भोजपुरिया दर्शकन के दिल जीते आइल बाड़ी मिस कोलकाता

सिनेमा भोजपुरी के बढ़त लोकप्रियता हर प्रदेश के खुबसूरत लड़िकियन के अपना ओर खींचले आवत बा. आ ऊ लोग भोजपुरिया दर्शकनो के दिल बखूबी जीतले बा. पाखी हेगड़े, मोनालिसा जइसन खुबसूरत आ अदाकारी का हर कला में पारंगत अभिनेत्रियन में एगो नाम अउरी जुड़ गइल बा मिस कोलकाता मोहिनी घोष के.

लड़िकाइयें से नाच के शौकीन रहल मोहिनी जल्दिये भोजपुरिया दर्शकन का सोझा होखीहें निर्देशक सनोज मिश्रा के फिल्म “प्रेम विद्रोही” आ “विजय तिलक” से. पाँचे साल का उमिर से मोहिनी बंगला फिलिमन में काम करत आइल बाड़ी. मिस कोलकाता के खिताब जीत चुकल मोहिनी अनेके बंगला धारावाहिक आ फिलिमन में आपन हुनर देखा चुकल बाड़ी. भोजपुरी सिनेमा में आवे के श्रेय ऊ भोजपुरी लोकगायिका आ कोलकाता में भोजपुरी के प्रचार प्रसार में जुटल ममता पाण्डेय के देबेली जिनका मार्गदर्शन में ऊ अपना पहिलका भोजपुरी फिल्म “विजय तिलक” में काम कइली. उनुका काम से प्रभावित होके निर्देशक सनोज मिश्रा आ निर्माता अंजनी उपाध्याय अपना अगिलका “प्रेम विद्रोही” फिल्मों में उनुका के ले लिहलें.

प्रेम विद्रोही के शूटिंग मई से शुरू होखे वाला बा. एह बीच मोहिनी कोलकाता में निर्देशन के कोर्स करत बाड़ी. फर्राटेदार भोजपुरी बोले आ मोहिनी काया वाली मोहिनी जल्दिये एगो अउरी बड़का बैनर के भोजपुरी फिलिम में लउकीहें.


(उदय भगत के रपट से)

नन्दू निकम्मा का निगेटिव कंटिंग पूरा भइल

अनिता देवी जी. जी. एम. पिक्चर्स आ जी. जे. फिल्म इंटरनेशनल के प्रस्तुति भोजपुरी फिल्म ‘‘नन्दू निकम्मा’’ के निगेटिव कटिंग पिछला दिने मुंबई के मूवी लैब में कइल गइल. एह मौका पर अरूण सिंह, सुजीत चौबे, ब्रज भूषण, लवी श्रीवास्तव, राकेश गुप्ता, प्रभात रंजन आ संजय भूषण पटियाला उपस्थित रहले.

पूरा तरह से कॉमेडी आ रोमांस से भरल ‘नंदू निकम्मा’ के शूटिंग बिहार के राजगीर शहर में भइल बा. एह फिल्म में कुल आठ गो गाना बा. एह में प्रतिभा पाण्डेय आ बिरेन्द्र के जोड़ी पहिला बेर परदा पर नजर आई. प्रतिभा पाण्डेय के कई गो फिलिम पहिले रिलीज हो चुकल बा. हैं। यह फिल्म शीघ्र ही बिहार, यु. पी., दिल्ली, पंजाब, कोलकाता, नेपाल एवं मुंबई के सिनेमाघरों में प्रदर्शित की जायेगी। फिल्म में

फिल्म निर्माता रंजन-राकेश गुप्ता, कथा-पटकथा आ निर्देशक ब्रज भूषण, सह निर्माता बी. प्रसाद, कार्यकारी निर्माता पिंटू कुमार , सह निर्देशक कमर हाजीपुरी, शिव कुमार वर्मा (शिबू), संवाद सुबोध गाँधी, छायांकन: त्रिलोकी चौधरी, संगीत सुजीत चौबे.

