विनय आनन्द के ‘मंगल फेरा’ अब तीन भाषा में

भोजपुरी सिनेमा के स्टार अभिनेता विनय आनंद के नामे एगो नया रिकार्ड जुटे जात बा. विनय आनन्द भोजपुरी के पहिलका अभिनेता बन गइल बाड़ें जिनकर फिलिम एके साथ तीन गो भाषा में बनावल जात बा.

विनय आनंद अभिनीत फिल्म ‘मंगल फेरा’ के भोजपुरी, गुजराती अउर नेपाली, तीन गो भाषा में बनावल जात बा. आ तीनों में नायक विनय आनन्द शूटिंग करत बाड़ें. नेपाली फिल्म के शूटिंग नेपाल में होखत बा आ भोजपुरी अउरी गुजराती ‘मंगल फेरा’ के शूटिंग गुजरात में.

हॉरर फिल्म ‘मंगलफेरा’ के निर्माण गायत्री फिल्म प्रोडक्शन के बैनर में गायत्री राठौड़ करत बाड़ी आ निर्देशक बाड़ें श्रीधर शेट्टी. पिछला दिने नेपाल में पत्रकारन से बतियावत विनय आनंद आ श्रीधर शेट्टी बतवलें कि ‘मंगलफेरा’ में स्पेशल इफेक्ट के अलावा एगो अउर नया तकनीक के इस्तेमाल होखत बा जवन भोजपुरी में पहिला बेर होखत बा.


(ब्रेकिंग मैक्स मीडिया के रपट)

Advertisements

विनय आनंद के सबले डरावन फिलिम ‘मंगल फेरा’

सिनेमा भोजपुरी में डरावनी फिलिमन के हमेशा कमी रहल बा, अब एह कमी के दुर करे आवत बावे विनय आनंद के फिलिम ‘मंगल फेरा’. एह फिलिम के पूरा शूटिंग नेपाल में भइल बा आ एह फिलिम के बनावे में बहुते उच्च तकनीक के इस्तेमाल भइल बा. फिलिम के हॉरर सभकर रोंआ खड़ा कर दी.

गायत्री राठौड़ के बनावल आ श्रीधर शेट्टी निर्देशित एह फिल्म के कहानी दर्शन राठौड़, पटकथा पियूष शाह अउर श्रीधर शेट्टी, आ संवाद मोहम्मद रफी खान लिखले बाड़ें, संगीतकार हउवें राकेश त्रिवेदी, कैमरामैन हउवें श्रीनिवास आर.

ई फिलिम जल्दिए रिलीज होखे वाली बा.


(शशिकांत सि्ह रंजन सिन्हा के रपट)

विनय आनन्द और श्रीधर शेट्टी चउथा हाली एक संगे

भोजपुरी सुपर स्टार विनय आनंद आ निर्देशक श्रीधर शेट्टी चउथा बेर अपना जोड़ी क जयजयकार करावत नजर अइहें. फिल्म होई ‘मंगल फेरा’ जवना के भोजपुरी आ गुजराती में बनावल जाई. एहसे पहिले ई जोड़ी ‘जय हो दूल्हे राजा’, ‘कजरा मोहब्बत वाला’ आ ‘खूनी दंगल’ बना चुकल बाड़े, ‘मंगल फेरा’ एह जोड़ी के चउथी फिलिम हियऽ. एकर निर्माण गायत्री राठौड़ आ वंशमणि शर्मा करत बाड़े, कहानी दशरथ राठौड़ के लिखल बा.

गायत्री सिने प्रोडक्शन अउर देवशक्ति फिल्म्स के बैनर तले बने जात एह फिल्म के शूटिंग 5 जून से नेपाल आ गुजरात में होखी.


(शशिकांत सिंह रंजन सिन्हा के रपट)