सराहल जाता रानी चटर्जी के

भोजपुरिया दर्शकन के दिल के धड़कन आ सिनेमा भोजपुरी के रानी रानी चटर्जी के सगरी सराहल जात बा. ई सराहना होखत बा हालिया रिलीज फिल्म ‘‘ज्वालामण्डी’’ रानी के शानदार अदाकारी ला. फिल्म में रानी एगो अइसन लड़िकी के किरदार कइले बाड़ी जेकरा के ओकर मामा एगो कोठा पर बेच देत बा, फेर ओकर प्रेमी कवना तरह ओकरा के कोठा से बचावत बा इहे एह फिल्म में देखावल गइल बा.

रानी चटर्जी के नायक बाड़ें बड़का स्टार रविकिशन. रानी चटर्जी एह फिल्म के सफलता से बहुते खुश बाड़ी आ एकर श्रेय निर्देशक जगदीश शर्मा आ निर्माता राजू सिंह के देत बाड़ी.


(प्रशांत निशांत के रपट)

भोजपुरी के स्टार नायिका रानी चटर्जी

सिनेमा भोजपुरी में स्टार नायकन के नाम के कतार लाग जाई बाकिर स्टार नायिका खातिर जेहन में बस एके नाम आई रानी चटर्जी के. रानी चटर्जी भोजपुरी के अकेला नायिका हई जे अपना दम पर दर्शकन के सिनेमाघर ले खींच ले आवेली आ उनुकर हर फिल्म बॉक्स ऑफिस पर सुपरहिट साबित होले.

सिनेमा भोजपुरी के तिसरका दौर के अकेला गोल्डन जुबली फिल्म ‘ससुरा बड़ा पइसा वाला’ से भोजपुरी परदा पर एन्ट्री मारे वाली रानी चटर्जी अबले दू दर्जन से बेसी सुपरहिट फिल्म दिहले बाड़ी. रानी चटर्जी के हर वर्ग के दर्शक पसंद करेलें. रानी ‘गंगा मईया तोहे चुनरी चढ़इबो’, ‘छोटकी दुल्हन’, ‘मुन्नीबाई नौटंकीवाली’, ‘फूल बनल अंगार’, ‘दामिनी’, ‘दुर्गा’ जइसन महिला प्रधान फिलिमन से दर्शकन के दिल जीत लिहले बाड़ी, सिनेमा भोजपुरी के तकरीबन हर स्टार नायक का साथे रानी हिट फिलिम दिहले बाड़ी. कुछ नयको नायक वाला फिलिमो के रानी हिट करा दिहले बाड़ी. रानी के तुलना फिल्म इंडस्ट्री में हिन्दी सिनेमा के प्रतिभाशाली नायिका सभे जइसे कि रेखा, श्रीदेवी, स्मिता पाटिल आ विद्या बालन से कइल जाला आ रानी के बरोबरी के दरजा दिहल जाला.

पिछला नौ साल से सिनेमा भोजपुरी के रानी रहल रानी चटर्जी अपना सफलता के पूरा श्रेय दर्शकन से मिलल प्यार के देली. रानी कहेली कि उनुका ला नंबर गेम आ अवार्डो ले बढ़ के दर्शकन के प्यार बा.


(प्रशांत निशांत के रपट)

केकरा ला धड़कऽता रानी क दिल

कमालिस्तान स्टूडियो के गार्डेन में पिछला हफ्ता भोजपुरी फिलिमन के चर्चित अभिनेत्री रानी चटर्जी “धड्केला तोहरे नावे करेजवा” गुनगुनात नवोदित अभिनेता विजय वर्मा के आगा पीछा दउड़त रही. आजुकाल्हु ऊ विजय वर्मा का प्यार में पागल बाड़ी. स्टूडियो में शूटिंग के त बहाना रहे. ऊ विजय के अंकवारी में लेके प्रेमालाप करेला बेताब रहली. विजय वर्मा अपना से बहुते उमिरगर रानी से प्यार करे का पक्ष में नइखन आ रानी के देखते घबड़ा जालें आ बहुते असहज हो जालें आ रानी बाड़ी कि ….

