एगो पाठक नीरज का बहाने

काल्हु अँजोरिया के एगो सम्मानित पाठक नीरज जी जानल चहले कि सुर के महासंग्राम के आडिशन पटना में कहिया होखी? उनुका सवाल के जवाब लिखे बइठनी त बहुत कुछ अइसन लिखा गइल कि सोचनी कि एकरा के अलगे पोस्ट कर दीं.

पता ना का चाहत बावे महुआ टीवी चैनल आ का मन में बावे ओकरा प्रचारक के. महुआ टीवी के अपनो वेबसाइट पर एह बारे में कवनो जानकारी नइखे. जवने जानकारी बा तवन महुआ टीवी चैनल पर. बइठ जाईं ओकरा आगा कलम कागज लेके आ जब एह महासंग्राम के जानकारी आवे तब लिख लीं.

सुर संग्राम एक आ दू के मिलल सफलता का बाद होखे के त ई चाहत रहे कि सुरसंग्राम तीन करावल जाव बाकिर शायद एहले नइखे करावल जात कि अबही ले सुर संग्राम दू के फाइनल नइखे हो पावल. जज लोग आ अंकर लोग के भुगतान के विवाद अलगा बा.

एही सब का चलते हम कई बेर कह चुकल बानी कि महुआ भा कवनो टीवी चैनल, कवनो संगीत कंपनी, कवनो फिल्म, कवनो फिल्मकार से अँजोरिया वेबसमूह के कवनो संबंध नइखे. प्रचारकन से मिले वाला जानकारी रउरा सभे तक चहुँपा दिहिले काहे कि अँजोरिया समूह हमेशा भोजपुरी आ एह भाषा में काम करे वालन के बढ़ावा देत आइल बा, देत आवत रही. अँजोरिया समूह के प्रकाशन बलिया से कइल जाला जहवाँ टीवी भा सिनेमा भा संगीत का बारे में कवनो जानकारी ले पावल मुश्किल होला. दोसरे भोजपुरी के वेबसाइटन के प्रकाशन आर्थिक सक्षम नइखन स कि आपन संवाददाता आ आपन ब्यूरो चलावल जा सके.

एह दिसाईं पाठक लोग के सक्रिय सहयोग के अपेक्षा रहेला कि ऊ लोग अपना स्रोत से मिलल जानकारी के बाकी पाठकन से मिल बाँटे लोग. अगर अइसन होखे लाग जाव त सिनेमा आ टीवी चैनल का बारे में सही सही जानकारियो मिल पाई. बाकिर रउरा सभे बानी कि कुछ बाँटे के तइयारे नइखीं. आइलें, जवन मिलल तवना के देखनी, पढ़नी आ चल दिहनी बिना कुछ कहले, बिना कवनो टिप्पणी मरले.

घरो में आदमी खाना खाला त ओकरा बारे में अगर टिप्पणी ना करे त रसोईया के मन टूटेला. ना विश्वास होखे त अपने घर में पूछ लीं. सामने वाला चटखारा ले के खाय, बड़ाई करे त बनावे परोसे वाला के आनन्द मिलेला आ काम के थकान खतम हो जाला. अगर खराब लागल भा पसन्द ना आइल तबहियो बतावल जरूरी होला जेहसे कि रसोईया अगिला बेर सचेत रहो.

हमार काम रसोईये जइसन बा. टिप्पणी दिहल राउर काम होखे के चाहीं. रोजाना नाहियों त चार सौ लोग जरूरे आवत होई अँजोरिया पर ओहमें से चालीसो पचास लोग टिप्पणि देबे लागे तब भोजपुरी आ एह से जुड़ल लोगन के काम में गुणात्मक परिवर्तन अइला बिना ना रही.

बाकी राउर मरजी.

राउर,
संपादक, अँजोरिया

“सुरों का महासंग्राम” खातिर लखनऊ में ऑडिशन 3 जनवरी के

– प्रशांत निशांत

भोजपुरिया गीत गवनई के शौकीन लोग का मन में आपन खास पहिचान आ जगहा बना चुकल ‘‘महुआ टी. वी.’’ अब भोजपुरिया सुरवीरन खातिर ‘‘सुर संग्राम’’ के भारी सफलता का बाद ‘‘सुरों का महासंग्राम’’ ले के आवत बा.

