ज्वालामंडी के निकहा शुरुआत मिलल

भोजपुरी के सदाबहार सुपर स्टार रवि किशन के फिलिम “ज्वालामंडी एक प्रेम कहानी” के बिहार में निकहा शुरुआत मिलल बा. निर्माता राजू सिंह आ निर्देशक जगदीश शर्मा के एह फिल्म में रवि किशन एगो मजबूर प्रेमी के भूमिका में बाड़न जे एगो कोठा मालकिन ज्वाला बाई के चंगुल में फंसल अपना प्रेमिका के ओहिजा से छुड़ावे का फेर में लागल बाड़ें.

फिल्म में लवी रोहतगी, विजय आ ब्रिजेश त्रिपाठी के भूमिका सराहल जात बा. रवि किशन आ रानी चटर्जी के प्रेम प्रसंग आ किन्नर के भूमिका निभावत अवधेश मिश्रा के खतरनाक अंदाज़ सबका भावत बा. निर्देशक जगदीश शर्मा के कहना बा कि कलाकारन के शानदार अभिनय का चलते फिलिम के सफलता खातिर उनुका पहिलही से पूरा भरोसा रहल.

ज्वालाबाई के किरदार के अपना फ़िल्मी कैरियर के सबले बढ़िया किरदार माने वाला अवधेश मिश्रा दर्शकन से मिलत गारी से गदगद बाड़न.


(उदय भगत के रपट)

रणवीर रफ़्तार धइलसि

सिनेमा भोजपुरी के बहुते चरचा में रहल फिल्म “रणवीर” अब रफ़्तार धर लिहले बा. पिछला शुक के बिहार में रिलीज का बाद बढ़िया शुरूआत ना मिलल रहे बाकिर गँवे गँवे ई फिलिम दर्शकन का दिल में जगह बना लिहलसि.
.
तेलगु फिल्म इंडस्ट्रीज के मशहूर निर्माण कंपनी ए के इंटरटेनमेंट आ 14 रील्स इंटरटेनमेंट प्राइवेट लिमिटेड क सहयोगी कंपनी अल्टुरा फिल्म्स के एह पहिलका भोजपुरी फिल्म रणवीर में रवि किशन टाइटिल भूमिका में बाड़ें.

कहल जात बा कि रणवीर के भयंकर गरमी आ बढ़िया सिनेमाघरन के कमी अखरल लेकिन बाद में गँवे गँवे फिलिम रफ्तार धर लिहलसि आ अब सगरी बड़का सिनेमाघरन में एकर व्यवसाय लगातार बढ़त जात बा. एह हफ्ता एकर मुकाबला हिंदी के बहुचर्चित फिलिम राउडी राठौड से होखे वाला बा. बिहार के कई एक बड़का सेंटरन पर दुनु फिलिम एके साथ रिलीज़ होखत बा.


(उदय भगत के रपट)

एक्शन इमोशन से सजल रणवीर २५ मई से रिलीज हो गइल

तेलगु फिल्म इंडसट्रीज़ के जानल मानल फिल्म कंपनी ए के इंटरटेनमेंट आ 14 रील्स इंटरटेनमेंट प्राइवेट लिमिटेड क सहयोगी कंपनी अल्टुरा फिल्म्स के पहिलका भोजपुरी फिल्म “रणवीर” २५ मई से बिहार में रिलीज हो गइल.

अपना जबरदस्त अभिनय क्षमता खातिर जानल जाए वाला भोजपुरी फिलिमन के सदाबहार सुपर स्टार रवि किशन ओह दिन रणवीर किशन बन गइलें जब अपना फिल्म के प्रचार खातिर ओ पटना के सड़कन पर निकललन. प्रीमियर का मौका पर पटना चहुँपल रवि किशन खुद पटना के सडकन पर आपन काफिला ले के निकल पड़लें. साथे रहलें बिहार के बाहुबली विधायक अनन्त सिंह आ अभिनेत्री काजल राघवानी. दर्शको के दिल जीते के रण पर निकलल रणवीर किशन पटना के भयंकर गर्मी में होटल मौर्य से पदयात्रा करत निकललन त साथे उनुका प्रशंसकन के हुजूम शामिल हो गइल.

रणवीर में रवि किशन टाइटिल भूमिका में बाड़ें. साथी कलाकारन में काजल राघवानी, कृषा खंडेलवाल, बृजेश त्रिपाठी, हैरी जोश, राकेश त्रिपाठी, फरीन, जी. रवि कुमार, अमोल चैगले आ अभिलाषा प्रसाद शामिल बाड़े. निर्देशक हउवें फिरोज खान, निर्माता अनिल सुन्करना आ मनीषा कृष्णा.