जबसे ई फिलिम शुरू भइल बा रानी विजय के आपन दिल दे दिहले बाड़ी. ओह दिन जब विजय वर्मा उनुका पकड़ में अइलें त रानी अपना भावना के रोक ना पवली ताबड़तोड़ यूनिट क सोझ ही चुम्मा के बरसात कर दिहली. कोरिओग्राफर कानूओ मुखर्जी ई देख के हैरान रहलें काहे कि ई सीन शूटिंग क हिस्सा ना रहल.

दिनेश लाल यादव के निर्देशन में बनत एह फिल्म के निर्माण पूरा हो गइल बा आ एके जल्दिए रिलीज कइल जाई. विजय वर्मा के एही फिलिम से परदा पर उतारल जात बा. फिल्म में रानी चटर्जी उनकर नायिका बाड़ी.


(इरफ़ान मुम्बईवाला के रपट)

‘काहे कईलऽ हमसे घात’ रिलीज भइल

रीगल थिएटर का बैनर तले बनल भोजपुरी फिल्म ‘काहे कईलऽ हमसे घात’ पिछला हफ्ता बिहार के ३५ गो आ मुंबई के २५ गो सिनेमाघर में रिलीज भइल.

फिल्म के कहानी रानी चटर्जी से शुरु होखत बा जे गर्ल्स हॉस्टल में रहेली आ मारधाड़ में माहिर हई. अपना एह गुण का बदौलत ऊ गुण्डन से अझूरात रहेली. गुण्डा सब के ई गैंग भोली भाली लड़िकियन के फँसा के अश्लील वीडियो बना लेला आ बाद में ओकनी के शोषण करत रहेला. रानी एह गुण्डन से टकरात बाड़ी आ एह काम में राजन नाम के एगो लड़िका ओकर साथ देत बा, राजन के बहादुरी देख रानी ओकरा से प्यार करे लागत बाड़ि. बाकिर बाद में उनुका सदमा लागत बा जब पता चलत बा कि राजन ओह गुण्डन के सरदार के भाई हऽ. फेर त ओकरा राजन से नफरत हो जात बा. ओकरा बाद का होखत बा, इहे देखावल गइल बा एह फिलिम में.

एह फिलिम में रानी चटर्जी के अभिनय कमाल के बा आ उनुकर एक्शन सीन दर्शकन के आकर्षित करत बा. विराज भट्ट अपना भूमिका से पूरा न्याय कइले बाड़न आ खलनायक के रूप में राजप्रेमी के काम सराहे जोग बा.

निर्माता मुन्ना रिजवी, निर्देशक संगीत कुमार, संगीतकार राज सेन, गीतकार एस. कुमार, कैमरामैन रवि चंदन, नृत्यनिर्देशक एंथोनी, संवादलेखक मनोज के. कुशवाहा आ सह-निर्माता शिवा चौधरी अउर कमर कुरैशी हउवें. कलाकारन में रानी चटर्जी, विराज भट्ट, राज प्रेमी, बृजेश त्रिपाठी, सूर्या, सी.पी. भट्ट, मेहनाज, अयाज खान, के.के. गोस्वामी, राम मिश्रा, रानी खान, डा. अभय आशियाना प्रमुख भूमिका में बावे लोग. आयटम सांग पुर्णिला राय कइले बाड़ी.


(समरजीत के रपट)

रानी रिंकू के बीचे फसले रविकिशन

भोजपुरिया टाइगर रवि किशन एह घरी सिनेमा भोजपुरी के दू गो खुबसूरत बाला रानी चटर्जी आ रिंकू घोष का बीचे पिसात बाड़े. एक का साथे फेरा लिहलन त दोसरकी उनुका फेरा में बिया. ऊ रवि के प्यार में अतना पागल बिया कि हरहाल में उनुका के हासिल कइल चाहत बिया. दिलचस्प बात त ई बा कि दुनु सगी बहन हईं सँ.

आशिक आरिफ मूवी के बैनर के तले निर्माता आशिक मोहम्मद आ आरिफ हुसैन के दिलआवेज के फिल्म “साली बड़ी सतावेली” में रवि किशन जीजा आ रानी चटर्जी उनुकर साली बनल बाड़ी. रिंकू घोष रवि किशन के पत्नी का भूमिका में बाड़ी. फिल्मों में रवि किशन अभिनेता बनल बाड़े. रवि से प्यार करत बाड़ी रानी चटर्जी बाकिर शादी हो जात बा रिंकू घोष से. बस एहिजा से शुरू होत बा बीबी आ साली क बीच तालमेल बइठावे के रोमांचक खेल.