“सुरों का महासंग्राम” में अबकी बिहार, झारखण्ड आ उत्तर प्रदेश के उभरत गायक गायिका लोग का बीचे गवनई के जंग मची. तीन जनवरी से एह शो खातिर प्रतिभागी चुने के काम लखनऊ से शुरू होखे जा रहल बा. लखनऊ में ऑडिशन राउण्ड के जगहा तय भइल बा स्वयंवर मैरिज हॉल, भवानी बाजार, गोल चौराहा, जानकीपुरम, लखनऊ.

एह ऑडिशन में मशहूर संगीतकार जोड़ी सतीश-अजय के अजय, महुआ टी. वी. के विनीता उपाध्याय आ अभिषेक प्रतिभागियन के चयन करीहें. एह आ एकरा बाद के बाकी जगहा के ऑडिशन में शामिल होखे खातिर उमिर के सीमा बान्हल गइल बा चौदह साल से तीस साल का बीच.

आडिशन में शामिल होखे खातिर प्रतिभागियन के आपन आवासीय प्रमाणपत्र, उमिर के प्रमाण पत्र आ दू गो पासपोर्ट साइज फोटो का साथे आपन रजिस्ट्रेशन करवावे के पड़ी. रजिस्ट्रेशन आडिशन स्थले पर कइल जाई. आवासीय प्रमाणपत्र बिहार, झारखण्ड भा उत्तर प्रदेश के होखे के चाहीं.

पहिला राउण्ड में चुनइला का बाद प्रतिभागियन के फेरू फाइनल राउण्ड पार करे के पड़ी.

"सुरों का महासंग्राम" खातिर लखनऊ में ऑडिशन 3 जनवरी के

– प्रशांत निशांत

भोजपुरिया गीत गवनई के शौकीन लोग का मन में आपन खास पहिचान आ जगहा बना चुकल ‘‘महुआ टी. वी.’’ अब भोजपुरिया सुरवीरन खातिर ‘‘सुर संग्राम’’ के भारी सफलता का बाद ‘‘सुरों का महासंग्राम’’ ले के आवत बा.

“सुरों का महासंग्राम” में अबकी बिहार, झारखण्ड आ उत्तर प्रदेश के उभरत गायक गायिका लोग का बीचे गवनई के जंग मची. तीन जनवरी से एह शो खातिर प्रतिभागी चुने के काम लखनऊ से शुरू होखे जा रहल बा. लखनऊ में ऑडिशन राउण्ड के जगहा तय भइल बा स्वयंवर मैरिज हॉल, भवानी बाजार, गोल चौराहा, जानकीपुरम, लखनऊ.

एह ऑडिशन में मशहूर संगीतकार जोड़ी सतीश-अजय के अजय, महुआ टी. वी. के विनीता उपाध्याय आ अभिषेक प्रतिभागियन के चयन करीहें. एह आ एकरा बाद के बाकी जगहा के ऑडिशन में शामिल होखे खातिर उमिर के सीमा बान्हल गइल बा चौदह साल से तीस साल का बीच.

आडिशन में शामिल होखे खातिर प्रतिभागियन के आपन आवासीय प्रमाणपत्र, उमिर के प्रमाण पत्र आ दू गो पासपोर्ट साइज फोटो का साथे आपन रजिस्ट्रेशन करवावे के पड़ी. रजिस्ट्रेशन आडिशन स्थले पर कइल जाई. आवासीय प्रमाणपत्र बिहार, झारखण्ड भा उत्तर प्रदेश के होखे के चाहीं.

पहिला राउण्ड में चुनइला का बाद प्रतिभागियन के फेरू फाइनल राउण्ड पार करे के पड़ी.

