पवन सिंह, अक्षरा सिंह, संजय पांडे अउर सीमा सिंह के ‘बजरंग’ मुंबई में

स्टार पवन सिंह, सेक्सी बाला अक्षरा सिंह, खलनायक संजय पांडे आ डांसिंग क्वीन सीमा सिंह के जलवा लोग के एके साथे देखे के मिली एह शुक का दिने मुंबई में रिलीज होखत ‘बजरंग’ में. गुरुजी फिल्म्स इंटरनेशनल के एह फिल्म के निर्माता जे.पी. सिंह आ निर्देशक नंदकिशोर महतो हउवें. एह फिल्म में पवन सिंह आ अक्षरा सिंह के जोड़ी देखनिहारन के दिल जीत ली.

निर्माता जेपी सिंह एहसे पहिले ‘तोहरे कारण गईल भईंसिया पानी में’ आ ‘पायल’ जइसन सुपर डुपर फिल्म बनवले रहलें.

‘बजरंग’ के गीतकार जहांगीर आरजू, मुन्ना दूबे आ विनोद पासवान, संगीतकार ओम झा, एक्शन निर्देशक जग्गू सेठ, नृत्य निर्देशक कानू मुखर्जी आ कहानीकार संतोष मिश्रा हउवें.

एह फिल्म के बड़का कलाकारन का अलावे जय सिंह, उमेश सिंह, देव सिंह आ मास्टर वरुण सिंह के अभिनयो के लाजवाब जलवा देखे के मिली.


(स्रोत – शशिकांत सिंह, रंजन सिन्हा के रपट)

बिहार में ‘बजरंग’ भइल सुपर डुपर हिट

भोजपुरी फिल्म ‘बजरंग’ के बिहार में मिलल शानदार सफलता से गुरुजी फिल्म्स इंटरनेशनल, सुपर स्टार पवन सिंह आ निर्माता जे.पी. सिंह समेत सगरी टीम गजब के उत्साह में बिया. एह फिल्म में पवन सिंह आ अक्षरा सिंह के जोड़ी दर्शकन के दिल जीतत बा. जबरदस्त एक्शन से भरल एह फिल्म के निर्देशक हउवन नंद किशोर महतो.


(शशिकांत सिंह रंजन सिन्हा के रपट)

‘बजरंग’ 18 मई के बिहार में रिलीज होखी

निर्माता जीतेन्द्र प्रताप सिंह के एक्शन फिल्म ‘बजरंग’ 18 मई के बिहार में रिलीज होखी. एहमें भोजपुरी सुपर स्टार पवन सिंह आ अक्षरा सिंह के अलावे संजय पांडे, जय सिंह, उमेश सिंह, रमेश दुबे, सीमा सिंह, वैभव राय अउर मास्टर वरुण सिंह के मुख्य भूमिका बा. निर्देशक हवें नंद किशोर महतो। गुरुजी फिल्म्स इंटरनेशनल के बैनर तले बनल एह फिल्म के शूटिंग उत्तर प्रदेश आ बिहार में भइल बा.

निर्माता जितेन्द्र प्रताप सिंह के कहना बा कि एह में एक्शन के साथही रोमांस आ कॉमेडी के भरपूर मसाला बा. निर्देशक नंद किशोर महतो का साथे जितेन्द्र प्रताप सिंह के ई तीसरी फिल्म हवे. एहमें भोजपुरी सुपर स्टार पवन सिंह के नया लुक देखे के मिली. खलनायक संजय पांडे के निर्माता जितेन्द्र प्रताप सिंह के कैंप में ई पहिलकी फिलिम हवे.

