कहीं त विनय जी का साथे बतौर निर्देशक ई हमार पहिला फिलिम हवे बाकिर एहसे पहिले हम उनुका साथ बतौर एसोसिएट डायरेक्टर फिल्म ‘बृजवा’ में काम कर चुकल बानी, एहसे ‘पागल प्रेमी’ में उनुका साथे काम करे में अधिका मजा आइल.

निर्माता नवीन कुमार सिंह का बारे में का कहना बा राउर?
बस, इहे कि हम खुशनसीब बानी जे हमार भेंट नवीन कुमार सिंह जी जइसन निर्माता से भइल आ अपना परम मित्र विकास सिंह ‘वीरप्पन’ के धन्यवाद देत बानी जे ई भेंट करवले. हम चाहब कि नवीन जी जइसन बहुते निर्माता इंडस्ट्री में आवसु जेहसे निर्देशकन के मनोबल बढ़े आ ऊ अपना तरीका से फिलिम बना सकें. नवीन जी हर दिशाईं हमरा के सहयोग दिहनी.

‘पागल प्रेमी’ के गीत-संगीत से कतना उमेद बा रउरा?
सिरिफ उमेदे ना, बलुक पूरा भरोसा बा कि एकर गीत-संगीत लोग के बहुते पसन्द आई काहे कि राजेश मिश्रा, फणींद्र राव आ कृष्णा बेदर्दी एकरा खातिर एकसेबढ़ के एक गीत लिखले बाड़न जिनका के राजेश गुप्ता बेहतरीन धुन से सजवले बाड़न. यकीन मानीं, फिलिम के गीत संगीत में बहुते दम बा.

भोजपुरी फिलिमन के फूहड़पन खातिर दूसल जाला. राउर ‘पागल प्रेमी’ कतना फरका बा ?
देखीं, ‘पागल प्रेमी’ एगो समहर पारिवारिक फिलिम हवे आ एकर निर्देशक होखला का चलते हम कह सकीलें कि पूरा परिवार संगे बइठल एह फिलिम के देख सकेला. वइसे फैसला त दर्शके करीहें.

अउरी कवन कवन फिलिम रउरा लगे बावे?
‘पागल प्रेमी’ का अलावे ‘यादव पान भंडार’ प्रदर्शन खातिर तइयार बा, जीतेश दुबे जी के एगो फिल्म ‘मुन्नी बदनाम भईल सईयां तोहरे खातिर’ निर्देशित करे हात बानी. नवीने जी के कुछ अउरी फिलिम बाड़ी सँ जवना पर काम लागल बा.


(शशिकांत सिंह रंजन सिन्हा के रपट से)

भठियारा सिस्टम पर बनल ‘पागल प्रेमी’

मौजूदा भठियारा सिस्टम पर बनल भोजपुरी फिल्म ‘पागल प्रेमी’ भोजपुरी संस्कार, रीति रिवाज से भरपूर नीमन आ स्वस्थ मनोरंज देबे वाली फिलिम बनल बिया. अइसन दावा ओह लोग के बा जे एकर फर्स्ट लुक देखल.

फिल्म ‘पागल प्रेमी’ में भोजपुरी सुपर स्टार विनय आनंद अउर अजीत आनन्द नायक का भुमिका में आ संगीता तिवारी अउर श्रीकनकनी नायिका भुमिका में बा लोग. खलनायक हउवें संजय पाण्डेय. सविता श्री प्रोडक्शन का बैनर में बनल फिल्म के निर्माता नवीन कुमार सिंह आ निर्देशक अजय कुमार हउवें.

फिल्म जल्दिये रिलीज होखे वाली बा.


(शशिकांत सिंह रंजन सिन्हा के रपट से)