रवि किशन, रानी चटर्जी आ रिंकू घोष के अलावा एह फिल्म में फिरदौस खान, नौसाद खान, साहिल सन्नी, निरुपमा श्री, पुष्पा वर्मा, प्रिया पाण्डे मुख्य भूमिका में बाड़न. राजेश गुप्ता के संगीत आ फणीन्द्र राव के लिखल तेरह गो गीतन से सजल एह फिल्म में कैलास खेर, उदित नारायण, इंदु सोनाली, खुशबू जैन, मोहन राठोड, ममता राउत आ मनोज मिश्रा के आवाज़ बा. कहानी लिखल हवे आर. रंजन के आ पटकथा आ संवाद साहिल सन्नी के बा.

फिल्म के शूटिंग एही महीना शुरू होखत बा.

रविकिशन आ रिंकू घोष के जोड़ी एहसे पहिले हालिया रिलीज “केहू हमसे जीत ना पाई” आ औहसे पहिले “बिदाई”, “सुहागन बना द सजना हमार”, आ “बलिदान” में धमाल कर चुकल बा. आजु के दौर में रिंकू घोष अकेली नायिका बाड़ी से दू गो सफल धारावाहिक आ हिन्दीओ फिलिम कर चुकल बाड़ी.


(उदय भगत आ शशिकांत सिंह के रपट से जोड़ के)

होली के रंग रवि- रानी के संग

सिनेमा भोजपुरी खातिर एह साल के होली भोजपुरी के सदाबहार सुपर स्टार रवि किशन आ रानी चटर्जी का नामे रही काहे कि एह होली पर रिलीज होखत तीन गो फिलिमन में शामिल बाड़े या त रविकिशन ना त रानी चटर्जी.

पहिला फिल्म माँ विन्ध्वासिनी विजन प्रस्तुत निर्मात्री नेहा तिवारी आ लेखक निर्देशक संतोष मिश्रा के हऽ, “कईसन पियवा क चरित्तर बा”. एह फिलिम में रवि किशन आ रानी चटर्जी के जबरदस्त रोमांस बा. साथ में बाड़े मनोज पाण्डे, अंजना सिंह, शक्ति सिन्हा आ संजय पाण्डेय. एह फिलिम का बारे में कहात बा कि रवि रानी के जोड़ी के दर्शक देवरा बड़ा सतावेला फिलिमो से अधिका पसन्द करीहें. भोजपुरिया ट्रेड में हॉट केक बनल एह फिलिम के मुंबई आ बिहार में एक साथ रिलीज कइल जात बा.

दोसरकी फिलिम हवे “प्राण जाए पर वचन ना जाए”. के.डी. निर्देशित एह फिल्म में रवि किशन एगो मुस्लिम बाहुबली नवाब का भूमिका में बाड़न, एहमें उनुका अलावे राजीव दिनकर आ अक्षरा सिंह मुख्य भूमिका में बा लोग. एह फिलिम के एगो गाना “साढ़े तीन बजे मुन्नी जरूर आना” पहिलही से धूम मचा के रखले बा.

तिसरकी फिलिम रही बिहार के प्रसिद्ध वितरक, विधायक आ निर्माता डॉ. सुनील के फिल्म “दुर्गा”. एहु फिलिम के पूरा देश में एकेसाथ रिलीज कइल जात बा. एहमें रानी चटर्जी केंद्रीय भूमिका में बाड़ी. साथ में बाड़न विराज भट्ट आ अवधेश मिश्रा.

कुल मिला के कहल जा सकेला कि अबकी के होरी के रंग रविकिशन आ रानी चटर्जी के अभिनय का साथे होखी.