गीत जहांगीर आरजू, मुन्ना दुबे आ विनोद पासवान के लिखल आ संगीत ओम झा के रचल ह. कहानी संतोष मिश्रा लिखले बाड़न. ‘बजरंग’ के नायिका अक्षरा सिंह एह फिल्म के एगो प्लस प्वाइंट बाड़ी. त अबहिए से तईयार हो जाईं 18 मई, 2012 के ‘बजरंग’ देखे खातिर


(शशिकांत सिंह रंजन सिन्हा के रपट)

‘बजरंग’ में लउकी अक्षरा सिंह के क़ातिल अदा

अक्षरा सिंह के क़ातिल अदा पर एह घरी सभे फिदा बा आ ऊ धड़ाधड़ फिलिम साईन करत बाड़ी. अक्षरा सिंह के कई गो फिलिम फ्लोर पर बाड़ी सँ आ कुछ रिलीज होखे वाली बाड़ी सँ. एहमें हैदर काजमी संगे दू गो फिलिम ‘कालिया’ अउर ‘बिगुल’ आ पवन सिंह संगे ‘बजरंग’ खास बाड़ी सँ.

निर्माता जे.पी. सिंह आ निर्देशक नंद किशोर महतो के फिल्म ‘बजरंग’ जल्दिये बिहार समेत पूरा देश में रिलीज होखी. यूपी आ बिहार में शूटिंग भइल एह फिल्म के मुख्य कलाकारन में पवन सिंह, अक्षरा सिंह, संजय पांडे, जय सिंह, उमेश सिंह, रमेश दुबे, सीमा सिंह, वैभव राय आ मास्टर वरुण सिंह शामिल बाड़े.

अबहिये से कहात बा कि ई फिल्म अक्षरा के कैरियर के एगो अउर ब्लाक बस्टर साबित होखी.


(शशिकांत सिंह रंजन सिन्हा के रपट)

‘बजरंग’ में सीमा सिंह के हॉट अंदाज़

निर्माता जितेन्द्र प्रताप सिंह के आवे वाली फिल्म ‘बजरंग’ क ट्रेलर एह घरी खुबे पसन्द कइल जात बा. हालही में एकर हॉट आयटम गाना के टीजर जारी भइल बा जवना में डांसिंग क्वीन सीमा सिंह आपन जलवा देखवले बाड़ी.

निर्देशक नंद किशोर महतो के एह फिल्म में मुख्य जोड़ी पवन सिंह आ अक्षरा सिंह के बा. संजय पांडे हमेशा का तरह खलनायक बाड़े. बाकी कलाकारन में जय सिंह, उमेश सिंह, रमेश दुबे, सीमा सिंह, वैभव राय आ मास्टर वरुण सिंह के खास भूमिका बा. गुरुजी फिल्म्स इंटरनेशनल के बैनर तले बनल एह फिल्म के शूटिंग उत्तर प्रदेश आ बिहार के वास्तविक लोकेशन पर भइल बा. निर्माता निर्देशक का मुताबिक फिल्म में एक्शन, रोमांस अउर कॉमेडी के भरपूर मसाला बा.

गीत जहांगीर आरजू, मुन्ना दुबे आ विनोद पासवान के लिखल, संगीत ओम झा के, कहानी संतोष मिश्रा के लिखल बा. अक्षरा सिंह एह फिल्म के एगो खासियत बाड़ी. फिल्म जल्दिये रिलीज होखे वाली बा.


(शशिकांत सिंह रंजन सिंहा के रपट)

कानून से नफरत करा दी ‘बजरंग’

अगर आप भोजपुरी फिल्म ‘बजरंग’ देखब त परदा पर से नजर ना हटा पाएब. एह फिल्म में देखावल गइल बा कि नाहियो चाहत दबंगन का सोझा गरीबन के दबे के पड़ेला. एह फिल्म के देखला का बाद सामाजिक हालात से नफरत पैदा होखी आ एही में निर्देशक, लेखक अउर अभिनेता के कामयाबी झलकी. एह फिल्म के फर्स्ट लुक देखे वाला लोग के इहे कहना बा.

निर्माता जे.पी. सिंह के फिल्म ‘बजरंग’ के क्लाइमेक्स कानून खातिर नफरत पैदा करी आ नफरत होखी ओह सामाजिक सरोकारन से जवना में आजुओ गाँव के नवही पिसात बाड़े.

फिल्म ‘बजरंग’ में भोजपुरी सुपर स्टार पवन सिंह, अक्षरा सिंह, नंबर वन खलनायक संजय पांडे समेत तमाम सितारा अपना बढ़िया अदाकारी से दर्शकन के दिल जीत लीहें ई दावा बा निर्माता जितेन्द्र प्रताप सिंह के.