भव्य सेट आ खुबसूरत लोकेशन पर बनल एह फिल्म के खासियत एकरा निर्देशक फिरोज खान का नजर में जबरदस्त एक्शन, मधुर संगीत आ नया कहानी बावे. फिल्म में भाई बहन के इमोशन दर्शकन के आकर्षित करी. दक्खिन भारत के फिलिमन जइसन एक्शन सीम मशहूर एक्शन निर्देशक कौशल मोजिस हउवें जे शाहरुख के अनेके फिलिमन में एक्शन निर्देशन कर चुकल बाड़ें.


(उदय भगत के रपट)

चिदंबरम के अदा के कायल भइलन रवि किशन

सिनेमा भोजपुरी के सदाबहार सुपर स्टार रवि किशन संसद में गृह मंत्री पी. चिदंबरम के भोजपुरी बोलला के स्वागत कइले बाड़न. रविकिशन के लागत बा कि अठवीं अनुसूची में भोजपुरी के शामिल करे के राह साफ होखत बा.

बीकानेर में अपना एगो हिंदी फिल्म के शूटिंग में व्यस्त रवि किशन कहलन कि संसद के कार्यवाही देखत दौरान ऊ कबहियो गृह मंत्री पी.चिदंबरम के हिंदी में बोलत नइखन देखले बाकिर आजु आठवी अनुसूची में भोजपुरी के शामिल करावे खातिर आइल ध्यानाकर्षण प्रस्ताव पर भोजपुरी में आश्वासन देके चिदम्बरम देश-विदेश के करोडो भोजपुरियन के दिल जीत लिहलन.

रवि किशन के कहना बा कि भोजपुरी भाषा के साहित्य त समृद्ध बटले बा ओकर एगो वैभवशाली इतिहास रहल बा दुख क बात बा कि एकरा के संविधान के अनुसूची में शामिल नइखे कइल गइल. बाकिर आजु चिदम्बरम के अंदाज से साफ लागत बा कि सरकार मन बना लिहले बिया कि जल्दी से जल्दी भोजपुरी के संवैधानिक मान्यता दे दिहल जाव..


(उदय भगत के रपट)

यशराज कैम्प में घुसलें रवि किशन

भोजपुरी के सदाबहार सुपर स्टार रवि किशन क एंट्री अब हिंदी फिल्म जगत के सबले बड़हन बैनर यश राज फिल्म्स में हो गइल बा आ ऊ एह बैनर के नइकी फिल्म के शूटिंग शुरूओ कर दिहले बाड़न. बतावल जात बा कि रवि किशन ओह फिल्म में एगो खासमखास किरदार निभावत बाड़न.

हिंदी फिलिमन में भोजपुरी के चेहरा कहल जाए वाला रवि किशन अबले हिंदी फिल्म जगत के अनेके बड़का बैनर आ निर्देशकन का साथे काम कर चुकल बाड़े. बाकिर अबही ले यशराज फिल्म्स में काम करे क मौका ना मिलल रहुवे. अब यश राज फिल्म्स के एह नइकी फिल्म से उनकर ई इच्छा पूरा हो गइल बा. एह घरी रवि किशन लगभग एक दर्ज़न हिंदी फिलिमन में काम करत बाड़ें.

हालिया रिलीज़ डेंजरस इश्क में मीडिया आ दर्शकन के वाह वाही लूटला का बाद रविकिशन जल्दिए डॉ. चंद्रप्रकाश द्विवेदी क फिल्म “मोहल्ला अस्सी” में सन्नी देओल संगे, “जिला गाजियाबाद” में संजय दत्त, अरसद वारसी आ विवेक ओबेराय संगे नज़र आवे वाला बाड़न. एकरे अलावे सेलेब्रेटी डांस शो “झलक दिखला जा” में ऊ बतौर प्रतिभागी नज़र अइहें.


(उदय भगत के रपट)

आपन रगड़ा खतम करे के फैसला कइले रविकिशन आ मनोज तिवारी

सिनेमा भोजपुरी के दू गो महान कलाकार रवि किशन अउर मनोज तिवारी का बीचे अब सुलह हो गइल बा. दुनु जने आपन गिला शिकवा मेटावत भोजपुरी खातिर एकजुट हो के काम करे के फैसला कइले बाड़े. आ ई सब कुछ भइल निर्माता आलोक कुमार के फिल्म “गंगा जमना सरस्वती” के सेट पर. सभका मालूम बा कि रवि किशन आ मनोज तिवारी के आपसी रगड़ा का चलते कई बेर मीडिया के मसाला मिलत रहल बा, दुनु के बयानबाजी से आए दिन अखबारन में मसालेडार खबर छपत आइल बा.

