रिंकू घोष पॉप स्टार बने खातिर सीखत बाड़ी गिटार

भोजपुरी अदाकारा रिंकू घोष एह घरी गिटार बजावल सीखत बाड़ी. मानल जाव का कि रिंकू घोष जल्दिए कवनो फिलिम में पॉप स्टार बनल नजर अइहें. अघर अइसन भइल त ऊ पहिला भोजपुरी नायिका होखीहें जे इलेक्ट्रानिक गिटार बजावत पॉप स्टार के भूमिका करीहें. गिटार सीखे के कारण कहीं ई त नइखे कि ऊ कैटरीना कैफ के तरह ‘मेरे ब्रदर की दुल्हन’ जइसन कवनो भोजपुरी फिल्म करे वाली बाड़ी. एहमें कवनो शक नइखे कि रिंकू घोष अपना बरोबरी वाली भोजपुरी हीरोइनन से बहुते आगे निकल आइल बाड़ी.

गिटार सीखे का मुद्दा पर रिंकू घोष अबहीं कुछ बतावल नइखी चाहत.


(शशिकांत सिंह रंजन सिन्हा के रपट)

फिल्म फेयर के बाद अब बाम्बे टाईम्स में छपली रिंकू घोष

सिनेमा भोजपुरी के अदाकारा रिंकू घोष का नामे एगो अउर रिकार्ड चढ़ गइल जब भोजपुरी सिनेमा के कवनो अदाकारा भारत के मनोरंजन जगत के सबले बड़े अंग्रेजी अखबार बाम्बे टाईम्स में छप गइली. एहसे पहिले रिंकू घोष के फिल्मफेयर में छापल गइल रहे. एकरे अलावे रिंकू घोष के एगो इंटरव्यू हिंदी आ मराठी फिलिमन के जानल मानल अदाकारा वर्षा उषगांवकर एगो चर्चित हिंदी टेलीविजन शो खातिर कइले रही.


(शशिकांत सिंह रंजन सिन्हा के रपट)

15 अगस्त के रिलीज होखी रिंकू घोष के दू गो फिलिम

मशहूर भोजपुरी नायिका रिंकू घोष के जलवा अबकी 15 अगस्त से बिहार के सिनेमाघरन में डबल बोनांजा बन के छाए वाला बा. ओह दिन उनुकर दू गो फिलिम रिलीज होखीहें सँ आ दुनु एक से बढ़ के एक. को बड़ छोट कहत अपराधु. ‘गंगा जमुना सरस्वती’ में मनोज तिवारी के नायिका बनल आ ‘रखवाला’ में दिनेशलाल यादव ‘निरहुआ’ के नायिका बनल बाड़ी रिंकू घोष.

रिंकू घोष के कहना बा कि दुनु फिलिम लाजवाब बाड़ी सँ. ‘रखवाला’ में रिंकू घोष बहुते चुलबुल आ झमकदार गुड़िया बनल बाड़ी जे शादी का बाद एगि जिम्मेदार पत्नी के किरदार निबहले बाड़ी. निरहुआ संगे रिंकू पिछला बेर फिल्म ‘मृत्युंजय’ में आइल रही आ ऊ फिलिम सुपर डुपर हिट भइल रहे. रिंकू घोष के साथ ‘बिदाई’ जइसन सुपर हिट फिल्म देबे वाला असलम शेख एह फिलिम के निर्देशन कइले बाड़ें.


(शशिकांत सिंह रंजन सिन्हा के रपट)