ई फिल्म जल्दिये रिलीज होखे वाली बिया.


(शशिकांत सिंह रंजन सिन्हा के रपट से)

जबरदस्त एक्शन से भरल फिल्म ‘बजरंग’

गुरुजी फिल्म्स इंटरनेशनल के फिल्म ‘बजरंग’ ले के भोजपुरी सुपर स्टार पवन सिंह आ निर्माता जे.पी. सिंह समेत फिल्म के पूरा टीमे गजब का उत्साह में बा. एह में पवन सिंह आ अक्षरा सिंह के जोड़ी दर्शकन के दिलजीत ली. जबरदस्त एक्शन भरल एह फिल्म के निर्देशक हउवे नंद किशोर महतो आ सहयोगी निर्माता पिंटू सिंह. बजरंग के पहिला कापी निकल चुकल बा आ फिल्म जल्दिये सभका सोझा होखी.

खूबसूरत आ वास्तविक लोकेशन पर शूट भइल एह फिल्म में पवन सिंह गजब के स्टंट कइले बाड़न. एगो सीन में ऊ तीस फुट के नाला पर मोटर साइकिल से छलांग लगा दिहले. एह स्टंट के खुद कइले पवन सिंह आ शूटिंग का बेरा सभकर साँस टँगा गइल रहुवे. बाकिर जब शानदार तरीका से पवन सिंह ऊ सीन कर दिहले सभे ताली बजावे लागल.

फिल्म ‘बजरंग’ के गीत जहांगीर आरजू, मुन्ना दूबे आ विनोद पासवान के, संगीत ओम झा के, एक्शन डायक्शन जग्गू सेठ, नृत्य निर्देशन कानू मुखर्जी के, आ कहानी संतोष मिश्रा के लिखल बा. भोजपुरी सिनेमा के नंबर वन खलनायक संजय पांडे के रौद्र रूप दर्शकन के साँस रोक दीहि. जय सिंह, उमेश सिंह आ देव सिंह का अलावे एह में मास्टर वरुणो सिंह के लाजवाब जलवा देखे के मिले वाला बा. डांसिंग क्वीन सीमा सिंह के मदमस्त कर देबे वाला डांस ब्लास्टो बा एहमें


(शशिकांत सिहं रंजन सिन्हा के रपट से)

‘बजरंग’ के बाद जे.पी. सिंह ले अइहें ‘क्षत्रिय’

लीक से हटि के फिल्म बनाने में यकीन राखे वाला निर्माता जे.पी. सिंह अपना फिलिमन ‘गईल भईंसिया पानी में’ आ ‘पायल’ से सफलता के नया रेकार्ड बनवले रहले. उनुकर तिसरकी फिलिम ‘बजरंग’ प्रदर्शन खातिर तइयार बा. अब जे.पी.सिंह अपना नया फिल्म ‘क्षत्रिय’ के घोषणा कइले बाड़न जवन पूरा तरह से मल्टी स्टारर फिल्म होखी.

गुरुजी फिल्म्स इंटरनेशनल के बैनर तले बनेवाली “क्षत्रिय” अगिला महीना सेट पर जाई. बतावे लायक बा कि निर्माता जे.पी. सिंह के फिल्म ‘बजरंग’ में भोजपुरी सुपर स्टार पवन सिंह आ अक्षरा सिंह के अलावे संजय पांडे, जय सिंह, उमेश सिंह, रमेश दुबे, सीमा सिंह, वैभव राय आ मास्टर वरुण सिंह के मुख्य भूमिका बा. निर्देशक हउवें नंद किशोर महतो. उत्तर प्रदेश आ बिहार के असली लोकेशन पर फिल्मावल एह फिलिम ‘बजरंग’ में एक्शन, रोमांस आ कॉमेडी के जोरदार मसाला बा. फिलिम बनावे में कवनो कोताही नइखे कइल गइल.


