‘दयावान’ के प्रमोशन करे निकलले रिंकू घोष संगे मनोज तिवारी

सिनेमा भोजपुरी के मेगा स्टार मनोज तिवारी आ ड्रीम गर्ल रिंकू घोष पिछला दिने अपना फिल्म ‘भईया हमार दयावान’ के प्रमोशन खातिर जब वितरक हरीश जायसवाल आ निर्देशक असलम शेख का साथे मुंबई के नवरंग सिनेमा आ भिवंडी के सिनेमा घर चहुँपलें त ओहिजा एह लोग के एक झलक पावे खातिर सिनेमाघर खचाखच भर गइल आ बहरियो हजारन के भीड़ जमा हो गइल.

मनोज तिवारी आ रिंकू घोष से हाथ मिलावे, ऑटोग्राफ लेबे खातिर भगदड़ मच गइल. केहू तरह एह लोग के सिनेमा घर के स्टेज पर ले आवल गइल. एहिजा वितरक हरीश जायसवाल दर्शकन के मरजी समुझत मनोज तिवारी के माइक थमा दिहलन. मनोज तिवारी आ रिंकू घोष के कैमरा में क़ैद करे खातिर मीडियो के लोग उत्साह देखावल आ दर्शको भर हीक अपना अपना कैमरा से फोटो खींचले.

मनोज तिवारी जब दर्शकन से पूछलें कि फिल्म कइसन लागल त सभकर कहना रहे कि बहुते साथ सुथर आ परिवार संग देखे लायक बावे. एह पर मनोज तिवारी कहलन कि त फेर अपना पूरा परिवार का साथे आ के फिलिम देखीं.

एह मौका पर मनोज तिवारी देवी गीत गा के सुनवले. रिंकू घोष के माइक दिहल गइल त ऊ दर्शकन से भोजपुरी में बतियवली आ मनोज तिवारी के खूबे तारीफ कइली. हरीश जायसवाल, निर्देशक असलम शेख, मोनालिसा, आ अवधेशो मिश्रा वगैरह दर्शकन से रूबरू भइले.


(शशिकांत सिंह रंजन सिन्हा के रपट से)

मनोज तिवारी आ रिंकू घोष के जादू फेरू चलल

सिनेमा भोजपुरी के मेगा स्टार मनोज तिवारी आ ड्रीम गर्ल रिंकू घोष के जादू पिछला दिने मुंबई का सिनेमाघरन में खूब चलल आ उनकर फिल्म ‘भईयार हमार दयावान’ एहिजा रिकार्ड तोड़ सफलता हासिल कइलसि. एह फिल्म में छह साल बाद मनोज तिवारी आ रिंकू घोष दुनु बाड़न हालांकि जोड़ी अलग बा. मनोज तिवारी के जोड़ी पाखी संगे आ रिंकू के जोड़ी शुभम तिवारी संगे बनावल गइल बा.

शुभम अउर रिंकू घोष के जोड़ी एहसे पहिले ‘तू ही मोर बालमा’ में बहुते हिट रहल रहे. मनोज तिवारी आ पाखी हेगड़े के जोड़ी पहिला बेर बनल बा. ‘भईया हमार दयावान’ के निर्देशक हउवें असलम शेख.


(शशिकांत सिंह रंजन सिन्हा के रपट से)

छह साल बाद एक साथे नजर अइहें मनोज तिवारी आ रिंकू घोष

सिनेमा भोजपुरी के मेगा स्टार मनोज तिवारी आ नंबर वन अदाकारा रिंकू घोष के जोड़ी छह साल बाद परदा पर नजर आवे वाली बा ‘भईया हमार दयावान’ में. ई फिलिम 23 मार्च के मुंबई में रिलीज होखी. मनोज तिवारी आ रिंकू के जोड़ी सबसे पहिले ‘दरोगा बाबू आई लव यू’ में नजर आइल रहुवे आ फिलिम सुपर डुपर हिट रहुवे. ओकरा बाद फिल्म ‘सौगंध’ में ई जोड़ी मौजूद रहे साल 2006 में आ फिलिम सफल रहुवे. अब छह साल बाद ई जोड़ी देखे के मिले वाला बा ‘भईया हमार दयावान’ में. हालांकि एहमें रिंकू घोष शुभम तिवारी का साथे बाड़ी. आ मनोज तिवारी के नायिका बाड़ी पाखी हेगडे. मनोज तिवारी आ पाखी हेगडे के जोड़ी भोजपुरी सिनेमा में पहिला बेर देखे के मिले वाला बा.

‘भईया हमार दयावान’ के निर्देशक हउवें असलम शेख.


(शशिकांत सिंह रंजन सिन्हा के रपट से)

“भईया हमार दयावान’’ के प्रदर्शन 23 मार्च से

ऋषि इंटरनेशनल प्रोडक्शन के बैनर तले बनल निर्माता हरीश गुप्ता के भोजपुरी फिल्म “भईया हमार दयावान’’ के प्रदर्शन 23 फरवरी से मुंबई में होखे वाला बा.

एह मल्टीस्टारर फिल्म में मेगा स्टार मनोज तिवारी “मृदुल’, शुभम तिवारी, पाखी हेगड़े, रिंकु घोष, मोनालिसा, किरण कुमार, मनोज टाईगर, अवधेश मिश्रा, ब्रजेश त्रिपाठी आ अरविंद अकेला “कल्लू’’ के प्रमुख भूमिका बा. निर्देशक बाड़न सुपर हिट निर्देशक असलम शेख. गीत विनय बिहारी आ प्यारे लाल यादव के हवे. संगीट दिहले बाड़न राजेश-रजनीश.

बकौल निर्माता हरीश गुप्ता आ निर्देशक असलम शेख “भईया हमार दयावान’ एगो समहर पारिवारिक मनोरंजन देबे वाली फिल्म हवे.


(प्रशांत निशांत के रपट से.)