फिल्म फेयर में छपला क बाद रिंकू घोष ला बधाईयन क लर लागल

फिल्म फेयर में छपला क बाद पूरा फिल्म इंडस्ट्री पर छा गइल नायिका रिंकू घोष के हर तरफ चर्चा बा, देश के कोना-कोना से रिंकू घोष के बधाई मिलत बा, कोलकाता से आइल एगो बधाई संदेश में कहल गइल कि ‘भोजपुरी सिनेमा क ई नायिका ऊ काम कर देखवली जवना ला बंगाली फिलिमन के नायिका तरसेली.’ बिहार से आइल बधाई संदेश में कहल गइल कि ‘रिंकू घोष भोजपुरी क शान अउरी बढ़ा दिहली.’ तमिलनाडु से आइल संदेश में कहल गइल बा कि ‘मनोज तिवारी आ रिंकू घोष साउथो में बहुत पापुलर बाड़ें.’ अजमेर के एगो महिला प्रशंसक के कहना बा कि फिल्म फेयर में छपला का बाद रिंकू के फैन फालोअरन के गिनिती बढ़ल बा. रिंकू घोष के प्रवक्ता क लगे लगातार बधाई फोन आवत बा. फेसबुको पर रिंकू घोष के बधाई देबे वालन के लर लागल बा. लोग एह नायिका का बारे में अधिका से अधिका जानकारी पावल चाहत बाड़ें. एगो संघर्षशील नायिका जानल चहले बाड़ी कि रिंकू घोष के कामयाबी के राज़ का बा? रिंकू घोष अपना सगरी चहेतन जे तहे दिल से धन्यवाद देत बाड़ी.


(शशिकांत सिंह रंजन सिन्हा के रपट)

रेखा का तरह अपना साथी कलाकार खातिर आवाज दिहली रिंकू घोष

साल 1988 में रिलीज दिवंगत अभिनेत्री स्मिता पाटिल क फिल्म ‘वारिस’ का ज़रिए नायिका रेखा अपना साथी कलाकार स्मिता पाटिल के नायाब श्रद्धांजलि दिहले रही. ‘वारिस’ में स्मिता पाटिल के मौत का बाद उनकर डबिंग रेखा कइले रही. वइसने इतिहास हाल में फेर दोहरावल गइल. भोजपुरी सिनेमा के दिवंगत नायिका रूबी सिंह के अधूरा छूटल फिलिम ‘रंग दे प्यार के रंग में’ खातिर रिंकू घोष अपना आवाज़ में रूबी सिंह के डबिंग कइली.

रिंकू घोष कहली कि आजुओ ई बात उनुका के झकझोर देला कि रूबी सिंह अब नइखी. मन अबहियों एह बात के माने के तईयार नइखे होखत. ‘रंग दे प्यार के रंग में’ के निर्देशक अरविंद चौबे कहलन कि ऊ चाहत रहलन कि रूबी सिंह के एगो बेहतरीन आवाज़ मिले. सभकर राय बनल कि रिंकू घोष से डब करावल जाव. चिंता रहल कि पता ना रिंकू एहला तइयार होखीहन कि ना. आखिर में निर्माता राम जनम जायसवाल आपन परेशानी फिल्म के खलनायक संजय पांडे के बतवलन. संजय पांडे तब रिंकू घोष से बतियवलन त रिंकू घोष तुरते तइयार हो गइली.

रिंकू घोष के कहना बा कि अगर रूबी के आवाज़ कवनो डबर डब कराइत त ई रूबी के सही श्रद्धांजलि ना होखीत. अइसन केहू का साथ हो सकेला. फेर रिंकू घोष भावुक हो के कहली कि अगर कबो उनुका साथ अइसन हो जाव त ऊ त इहे चहीहें कि कवनो नायिका उनुका ला डब करावे.

एह फिल्म में पवन सिंह, विराज भट्ट, मोनालिसा, रूबी सिंह आ संजय पांडे के मुख्य भूमिका बा. एह फिल्म के पूरा डबिंग रिंकू घोष कइली आ एह काम के एक पइसा ना लिहली नाही आवे जाए के कन्वेएंसे. निर्देशक अरविंद चौबे कहतारें कि रिंकू घोष ऊ काम कर देखवली जेकर तुलना ना कइल जा सके.