( शशिकान्त सिंह के रपट से)

नीतीश कुमार अउर बिहार के तरक्की अब सिनेमा का परदा पर

बिहार के मुख्यमंत्री नीतीश कुमार अब फिल्मकारन के पसंद बन गइल बाड़े. अमिताभ बच्चन से लगाइत शाहरुख खान ले अब नीतीश कुमार के शासनकाल में बेखौफ होके बिहार जाये लागल बाड़े. बिहार के तरक्की आ नीतीश कुमार के बखान अब सिनेमा भोजपुरीओ का परदा पर देखावल जाये वाला बा. नीतीश राज में बिहार के तरक्की पर बनावल एगो खास गाना फिल्म ‘बजरंग’ में डालल गइल बा. एह गाना के बोल बावे ‘ए नीतीश काका बिहार के बनाय दा तू जापान…’. एह गाना में बिहार के मुख्यमंत्री नीतीश कुमार के भाषण देत देखावल जाई.

‘बजरंग’ के निर्माता हउवें जानल मानल भोजपुरी फिल्म निर्माता जे.पी. सिंह जे फिल्म ‘पायल’ अउर ‘गईल भईंसिया पानी में’ से सफलता के नया रिकार्ड बनवलन. बजरंग के प्रदर्शन जल्दिये बिहार समेत पूरा देश में होखेवाला बा. एह फिल्म में भोजपुरी सुपर स्टार पवन सिंह आ अक्षरा सिंह के अलावा संजय पांडे, जय सिंह, उमेश सिंह, रमेश दुबे, सीमा सिंह, वैभव राय आ मास्टर वरुण सिंह मुख्य भूमिका में बाड़े. निर्देशक हउवें नंद किशोर महतो. गुरुजी फिल्म्स इंटरनेशनल के बैनर तले बनल एह फिल्म ‘बजरंग’ के शूटिंग उत्तर प्रदेश आ बिहार के वास्तविक लोकशन पर कइल गइल बा.

निर्माता जितेन्द्र प्रताप सिंह कहलन कि ‘बजरंग’ में एक्शन का साथे रोमांस आ कॉमेडी के भरपूर मसाला बा.


(शशिकांत सिंह के रपट से)

एक्शन रोमांस से भरल फिल्म ‘बजरंग’

भोजपुरी की सुपर डुपर हिट फिल्म ‘गईल भईंसियां पानी में’ आ ‘पायल’ का बाद निर्माता जीतेन्द्र प्रताप सिंह के नइकी फिल्म ‘बजरंग’ भोजपुरी वर्ल्ड में चरचा के विषय बा. कहल जात बा कि जबरदस्त एक्शन से भरल ‘बजरंग’ सफलता के जबरदस्त हंगामा मचाई. एकर प्रदर्शन जल्दिये बिहार समेत पूरा देश में होखे जात बा.

फिल्म के कलाकारन में भोजपुरी सुपर स्टार पवन सिंह आ अक्षरा सिंह के मुख्य जोड़ी का अलावे संजय पांडे, जय सिंह, उमेश सिंह, रमेश दुबे, सीमा सिंह, वैभव राय आ मास्टर वरुण सिंह के खास भूमिका बा. निर्देशक हउवन नंद किशोर महतो. गुरुजी फिल्म्स इंटरनेशनल के बैनर तले बनल एह फिल्म के शूटिंग उत्तर प्रदेश आ बिहार के वास्तविक लोकेशनन पर भइल बा. निर्माता जितेन्द्र प्रताप सिंह के कहना बा कि ‘बजरंग’ में एक्शन का साथेसाथ रोमांस आ कॉमेडी के भरपूर मसाला बा. निर्देशक नंद किशोर महतो के कहना बा कि निर्माता दिल खोल के खरचा कइले बाड़े एह फिल्म पर. एह निर्देशक आ निर्माता जोड़ी के ई तिसरका फिलिम हवे. गीत जहांगीर आरजू, मुन्ना दुबे आ विनोद पासवान के लिखल, संगीत ओम झा के रचल आ कहानी संतोष मिश्रा के लिखल हवे.लोग के कहना बा कि ई एगो ब्लाक बस्टर फिल्म होखी.


(शशिकांत सिंह के भेजल रपट)