बुध का दिने मुंबई के एसजे स्टूडियो में निर्माता आलोक कुमार आ निर्देशक हैरी फर्नांडिस के फिल्म “गंगा जमना सरस्वती” के सेट पर सरस्वती चंद ( निरहुआ) के मौजूदगी में गंगा प्रसाद ( मनोज तिवारी ) अउर जमना प्रसाद ( रवि किशन ) सीज फायर क एलान कइलन. एह सुलह समझौता का बाद रवि किशन आ मनोज तिवारी बतवले कि ओहन लोग का बीच लड़ाई ना बलुक वैचारिक मतभेद रहल जवना से भोजपुरी फिल्म इंडस्ट्रीज़ के गलत तस्वीर आम लोगो का सोझा आवत रहुवे. एहसे अब दुनु जने एक दोसरा का खिलाफ बयानबाजी भा कवनो कदम उठावे से तौबा कर लिहले बाड़,

एह दुनु सितारन का सीज फायर से भोजपुरी के अमनपसंद लोग में खुशी के माहौल बा.


(उदय भगत के रपट)


बात बहुत पुरान हो गइल जब बनारस में गंगा नदी का घाट पर आयोजित ईटीवी भोजपुरी फिल्म समारोह में ई दुनु जने मंच पर से घोषणा कइले रहले कि अब से ई लोग आपस में लड़ाई ना करी. आ ओही मौका पर निर्माता आलोक कुमार ओही मंच से एलान कइले रहलें कि ऊ मनोज तिवारी, रविकिशन आ निरहुआ के लेके गंगा जमुना सरस्वती फिलिम बनइहें. चार साल लाग गइल एह फिलिम के बने में. अब शायद जल्दिए पूरा हो जाई.

समारोह से पहिले दिन में एह लोग के विवाद नाजुक मोड़ पर चहुँप गइल रहे जब एह दुनु जने आ भोजपुरी के शुभचिन्तक लोग भोजपुरी समाज के प्रभुनाथ राय आ भोजपुरिया गुरू मनोज श्रीवास्तव का पहल पर एह दुनु जने के विवाद सलटावे में सफल भइल रहलें.

संतोष के बात बा कि तबसे एह दुनु जने का बीच के विवाद कबहियो आपन सीमा पार ना कइलसि आ बहुते खुशी के बात होखी अगर अबसे सभे आपसी रंजिश भुला के गठरिया तोर कि मोर का फेर में ना पड़ले बिना भोजपुरी खातिर काम करे के फैसला करें.
– संपादक

गौरवशाली अतीत लहलहात वर्तमान – रवि किशन

बिहार शताब्दी समारोह का मौका पर रविकिशन सगरी बिहार के बधाई देत कहलन कि रउरा सभे बधाई के पात्र बानी कि बिहार में जनमलीं जवना के अतीत गौरवशाली रहल आ आजु वर्तमानो लहलहात बा. कहलन कि बिहार के गौरवशाली अतीत का बारे में कुछ कहला क जरूरत नइखे काहे कि ओकरा बारे में त हमनी का इतिहास का किताब में पढ़त आइल बानी जा. आ आजु बिहार के वर्तमान अनेके राज्यन खातिर उदाहरण के बाति बन गइल बा.

अपना बारे में बतावत रवि किशन कहलन कि पिछला दस साल में जतना बेर अपना गांवे जौनपुर नइखीं गइल ओहले बेसी त बिहार गइल बानी. रविकिशन के पहिला भोजपुरी फिल्म “सैयां हमार” क शूटिंग बिहारे में भइल रहे. बिहार के हर जिला घूम चुकल बाड़े रविकिशन आ एह दौरान देखलन कि दस साल के पहिले के बिहार आ आजु का बिहार में बहुते बदलाव आइल बा. नीतीश बाबू का बदौलत बिहार आजु मुसुकात लउकत बा. रवि किशन ऊ दिन याद कइलन जब आजु से चार साल पहिले पहिला बेर सरकारी तौर पर “बिहार दिवस” मनावल गइल रहे आ ओह मंच पर रवि किशन मौजूद रहलन.

रवि किशन का शब्दन में कहीं त बिहार दुनिया के ज्ञान बँटलसि, सभ्यता सिखवलसि, लोकतंत्र के सिद्धांत दिहलसि आ बिहारे शासन कइल सिखवलसि. जय बिहारी, जय बिहार !