सीमा सिंह ने जीत लिया ‘नाच नचईया धूम मचईया’

भोजपुरी फिल्मों की डांसिंग क्वीन सीमा सिंह छोटे पर्दे के डांसिंग शो ‘नाच नचईया धूम मचईया’ की विजेता बनी. इस शो के लिए सीमा सिंह ने दिन रात एक कर दिया और आखिर उनकी मेहनत रंग लाई तथा सीमा सिंह को इस डांस शो का विजेता घोषित किया गया. महुआ टीवी पर प्रसारित इस डांस शो में जैसे ही सीमा सिंह के विजेता बनने की घोषणा हुई पूरा सेट तथा वहां मौजूद हजारों दर्शकों ने सीमा सिंह के विजेता बनने का जोरदार तालियां बजाकर स्वागत किया. स्टेज पर ज़ोरदार आतिशबाजी तथा फूलों की वर्षा के बीच डांसिंग क्वीन सीमा सिंह को ‘नाच नचईया धूम मचईया’ का विजेता घोषित किया गया.

सीमा सिंह के इस शो में विजेता बनने पर शो के जजों ने भी उनका स्वागत किया. जैसे ही इस शो में सीमा सिंह के नाम की घोषणा हुई सीमा सिंह खुद के खुशी भरे आंसू नहीं रोक पाई. उन्होंने इस अवसर पर कहा कि यह अवार्ड सच्चे मायने में मेरे घर वालों को मिला है. मेरे घर वाले यह नहीं चाहते थे कि मैं सिनेमा या डांस में आऊं मगर आज वे काफी खुश हैं मेरी इस उपलब्धि से. इस अवसर पर पूरी दुनिया में जिसने भी इस डांस शो को देखा सबने सीमा सिंह के विजेता बनने पर बधाई दिया.

गौरतलब हो कि सीमा सिंह को इसी साल भोजपुरी सिटी सिने अवार्ड में डांसिंग क्वीन का खिताब मिला था. लगभग सौ से ज़्यादा फिल्मों में आयटम नंबर कर चुकी सीमा सिंह को ‘नाच नचाईया धूम मचईया’ का विजेता बनने पर पूरी भोजपुरी इन्डस्ट्री ने सीमा सिंह का तहे दिल से स्वागत किया है.


(स्रोत – शशिकान्त सिंह, रंजन सिन्हा)

महुआ टी॰वी॰ पर ‘हमार सौतन हमार सहेली’

भोजपुरिया चैनल महुआ टी॰वी॰ पर एह घरी एगो नया धारावाहिक ‘हमार सौतन हमार सहेली’ के प्रसारण कइल जा रहल बा जवना के निर्माण ‘बालिका वधू’ जइसन हिट धारावाहिक बनावे वाली कंपनी ‘स्पेयर ओरिजिन’ कइले बिया.

‘हमार सौतन हमार सहेली’ कहानी ह आशा, चंदा अउर निर्भय के. गाँव के दबंग ठाकुर निर्भय चौहान के पत्नी हई आशा. सिधवा घरेलू औरत आशा के घर में कैदी का तरह राखल जा ता काहे कि ऊ अबही ले निर्भय के घर के वारिस नइखी दिहले. चंदा एगो गरीब घर के लड़िकी हियऽ. ओकरा पर अपना छोट बहिन आ अपना नशेड़ी मरदो के जिम्मेदारी बा. ऊ गाँव में घूम-घूम के शादी ब्याह में सोहर गावेले आ ओहसे मिले वाला पइसा से अपना बहिन के पढ़ावेले. निर्भय ओकरा से शादी करके अपना घरे ले आवऽता. आशा आ चंदा एक दोसरा के सौतन के रूप में देख के दंग रह जात बाड़ी, काहे कि दुनु एके गाँव के हई आ सहेलीओ हई. अब आशा पर निर्भय आ ओकरा महतारी के अत्याचार बढ़ल जात बा. फेर एक दिन दुनु सौतन सहेली मिलके ठान लेत बाड़ि निर्भय आ ओकरा परिवार के मुकाबला करे के.

आशा आ चंदा दुनु कइसे मुकाबला करत बाड़ी इहे देखावल जात बा ‘हमार सौतन हमार सहेली’ में. शो के प्रसारण महुआ टी॰वी॰ पर हर सोमार से बियफे रात आठ बजे से कइल जात बा. एकर कार्यकारी निर्माता हउवें विनोद कुमार.