(शशिकांत सिंह रंजन सिन्हा के रपट)

रिंकू घोष बनली फिल्म फेयर में छपे वाली पहिला भोजपुरी अदाकारा

सिनेमा भोजपुरी में हर स्टार संगे ‘स्क्रीन’ शेयर करे वाली रिंकू अब एगो नया रिकार्ड बनवले बाड़ी, मशहूर फिल्म पत्रिका फिल्म फेयर में पहिला बेर कवनो भोजपुरी अदाकारा के जगहा दिहल गइल बा. उनुकर फोटो शूट करावे खातिर पत्रिका महँग हेयर ड्रेसर आ मेकअप मैन के इंतजाम कइले रहुवे.
‘फिल्म फेयर’ पत्रिका में रिंकू घोष के बारे में लिखल गइल बा कि ऊ साल 2003 से भोजपुरी सिनेमा में सक्रिय बाड़ी आ अपना पहिलके फिल्म ‘सुहागन बना दऽ सजना हमार’ से सिनेमाप्रेमियन का दिल पर राज कइल शुरू कर दिहली. रिंकू घोष बहुत हँस मुख स्वभाव के हई आ उनुकर खिलखिलात हँसी पूरुआ के झोंका जइसन हवे.

रिंकू घोष भोजपुरी सिनेमा के हर स्टार संगे स्क्रीन शेयर कइले बाड़ी आ करतो जात बाड़ी.


(शशिकांत सिंह रंजन सिन्हा के रपट)

मनोज तिवारी – रिंकू घोष के जोड़ी पँचवा हाली

सिनेमा भोजपुरी क मेगा स्टार मनोज तिवारी आ हॉट एक्ट्रेस रिंकू घोष के जोड़ी के पँचवी फिलिम ‘गंगा जमुना सरस्वती’ के शूटिंग पूरा हो गइल बा. मनोज तिवारी आ रिंकू घोष के जोड़ी वाली सगरी फिलिमन के दर्शक खूब पसंद करत आइल बाड़े. एह जोड़ी क पहिला फिलिम रहल ‘दरोगा बाबू आई लव यू’, दोसरकी रहल ‘सौगंध’ आ तिसरकी रहल ‘भईया हमार दयावान’. एह जोड़ी क चउथकी फिलिल ‘अंधा कानून’ जल्दिए रिलीज होखे वाली बा आ ओकरा बाद पँचवी फिलिम होखी ‘गंगा जमुना सरस्वती’.


(शशिकांत सिंह, रंजन सिन्हा के रपट)

किरदार चुने में महारत बा रिंकू घोष के

फिलिम आ आपन किरदार चुने में रिंकू घोष के महारत हासिल बा. इहे कारण ह कि हर फिलिम में रिंकू घोष के काम के गुणगान ज़रूर होला. ‘बिदाई’, ‘बलिदान’, ‘केहू हमसे जीत ना पाई’, ‘सईंया ड्राईवर बीबी खलासी’ आ ‘भईया हमार दयावान’ से ई बात साबित होला कि रिंकू घोष सोचल समुझल रणनीति से आपन किरदार चुनेली. हालांकि रिंकू एह बात से इन्कार करे ली कि ऊ कवनो रणनीति से आपन किरदार चुनेली. कहेली कि बस स्क्रिप्ट पसंद आ जाव त ओह फिल्म में काम करे के सकार लीहिलें.

रिंकू घोष आज भोजपुरी के तमाम बड़का स्टारन का साथे-साथ नयको स्टारन का साथ फिलिम करत बाड़ी. मनोज तिवारी संग ‘अंधा कानून’ प्रदर्शित होखेवाली बा. दिनेश लाल का साथे “रखवाला” के शूटिंग कर के हाल ही में जौनपुर से लवटल बाड़ी. आ अबही रवि किशन संग ‘साली बड़ी सतावेली’ के शूटिंग में व्यस्त बाड़ी.


