7 सितम्बर से बिहार में देखावल जाई ‘लावारिस’

आरोही फिल्मस् के बैनर तले बनल फिल्म ‘लावारिस’ के प्रदर्शन बिहार में 7 सितम्बर से होखे वाला बा. निर्माता अजय सिन्हा अउर नासिर जमाल आ निर्देशक देव पाण्डेय के एह फिल्म के लावारिस हउवें पवन सिंह. फिल्म में पवन सिंह के जोड़ी अंजना सिंह से लगावल गइल बा.साथे बाड़ें गजेन्द्र चौहान, सत्येन्द्र सिंह, रवि उज्जैन, आकाश मुखर्जी, उर्वशी चौधरी, रानी चतुर्वेदी, सी. पी. भट्ट, संजय वर्मा, अभय रॉय, सूर्या द्विवेदी, रिया आ शहजाद खान. डांसिग क्वीन संभावना सेठ के आईटम बा एह फिल्म में. लेखक विनय बिहारी, गीतकार अशोक कुमार ‘दीप’, विनय बिहारी, संगीतकार अशोक कुमार ‘दीप’ हउवें.

बिहार में एह फिल्म के वितरण रेणू विजय फिल्मस् कइले बा.


(प्रशांत निशांत के रपट)

Advertisements

पवन सिंह-अंजना सिंह क जोड़ी ‘लावारिस’ में

पवन सिंह आ अंजना सिंह क सुपरहिट जोड़ी ‘लावारिस’ में जल्दिए देखे के मिली. आरोही फिल्म्स के प्रस्तुति आ निर्माता अजय सिन्हा अउर नासिर जमाल के एह फिल्म में पवन आ अंजना के लव एंगल बा. एह दुनु पर देव पाण्डे का निर्देशन में एक से बढ़के एक जबरदस्त गाना आ मदमस्त दृश्य फिल्मावल गइल बा.

पवन अंजना के जोड़ी एहले पहिले ‘ट्रक ड्राईवर’ जइसन सुपरहिट फिलिम दे चुकल बा. आ उमेद जतावल जात बा कि एहु फिलिम के ओइसने सफलता मिली.


(प्रशांत निशांत के रपट)

भोजपुरी परदा पर रिलीज खातिर तइयार ‘लावारिस’

समहर पारिवारिक फिल्म ‘लावारिस’ अब बन के तइयार बा रिलीज खातिर. आरोही फिल्मस के प्रस्तुत एह फिल्म में पवन सिंह ‘लावारिस’ का किरदार में बाड़न. निर्माता हउवें अजय सिन्हा आ नासिर जमाल, आ निर्देशक हउवें देव पाण्डेय.

फिल्म के शुटिंग हैदराबाद के रामोजीराव फिल्म सिटी में भइल बा आ शानदार एक्शन दक्षिण भारत के एक्शन मास्टर मार्शल रमन्ना के निर्देशन में भइल बा. लेखक विनय बिहारी, गीतकार अशोक कुमार दीप आ विनय बिहारी, संगीतकार अशोक कुमार दीप, छायांकन शकील अंसारी के, कला निर्देशक रतन शर्मा, कार्यकारी निर्माता अंजनीकांत श्रीवास्तव अउर कोरियोग्राफर पप्पु खन्ना हउवें.

कलाकारन में पवन सिंह, अंजना सिंह, गजेन्द्र चौहान, रवि उज्जैन, उर्वशी चौधरी, सत्येन्द्र सिंह, रानी चतुर्वेदी, नवोदित आकाश मुखर्जी, सुदेश कौल, सुर्या द्विवेदी, सी.पी. भट्ट, संजय वर्मा, अभय राय, रिया आ डांसिग क्वीन संभावना सेठ के प्रमुख भूमिका बा.


(प्रशांत निशांत के रपट)

डबिंग करत रोआइन हो गइल पवन सिंह के आँखि

अभिनय अइसन होखे जवन दिल में उतरि जाव. कुछ अइसने भइल सिनेमा भोजपुरी के सुपर स्टार पवन सिंह का साथ. अपना एगो फिलिम के डबिंग करत खुद उनुकरे आँखि में लोर भर गइल. आ उनुकर डबिंग से निर्देशक आ डबिंग करावत साउंड इंजीनियर वाह वाह कर उठले.

ई घटना भइल मुंबई के आडियो लैब में फिल्म “लावारिस” के डबिंग का दरमियान. दू गो सीन के डबिंग का बाद एगो सीन में पवन सिंह के अपना मालिक के भूमिका करत गजेन्द्र चौहान के मरत देखे के रहल. सीन अतना मर्मस्पर्शी रहुवे आ ओह संवाद में अतना करुणा रहल कि डबिंग करत पवन सिंह अपना पर काबू ना राख पवलन आ तब कुछ देर ला डबिंग रोक देबे के पड़ल.

बाद बदले आ माहौल सम्हारे खातिर निर्देशक देव पाण्डेय तब ओह सीन के शूटिंग के बात उठा दिहलन. बतवलन कि सीन हैदराबाद में एक टेक में भइल रहुवे. पवन सिंह के तारीफ करत कहलन कि पवन में गजब के अभिनय क्षमता बा तबहिये त भोजपुरी संगीत आ अभिनय दुनु में पवन सिंह के डंका बाजत बा.

बहरहाल, पवन सिंह के जोरदार अभिनय से सजल “लावारिस” जल्दिये प्रदर्शित होखे वाली बा.


(अपना न्यूज के रपट से)