मेडिकल एडमिशन पर सुप्रीम कोर्ट के कड़ा रूख

आजु सुप्रीम कोर्ट साफ कहलसि कि हर साल पन्द्रह जुलाई का बाद सरकार, मेडिकल काउन्सिल भा डेन्टल काउन्सिल कवनो प्रवेश के कवनो तरह के मंजूरी भा मान्यता ना दीही. अगर अइसन भइल त अदालत के अवमानना के मुकदमा चलावल जाई.

दोसरे एह पाठ्यक्रमन में ओही प्रवेश परीक्षा का आधार पर दाखिला दिहल जाई जवना के आयोजन सरकार भा निजी कॉलेजन के संगठन करवले होखे.

अदालत का सोझा एगो मामिला आइल रहे जवना में साल २००६ २००७ सत्र में अनेके मेधावी विद्यार्थियन के अनदेखी करत दू गो लड़िकियन के प्रवेश दिहल गइल रहे. एह मामिला में छह गो अधिकारियन पर अवमानना के मुकदमा शुरू कइलसि आ दुनु लड़िकियनो पर पाँच पाँच लाख के जुर्माना लगा दिहलसि.

प्रवेश-शुभी के सुपरहिट जोड़ी ‘‘हीरो’’ में

भोजपुरी सिनेमा के युवा सितारा प्रवेश लाल यादव आ शुभी शर्मा के सुपरहिट जोड़ी निरहुआ इंटरटेनमेंट के बैनर तले बनत फिलिम ‘‘हीरो’’ में नजर आवे वाली बा. दक्खिन भारत के निर्माता निर्देशक के.एस.साई बाबा के एह फिल्म में प्रवेश-शुभी के एक दम नया अवतार देखे के मिली. दुनु जने दक्खिन भारत के मनोरम लोकेशनन पर इश्क फरमावत लउकीहें.

श्री सांई प्रोडक्शन के बैनर तले बनत एह फिल्म में प्रवेश लाल यादव, शुभी शर्मा, अवधेश मिश्रा, प्रकाश जैस, निलम, गोपाल राय, आयाज खान, सीमा सिंह आ सत्य प्रकाश के प्रमुख भुमिका बा. संगीतकार राजेश-रजनीश, गीतकार प्यारेलाल यादव, श्याम देहाती आ विपिन बहार हउवें.

अबही एह फिलिम के पोस्ट प्रोडक्शन काम मुम्बई में होखत बा.


(प्रशांत निशांत के रपट)