(उदय भगत के रपट)

रणवीर के फर्स्ट लुक जारी भइल

तेलगु फिल्म उद्योग के नामी फिल्म निर्माण कंपनी ए.के.इंटरटेनमेंट प्राइवेट लिमिटेड आ 14 रील्स इंटरटेनमेंट प्राइवेट लिमिटेड के सहयोगी कंपनी अल्टुरा फिल्म्स के पहिला फिल्म “रणवीर” के फर्स्ट लुक पिछला शनिचर का दिने मुंबई में जारी भइल. एह मौका पर रवि किशन, कृशा खंडेलवाल, ब्रृजेश त्रिपाठी, आ कृष्णा का संगे जबरदस्त एक्शन, इमोशन आ मधुर संगीत वाली एह फिल्म का बारे में बतियावर रवि किशन कहलन कि दक्खिन भारत के सगरी बढ़िया तकनीक एह फिल्म में शामिल कइल गइल बा. निर्देशक फ़िरोज़ शेख आ अल्टुरा फिल्म्स निर्माण में कवनो कोर कसर नइखन छोड़ले. निर्मात्री मनीषा कृष्णा कहली कि भोजपुरी सिनेमा में मानेला लोग कि दक्खिन में सिर्फ रीमेके बनेला बाकिर उनुकर कंपनी हमेशा नया कहानी पर फिलिम बनावत आइल बिया आ इहो फिल्म एगो बढ़िया कहानी पर बनल बा. कहली कि ई एगो बड़हन बजट वाली फिलिम हउवे जवना खातिर पनवेल मे बड़हन सेट्स लगावल गइल रहे. पारिवारिक तानाबाना पर बनल एह फिल्म के एकरा जोरदार एक्शन खातिर जानल जाई जवना खातिर बालीवुड के मशहूर एक्शन मास्टर कौशल मोजिस के सहयोग लिहल गइल बा.

निर्माता अनिल सुन्करना आ मनीषा कृष्णा के एह फिल्म के निर्देशक हउवें फ़िरोज़ खान. फिल्म में रवि किशन, काजल राघानी, कृषा खंडेलवाल, इशा खान, ब्रृजेश त्रिपाठी, जी.रवि कुमार, गौरी शंकर, हितेन पाण्डे, हैरी जोश, अभिलाषा, सुनीता शर्मा, फ़रीन शेख, अमोल चोगले, शीतल, मेरी वगैरह के खास भूमिका बा. आदि महत्वपूर्ण भूमिका में हैं.

फिल्म १८ मई के रिलीज होखी.


(उदय भगत के रपट)

होली पर बिहार में रिलीज होखी ‘प्राण जाई पर वचन न जाई’

भोजपुरी फिल्म ‘प्राण जाई पर वचन न जाई – एक वादा’ एह साल होली पर बिहार में हंगामा मचावे आवत बिया. भोजपुरिया दर्शक सिनेमा भोजपुरी के सदाबहार सुपर स्टार रवि किशन के एह फिलिम में देखीहें.

तीन तीन गो अभिनेता आ अभिनेत्रियन का बीच एह फिलिम में मुख्य भूमिका अदा करे वाला रवि किशन के किरदार एह फिल्म में नकारात्मक बा. बाद में इन्टरवल का बाद उनुकर किरदार सकारात्मक हो जाई. एह फिलिम के सबले खास बाति बा कि ई धर्म नगरी काशी का पृष्ठभूमि पर बनल बा आ सगरी सीन बनारसे के बावे. ई फिलिम पारिवारिक ड्रामा हवे. सवा करोड़ लगा के बनावल एह फिलिम के संगीत बहुते बढ़िया बा. एकर मसालेदार आयटम नम्बर ‘साढ़े तीन बजे मुन्नी ज़रूर मिलना’ पहिलही से बाजार में धूम मचवले बा.

फिल्म निर्माता महिपालदास गुप्ता के कहना बा कि एहमें अधिका कलाकार बनारसे के बाड़े आ बनारस में शूटिंग करे के मकसद रहुवे कि एहिजा के उभरत कलाकारन के प्रोमोट कइल जाव. आइटम नंबर “साढ़े तीन बजे मुन्नी जरूर आना” से बहुते उत्साहित महिपाल गुप्ता के अपना फिलिम से निकहा कमाई करे के उमेद लागल बा.

त चलीं अबहिये से तइयार हो जाईल जाव एह फिलिम के जलवा देखे खातिर आ रंग में डूबे खातिर.