(स्रोत – प्रशांत निशांत)

‘नाच नचईया धूम मचईया’ के एंकर बनले मनोज तिवारी

भोजपुरी फिलिमन के मेगा स्टार मनोज तिवारी ‘मृदुल‘ भोजपुरी के एकमात्र मनोरंजक चैनल महुआ टी.वी. पर देखावल जात अनोखा डांस रियलिटी शो ‘नाच नचईया धूम मचईया’ के एंकरिंग करत लउकीहें.

एह शो के एंकरिंग पहिले भोजपुरी सुपरस्टार रविकिशन करत रहले बाकिर एह घरी अपना फिलिमन के शूटिंग में बेसी व्यस्त होखला का चलते शो खातिर पर्याप्त समय ना दे पावत रहले. एह चलते शो के निर्माता कंपनी साईबाबा टेलीफिल्मस रविकिशन का जगहा मनोज तिवारी के एंकरिंग के कमान सँउप दिहले. अब एह हफ्ता से मनोज तिवारी एह शो के एंकरिंग करत नजर अइहन,

एह हफ्ता ‘नाच नचईया धूम मचईया’ में अदला-बदली एपिसोड देखावल जाई. मनोज तिवारी आपन भउजाई बनल कानू मुखर्जी का साथ ‘ससुरा बड़ा पइसावाला’ के गाना ‘ना ना करब ना बियाह’ पर परफार्म करीहें. आ बाकियो सगरी प्रतिभागी अदला बदली लुक में नजर अइहें.

महुआ टी.वी. पर ई सब एह शनिचर आ अतवार रात आठ बजे से देख सकीलें. शो के प्रसारण हर शनिचर आ अतवार के होखल करेला.


(स्रोत – प्रशांत निशांत)

‘नाच नचईया धूम मचईया’’ का मंच पर ‘नाचे मयूरी’ नचली

महुआ टी. वी. के लोकप्रिय डांस रियलिटी शो ‘‘नाच नचईया धूम मचईया’’ का मंच पर नाचे मयूरी नाम से मशहूर आ एह शो के जज सुधा चंद्रन अबकी का एपिसोड में खुद नृत्य प्रस्तुत करीहें. शो में सुधा अपना मशहूर नृत्य “नाचे मयूरी” के नाच देखइहें.

एह हफ्ता जजेज स्पेशल एपीसोड होखला का चलते गणेशो आचार्य बाकी नृत्य निर्देशकन का साथ हिप-हॉप करत लउकीहें. अक्षरा आ राकेश के जोड़ी आ अनारा गुप्ता आ निसार के जोड़ी आपन आपन बेहतरीन परफॉरमेंस देखइहें. एह शो के एंकर हउवें रवि किशन.

नाच नचईया धूम मचईया हर शनिचर आ अतवार के रात आठ बजे से देखावल जाला.


(स्रोत – प्रशांत निशांत)

‘‘नाच नचईया धूम मचईया’’ के मंच पर मालिनी अवस्थी

महुआ टी. वी. पर प्रसारित होत डांस रियलिटी शो ‘‘नाच नचईया धूम मचईया’’ में एह हफ्ता मशहूर लोक गायिका मालिनी अवस्थी सेलीब्रिटी गेस्ट का रूप में उपस्थित होखीहें. एह शनिचर वाला एपिसोड में अभिनेत्री रिंकू घोष के डांस पार्टनर मदन मोहन के महतारी बतइहें कि मदन के ऊँचाई पर चहुँपावे खातिर ऊ कतना संगर्ष कइली. उनुकर कहानी सुन के शो के एंकर रवि किशन रो दिहलन. काहे कि उनुका अपना महतारी के संघर्ष वाला दिन याद आ जाई.

एह एपिसोड में प्रदीप आ स्मृति बेंच पर एगो गजबे नाच पेश करीहें. अतवार का दिने पेश होखे वाला एपिसोड के थीम रही लोकनृत्य आ सेलिब्रिटी मेहमान मालिनी अवस्थी मंच पर आके प्रतिभागियन के उत्साग बढ़इहें. रिंकु घोष आ मदन मोहन छऊ नृत्य पेश करीहें जबकि अनारा गुप्ता आ निशान के जोड़ी धोबिया गीत पर नाच देखइहें.