(उदय भगत के रपट से)

विजय वर्मा आ रानी चटर्जी के इश्क “धड़केला तोहरा नामे करेजवा ” मे

सिनेमा भोजपुरी के एगो परम्पराबन गइल बा कि गायक से अभिनेता बनल सितारन के लोग बहुते सफल बना देला. हालांकि गायक नाहियो रहल बहुते स्टार बाड़न जइसे कि सुपरस्टार रवि किशन, मनोज पांडे, धीरज पंडित, विक्रांत सिंह, मनोज द्विवेदी वगैरह. अब एगो अउरी गायक अभिनय का मैदान में उतरल बाड़े आ ऊ हउवन विजय वर्मा जिनकर नाम आजु काल्हु लोग का जुबान पर चढ़े लागल बा.

उत्तर प्रदेश के रहेवाला विजय वर्मा अपना फिल्मी पारी के शुरूआत कइलन दिनेश यादव निर्देशित आ आदिशक्ति एंटरटेनमेंट बॅनर के तहत बनत फिल्म “धड़के ला तोहरा नामे करेजवा ” से. एह पहिलके फिलिम में उनुका अभिनेत्री रानी चटर्जी का साथे नैन मटक्का करे आ इश्क करे के मौका मिल गइल.

एह फिल्म मे कलुवा नाम से मशहूर अरविंद अकेला पहिला बेर एगो दमदार रोल मे विजय वर्मा का साथे लउकीहें. ख़ूँख़ार खलनायक संजय पांडे के भूमिको अहम बा एहमें. बाकी कलाकारन में नीरज राज पॉडेल, उमेश सिंह, गोपाल राय, अयाज़ ख़ान, आनंद मोहन, रत्नेश बरनवाल आ आईटम क्वीन सीमा सिंह बाड़ी.


( अपना न्यूज के रपट से)

रानी चटर्जी ससुरारी चलली’

Rani Chatterjeeसिनेमा भोजपुरी के चर्चित अदाकारा रानी चटर्जी शादी रचाके ससुरारी चल गइल बाड़ी आ अब अपना साजन का घर, माने कि ससुराल, में अपना साजन का साथ रहत बाड़ी आ अपना ससुराल के पूरा ख्याल राखत बाड़ी.

रूकी. कुछ अइसन वइसन सोचल गलत होई काहें कि सगरी मामिला फिल्मी बा. रानी चटर्जी के नईकी फिल्म के नामे ह ‘‘रानी चली ससुराल’’. आदिशक्ति इंटरटेन्मेंट आ मुंबाजी आर्टस के बैनर तले बनत निर्माता महेश पाण्डेय के फिल्म ‘‘रानी चली ससुराल’’ के पूरा शूटिंग पिछला दिने राजपिपला में करावल गइल. लेखक-निर्माता महेश पाण्डे के एह पारिवारिक फिल्म में रानी चटर्जी गाँव के सीधवा-सोझ लड़की बनल बाड़ी. रानी के अपजिट बाड़न नया नया आइल मनमोहन तिवारी. निर्देशन करत बाड़े मुकेश पाण्डेय.

फिल्म में रानी चटर्जी, संजय पाण्डेय, मनोज टाईगर, विकास सिंह, किट्टू, मनोज वर्मा, प्रिया पाण्डेय, जय सिंह, ललन सिंह अउर नवोदित मनमोहन तिवारी के खास भूमिका बा. गीतकार विनय बिहारी अउर अमिताभ नंदा, संगीतकार सुरेश आनंद, नृत्य-निर्देशक बाली, संवादलेखक माधव निराला, छायाकार मिहिर, संपादक चिराग जैन, एक्शन मास्टर सिंह इज किंग हउवे.

एकर पोस्ट प्रोडक्शन आजु काल्हु मुंबई में जोर-शोर से चलत बावे.


(प्रशांत निशांत के रपट से)

13 जनवरी से मुम्बई में ‘मल्ल युद्ध’

– शशिकान्त सिंह

बिहार में सफलता का डंका बजा चुकी भोजपुरी फिल्म ‘मल्ल युद्ध’ अब 13 जनवरी, 2012 से मुंबई में हंगामा बरपाने वाली है. जबरदस्त एक्शन और कॉमेडी से भरपूर इस फिल्म ‘मल्ल युद्ध’ को मुंबई के 40 सिनेमाघरों में एक साथ प्रदर्शित किया जा रहा है. इस फिल्म को मुंबई में प्रदर्शित कर रहे हैं वितरण कंपनी ग्रीन चिली इंटरटेनमेंट. ‘मल्ल युद्ध’ का निर्माण निर्माता सुनील चौहन ने किया है जबकि निर्देशक हैं चांद मेहता. जे.एम.वी. प्रोडक्शन के बैनर तले बनी ‘मल्ल युद्ध’ भोजपुरी परंपरा और दबंगई पर आधारित फिल्म है. इस फिल्म को लेकर खुद रवि किशन, शुभम तिवारी और रानी चटर्जी सहित फिल्म के निर्माता सुनील चौहान तथा निर्देशक चांद मेहता साफ कहते हैं आज तक भोजपुरी में ऐसी फिल्म नहीं बनी है.