मुन्नी के साढ़े तीन बजे बोलवले बाड़न रविकिशन

बिहार के अख़बारन आ जगहे जगह लालग होर्डिंग अउर पोस्टरन में लउकत एगो विज्ञापन आजुकाल्हु चरचा के विषय बनल बा. एहमें रविकिशन के निमन्त्रण देखावल गइल बा मुन्नी खातिर कि साढ़े तीन बजे जरूर अइहऽ भेंट करे. गाना त पहिलही से लोग का दिलो दिमाग पर चढ़ल बा.

फिल्म के मुख्य कलाकारन में रवि किशन, राजीव दिनकर, निजाम खान, अक्षरा, महक, नीलिमा, जफर खान, विजय बहल, अशोक सेठ, राजेश तोमर, शिवा वर्मा, राजेश सिंह, अरविंद श्रीवास्तव का अलावे आइटम गर्ल सपना आ रूबी सिंह शामिल बाड़े. निर्देशक के.डी., छायांकन फिरोज खान, एक्शन मसूद पटेल, संगीत राजेश-रजनीश आ गीत विनय बिहारी के बा.


(शशिकांत सिंह आ उदय भगत के रपट से)

13 जनवरी से मुम्बई में ‘मल्ल युद्ध’

– शशिकान्त सिंह

बिहार में सफलता का डंका बजा चुकी भोजपुरी फिल्म ‘मल्ल युद्ध’ अब 13 जनवरी, 2012 से मुंबई में हंगामा बरपाने वाली है. जबरदस्त एक्शन और कॉमेडी से भरपूर इस फिल्म ‘मल्ल युद्ध’ को मुंबई के 40 सिनेमाघरों में एक साथ प्रदर्शित किया जा रहा है. इस फिल्म को मुंबई में प्रदर्शित कर रहे हैं वितरण कंपनी ग्रीन चिली इंटरटेनमेंट. ‘मल्ल युद्ध’ का निर्माण निर्माता सुनील चौहन ने किया है जबकि निर्देशक हैं चांद मेहता. जे.एम.वी. प्रोडक्शन के बैनर तले बनी ‘मल्ल युद्ध’ भोजपुरी परंपरा और दबंगई पर आधारित फिल्म है. इस फिल्म को लेकर खुद रवि किशन, शुभम तिवारी और रानी चटर्जी सहित फिल्म के निर्माता सुनील चौहान तथा निर्देशक चांद मेहता साफ कहते हैं आज तक भोजपुरी में ऐसी फिल्म नहीं बनी है.

जबरदस्त एक्शन और एक नयी कहानी पर बनी ‘मल्ल युद्ध’ की कहानी राजेश चौहान ने लिखी है जबकि गीत एस. कुमार, सोनी यादव तथा जॉनी ने लिखे हैं. संगीत राज सेन और पंडित ज्वाला प्रसाद का है. फिल्म को कैमरे में क़ैद दिया है अशोक चक्रवर्ती ने. फिल्म में रियाज़ सुल्तान का एक्शन धमाका करता है. फिल्म ‘मल्ल युद्ध’ की एसोसिएट प्रोड्यूसर पूनम चौहान कहती है. इस फिल्म के लिए काफी मेहनत की गयी है. ‘मल्ल युद्ध’ के लिए एक तरफ जहां निर्मता सुनील चौहान ने दिल खोलकर पैसे खर्च किये हैं वहीं निर्देशक चांद मेहता ने फिल्म को लेकर काफी समझदारी दिखाई है. इस फिल्म ‘मल्ल युद्ध’ को लेकर भोजपुरी सुपर स्टार रवि किशन कहते हैं-‘मल्ल युद्ध’ में मेरी भूमिका मेरे दिल के क़रीब है. फिल्म की नायिका रानी चटर्जी कहती हैं ‘मल्ल युद्ध’ में लोगों को आईना दिखायेगी. इस फिल्म में सितारों को काफी मेहनत से नचाया कोरियोग्राफर दिलीप मिस्त्री और राम देवन ने. फिल्म के मुख्य कलाकारों में रवि किशन, रानी चटर्जी, शुभम तिवारी, कोमल ढिल्लों, कुनाल सिंह, सुनीता शर्मा, गिरीश शर्मा, सोनी यादव, बृजेश त्रिपाठी, कौशल कुमार शर्मा, रमेश गोयल, संध्या, अभय यादव, जय प्रकाश, सुमन, शंकर सिंह और किरण. इस फिल्म में भोजपुरी की नंबर वन आयटम डांसर सीमा सिंह के साथ ही प्रोमिला और निशा सिंह का डांस भी लोगों को लुभायेगा. फिलहाल इतना तो तय है कि जिस तरह बिहार में इस फिल्म ने सफलता का डंका बजाया है मुंबई में भी ‘मल्ल युद्ध’ अपना जलवा जलवा बरक़रार रखेगी.