नाच नचैया धूम मचैया के प्रसारण ह शनिचर आ अतवार के महुआ टीवी पर रात आठ बजे से कइल जाला.


(स्रोत : प्रशान्त निशान्त)

दुल्हिन उहे जे ननद मन भावे महुआ टीवी पर

भोजपुरिया मनोरंजक चैनल महुआ टी. वी. पर 19 सितम्बर से हर सोमार से शुक ले सँझिया सात बजे से एगो नया धारावाहिक शुरू हो रहल बा ‘‘दुल्हिन उहे जे ननद मन भावे’’. एकर निर्माण ‘‘भाग्यविधाता’’, ‘‘हमारी देवरानी’’ जइसन धारावाहिकन के लेखक रहल आ ‘‘बाबा ऐसा वर ढूँढो’’ के निर्माता रहल राकेश पासवान अपना बैनर ‘‘विलेज व्बॉयज प्रोडक्शन’’ तले कइले बाड़न.

‘‘दुल्हिन उहे जे ननद मन भावे’’ एगो पारिवारिक धारिवाहिक ह जवन दर्शकन के कुछ नया मनोरंजन दीही. एकर कहानी पाँच गो ननदन का साथे भउजाई के आनंद भरल आ अजूबा सफर के बा. कहानी बा अजीत के, जे अपना बाप महतारी का गुजरला का बाद अपना पाँचों बहिनन के पाल पोस के बड़ा कइले बा. पाँचों बहिन ओकर लाडली बाड़ी सँ. अजीत की शादी तय होत बा त लड़की वाला एगो खूबसूरत लड़की देखाके अपना बदसूरत बेटी से अजीत के शादी करवा देत बाड़े. अब पाँचों बहिन आ अजीत में से केहू एह नयकी कनिया से खुश नइखे आ सभ मिलके ओकरा के बहुते परेशान करत बाड़े जेहसे कि ऊ अपने चलि जाव. बाकिर विभा हार नइखे मानत आ अपना प्यार आ समर्पण से अजीत आ अपना पाँचो ननदन के दिल जीत लेत बिया.
धारावाहिक के कलाकारन में अजीत का भूमिका में आकाश सहाय, आ पांचों बहिनन का भूमिका में अरूनिमा जोशी, सुनीता पाण्डेय, दिशा ओझा, सोमी किरण आ सुमन गुप्ता बाड़ी. कनिया के किरदार चारू सक्सेना निभवले बाड़ी.

स्रोत प्रशांत निशांत

एगो नया ढंग के डांस रियलिटी शो

भोजपुरी के मनोरंजक चैनल महुआ टीवी डांसिंग के शो में एगो नया कान्सेप्ट का साथ पेश करे जा रहल बा नाच नचईया धूम मचईया. एह शो के खासियत रही कि भोजपुरी सिनेमा के दस गो अदाकारा अपना खातिर डांस पार्टनर चुनीहें आ ओह पार्टनर का साथे एह शो में शामिल होखीहें. दस गो अदाकारा में शामिल बाड़ी स्टार अदाकारा रिकुं घोष, अक्षरा सिंह, गुंजन पंत, स्मृति सिन्हा, उर्वशी चैधरी, संगीता तिवारी, क्रिशा खण्डेलवाल, लवी रोहतगी, मिस जम्मू अनारा गुप्ता आ आयटम गर्ल सीमा सिंह.

एह दस गो तारिका लोग के डांसिंग पार्टनर खातिर २९ जुलाई से आडिशन शुरू हो गइल बा. बिहार आ यूपी के अलग अलग शहर में जा के ई तारिका लोग आपन डाँस पार्टनर चुनी जे आम जनता में से होखी. एह डांसिंग शो के हॉस्ट करे जा रहल बाड़न भोजपुरी सिनेमा के सदाबहार सुपर स्टार रवि किशन.

रवि किशन के कहना बा कि ‘‘नाच नचईया धूम मचईया’’ आम डांस रियलिटी शो से हटके होखी जवना में बिहार, उत्तर प्रदेश के आम प्रतिभाशाली लडिकन के आपन प्रतिभा देखावे खातिर एगो नया मंच मिली.


(स्रोत : प्रशान्त निशान्त आ उदय भगत)