(शशिकांत सिंह रंजन सिन्हा के रपट)

रिंकू घोष सिलवासा में

सिनेमा भोजपुरी के ड्रीम गर्ल रिंकू घोष क बारे में कहाला एक बेर उनुका से बतिया लीं, उनुका साथे चाय पी लीं त फेर सगरी जिनिगी खातिर उनकर प्रशंसक बन जाएब. शूटिंग में सबले पहिले चहुँपे वाली भोजपुरी के नंबर वन अदाकारा रिंकू घोष ने पिछला दिने भोजपुरी सुपर स्टार दिनेश लाल यादव क साथे असलम शेख निर्देशित फिल्म ‘रखवाला’ के शूटिंग जौनपुर में कइला का बाद सीधे सिलवासा गइली जहाँ ऊ भोजपुरी सुपर स्टार रवि किशन क साथे फिल्म ‘साली बड़ी सतावेली’ क शूटिंग करत बाड़ी. मेगास्टार मनोज तिवारी का साथे उनकर ‘अंधा कानून’ जल्दिए रिलीज होखे वाली बा.

रिंकू घोष ओह गिनल चुनल अदाकारा में से हई जे अपना गंभीर अभिनय प्रतिभा ला जानल जाली सेक्सी लुक, ग्लैमर, आ बोल्ड किरदार त बोनस में बा उनुका लगे. आ एने त ऊ कई मायने में जोरदार सफल रहल बाड़ी. फिल्म ‘बिदाई’ खातिर बेस्ट एक्ट्रेस क अवार्ड मिलल त दिनेश लाल यादव संगे ‘सात सहेलियां’, रवि किशन संगे ‘बलिदान’, पवन सिंह संगे ‘गठबंधन प्यार के’ आ मनोज तिवारी संगे फिलिम ‘अंधा कानून’ से लाईम लाईट में बाड़ी. अब त ऊ सिनेमा भोजपुरी में पूरा से रम गइल बाड़ी. एह साल रिंकू के शानदार आगाज ‘केहू हमसे जीत ना पाई’ से भइल जवन सगरी जगहा सुपर हिट साबित भइल.

रिंकू घोष के ग्लैमरस लुक पर हर दर्शक फिदा हो गइल बा.


(शशिकांत सिंह, रंजन सिन्हा के रपट)

जौनपुर में निरहुआ के रखवाली में लागल बाड़ी रिंकू घोष

सिनेमा भोजपुरी के ड्रीमगर्ल रिंकू घोष एह घरी जौनपुर में निरहुआ का साथे फिल्म “रखवाला” के शूटिंग करत बाड़ी. फिल्म में उनुकर किरदार एगो चुलबुली ग्लैमरस डॉल के बा जवन बाद में निरहुआ के पत्नी बनत बिया आ जिम्मेदार पत्नी. निर्देशक हउवन असलम शेख.

रिंकू घोष आ मनोज तिवारी के हालिया रिलीज फिल्म ‘भईया हमार दयावान’ जबरदस्त हिट भइल. रिंकू घोष आ रवि किशन के फिल्म ‘केहू हमसे जीत ना पाई’ सुपर डुपर हिट रहल. अब रिंकू घोष फेरु भोजपुरी मेगा स्टार मनोज तिवारी आ सुपर स्टार रवि किशन का साथे फिल्म ‘अंधा कानून’ आ ‘साली बड़ी सतावेली’ में नजर आवे वाली बाड़ी.

रिंकू घोष पहिलहू सुपर स्टार दिनेश लाल यादव ‘निरहुआ’ का साथे फिल्म ‘मृत्युंजय’ में आइल रहली आ उहो फिलिम सुपर डुपर हिट रहल. रिंकू घोष क साथे ‘बिदाई’ जइसन सुपर हिट फिल्म देबे वाला निर्देशक असलम शेखे “रखवाला” निर्देशित करत बाड़े. एह फिल्म में दिनेशलाल यादव ‘निरहुआ’, रिंकू घोष, मनोज टाईगर, अवधेश मिश्रा, बृजेश त्रिपाठी, आलोक यादव वगैरह के खास भुमिका बा. गीतकार विनय बिहारी आ प्यारेलाल यादव, संवाद लेखक सुरेन्द्र मिश्रा आ छायाकार अकरम खान हउवे.


(शशिकांत सिंह रंजन सिन्हा के रपट)