रीता प्रकाश के फिल्म खातिर कल्पना गाना रिकार्ड करवली

निर्माता रीता प्रकाश के शिव प्रिया फिल्म्स प्रोडक्शन का बैनर तले बने जात भोजपुरी फिल्म ‘प्रोक्डक्शन नं. 1’ खातिर गायिका कल्पना पिछला दिने मुंबई, म्हाडा के ए.बी. साउण्ड रिकार्डिंग स्टूडियो में सुरेश कुमार ‘सनकी’ के संगीत निर्देशन में फिल्म के आखिरी गीत रिकार्ड करवली.

एह फिल्म के निर्देशक पारस एन. सिंह, कथा-गीतकार जलाल अकबर, पटकथा-संवाद लेखक बी.बी. मौजी, कैमरामैन जी.डी. शर्मा, आ मुख्य कलाकार दीपक दुबे, तनुश्री चटर्जी, सुदेश बेरी, समर्थ चतुर्वेदी, मेहनात, कंचन अवस्थी, राम कृष्ण कटेल, सिमरन आ गिरीश शर्मा हउवे. किरन कुमार अतिथि कलाकार बाड़े.

एह फिल्म के 25 दिन के स्टार्ट टू फिनिश शूटिंग एही महीना 25 तारीख से बनारस में शुरु होखी. निर्देशक पारस एन. सिंह कहले कि एह नारी प्रधान फिल्म में समाज में पसरल अंधविश्वास देखावल जाई.


(समरजीत के रपट से)

रीता प्रकाश के अनाम भोजपुरी फिल्म के संगीतमय मुहूर्त

निर्माता रीता प्रकाश के शिव प्रिया फिल्म्स प्रोडक्शन का बैनर में बने जात भोजपुरी फिल्म ‘प्रोक्डक्शन नं. 1’ (जबले नाम नइखे धरात तबले ) के संगीतमय मुहूर्त बहुते धूमधाम से पिछला दिने मुंबई म्हाडा के सना रिकार्डिंग स्टूडियो में करावल गइल.

सूरेश कुमार ‘सनकी’ के संगीत निर्देशन में फिल्म के आठ गो गाना कुमार सानू, उदित नारायण, सुरेश वाडेकर, अनुराधा पौडवाल, पामेला जैन, इंदु सोनाली, रेखा राव, विनोद राठौर अउर साधना का आवाज में रिकार्ड करावल गइल.

एह फिल्म के निर्देशक पारस एन. सिंह, कथा-गीतकार जलाल अकबर, पटकथा-संवाद लेखक बी.बी. मौजी आ कैमरामैन जी.डी. शर्मा हउवे. फिल्म के कलाकारन के अबही ले चुनल नइखे गइल आ चुने के काम चालू बा. एह महिला प्रधान फिल्म में समाज में पसरल अंधविश्वास देखावल जाई आ एकर शूटिंग अगिला महीना से बनारस में शुरु होखे वाला बा.

फिल्म के संगीत मुहूर्त का मौका पर बनारस के वरिष्ठ पत्रकार रामशंकर सिंह आ अनेके गणमान्य लोग मौजूद रहे.


(समरजीत सिंह के रपट)