मुख्य कलाकारन में तुलो बिरेन्द्र, प्रतिभा पाण्डेय, राकेश गुप्ता, रितिका सिंह, उत्तम झा, अरूण सिंह, सुमन्ती बनर्जी, रूपा सिंह, पिंकू श्रीवास्तव, अरूणा सिंह, डॉल्फिन दूबे, (अतिथी कलाकार) पुरन्याला आ विजय खरे के नाम बा.


(संजय भूषण पटियाला के रपट से)

डकैत का साथ प्रतिभा पाण्डेय

सिनेमा का दुनिया में कब के का कर जाई एकरा बारे में कुछउ ना कहल जा सके. पिछला दिने सुपर स्टार रविकिशन चोर बनल रहले त अब चर्चित अभिनेत्री प्रतिभा पाण्डेय डकैत के साथ देत बाड़ी. जी हँ, ई खबर सोरहो आना साच बा. सुपर स्टार रवि किशन की नायिका बनके फिल्म “हमरा से बियाह करबऽ” से सिने दुनियां में गोड़ धरे वाली गायिका आ अभिनेत्री प्रतिभा पाण्डेय अबले अनेके सुपर हिट फिलिमन के नायिका बन चुकल बाड़ी. आ अब स्टार गायक अउर नायक पवन सिंह डकैत का साथे मुजरा करे वाली मुन्नी बाई के रूप में आवत बाड़ी. निर्माता मनोज कुमार चौधरी आ निर्देशक रवि भूषण के फिल्म “डकैत” में.

एह फिल्म में पवन सिंह डकैत बनल बाड़न आ प्रतिभा पाण्डेय फिल्म “उमराव जान” के रेखा वाला किरदार आत्मसात कइले पग-पग पर उनुका दुश्मनन के खात्मा खातिर साथ निभावत बाड़ी. एह फिल्म में खलनायक बनल मनोज टाईगर के आतंक खतम करे के उनुकर संकल्प कइसे पूरत बा से त फिलिम देखला का बादे पता चली.

बकौल प्रतिभा पाण्डेय अपना पाँच साल का फ़िल्मी सफ़र में ऊ कबो केहू से कम्पटीशन करे के ना सोचली ना ही नंबर वन के कुरसी के लालच कइली. हमेशा अपना किरदार के ईमानदारी से निभावे के कोशिश कइली जेहसे कि देखे वाला प्रतिभा पान्डेय के ना बलुक ओह किरदार के याद राखें. कहेली कि शायद एही चलते उनुका दर्शकन के प्यार आशीर्वाद हमेशा मिलत रहल बा. एकर सबूत पहिला फिल्म “हमरा से बियाह करबऽ” से लिहले “सजना सजाई द मांग”, “जय हो दुल्हे राजा”, “विधाता” अउर हिंदी फिल्म- “रामा रामा गजब होइ गवा” आ दोसर अनेके हिट फिलिमन का अलावा हालही में रिलीज भइल सुपर हिट फिल्म “केहू हमसे जीत न पाई” पक्का सबूत बावे.

फिल्म “डकैत” में प्रतिभा के मुजरा पुरनका जमाना के मीना कुमारी, रेखा, स्मिता पाटिल वगैरह के याद दिलाई आ ऊ संभावना सेठ, सीमा सिंह भा दोसर आयटम गर्ल के प्रस्तुति से फरका होखी.

प्रतिभा पाण्डेय के जल्दिये रिलीज होखे वाली फिलिम “कजरा मोहब्बत वाला” में उनुकर जलवा देखे के मिली जवना में देह नइखे देखावल कला देखावल गइल बा. “भोजपुरिया मजदूर” में बतौर मुख्य नायिका होखला का साथ ही अपने पर फिल्मावल तीन गो गीतो उहे गवले बाड़ी. एह फिल्म के नायक बाड़े मुकेश कुमार. एकरा अलावे प्रतिभा पाण्डेय के अउरी फिलिमन में “नंदू निकम्मा” , “सपना ससुराल के”, “गुमराह” आ “कुर्बानी” शामिल बा.


(अपना न्यूज के रपट से)