जबरदस्त एक्शन और एक नयी कहानी पर बनी ‘मल्ल युद्ध’ की कहानी राजेश चौहान ने लिखी है जबकि गीत एस. कुमार, सोनी यादव तथा जॉनी ने लिखे हैं. संगीत राज सेन और पंडित ज्वाला प्रसाद का है. फिल्म को कैमरे में क़ैद दिया है अशोक चक्रवर्ती ने. फिल्म में रियाज़ सुल्तान का एक्शन धमाका करता है. फिल्म ‘मल्ल युद्ध’ की एसोसिएट प्रोड्यूसर पूनम चौहान कहती है. इस फिल्म के लिए काफी मेहनत की गयी है. ‘मल्ल युद्ध’ के लिए एक तरफ जहां निर्मता सुनील चौहान ने दिल खोलकर पैसे खर्च किये हैं वहीं निर्देशक चांद मेहता ने फिल्म को लेकर काफी समझदारी दिखाई है. इस फिल्म ‘मल्ल युद्ध’ को लेकर भोजपुरी सुपर स्टार रवि किशन कहते हैं-‘मल्ल युद्ध’ में मेरी भूमिका मेरे दिल के क़रीब है. फिल्म की नायिका रानी चटर्जी कहती हैं ‘मल्ल युद्ध’ में लोगों को आईना दिखायेगी. इस फिल्म में सितारों को काफी मेहनत से नचाया कोरियोग्राफर दिलीप मिस्त्री और राम देवन ने. फिल्म के मुख्य कलाकारों में रवि किशन, रानी चटर्जी, शुभम तिवारी, कोमल ढिल्लों, कुनाल सिंह, सुनीता शर्मा, गिरीश शर्मा, सोनी यादव, बृजेश त्रिपाठी, कौशल कुमार शर्मा, रमेश गोयल, संध्या, अभय यादव, जय प्रकाश, सुमन, शंकर सिंह और किरण. इस फिल्म में भोजपुरी की नंबर वन आयटम डांसर सीमा सिंह के साथ ही प्रोमिला और निशा सिंह का डांस भी लोगों को लुभायेगा. फिलहाल इतना तो तय है कि जिस तरह बिहार में इस फिल्म ने सफलता का डंका बजाया है मुंबई में भी ‘मल्ल युद्ध’ अपना जलवा जलवा बरक़रार रखेगी.

हैदर काजमी आ रानी चटर्जी के जोड़ी फेर आई


भोजपुरी फिल्म रंगबाज से हिट जोड़ी बन चुकल हैदर काज़मी आ रानी चटर्जी फेरू फिल्म ‘कालिया’ में नजर आवे जात बाड़े . एहू फिल्म के निर्माण ‘रंगबाज’ के निर्माता ए.एस.सी. डिजिटल प्रा. लि. करत बा आ निर्देशन करत बाड़े रंगबाज के निर्देशक रहल शिवराम यादव. ए.एस.सी. डिजिटल प्रा. लि. के कहना बा किर हैदर काजमी आ रानी चटर्जी के जोड़ी के दर्शकों अतना पसंद कइलन कि हमनी का एह जोड़ी के फेर से ले आवे के फैसला ले लिहनी.

भोजपुरिया मिथुन चक्रवर्ती माने कि हैदर काजमी के फिल्म ‘रंगबाज’ एह साल के सबसे बड़हन हिट फिल्म साबित भइल बिया. एकरा चलते कई गो बड़का भोजपुरी फिल्मन के प्रदर्शन टार देबे के पड़ल. ‘रंगबाज’ के प्रचारो पर दिल खोलके पइसा खरचल गइल रहे.


(स्रोत – शशिकान्त सिंह)