शुभी शर्मा के त चल पड़ल

सिनेमा भोजपुरी के चर्चित अभिनेत्री शुभी शर्मा के ग्लैमरस अंदाज दर्शकन के बहुते पसंद आवत बा. लोग शुभी के हालिया रिलीज फिल्म ‘हीरो’ में उनकर किरदार खुब पसंद करत बाड़ें. साथही उनका अभिनय आ नाच के बहुते तारीफ होखत बा. शुभी पर फिल्मावल ग्लैमरस गीत ‘‘गोल गोल घुमे दुनिया….’’ में उनकर अंदाज लोग के खूब नीक लागत बा.

‘हीरो’ में शुभी के किरदार पूजा नाम के लड़िकी के बा जे नायक प्रवेशलाल से प्यार करत बा. सिनेमा भोजपुरी में ‘चलनी के चालल दूल्हा’, ‘भैया के साली ओढ़निया वाली’, ‘औलाद’, ‘संतान’ जइसन हिट फिल्म देबे वाली शुभी के सिक्का ‘हीरो’ क सफलता से एक बेर फेरू भोजपुरी सिनेमा में चल निकलल बा.


(प्रशांत निशांत के रपट)

हीरो प्रवेश का साथे शुभी शर्मा क हॉट अंदाज

प्रवेश लाल आ चर्चित अभिनेत्री शुभी शर्मा के हॉट अंदाज जल्दिए रिलीज होखे जात फिल्म ‘हीरो’ में देखे क मिली. शुभी अपना माडर्न पहिरावा में जलवा छीट के राख दिहले बाड़ी, चलनी के चालल दुलहा, औलाद, भईया के साली ओढ़नीया वाली आ हाल ही में रिलीज राजा के रानी से प्यार हो गईल में भारतीय नारी के भुमिका कइला क बाद शुभी पहिला बेर परदा पर अतना हॉट अंदाज में लउकीहें. शुभी अपना हॉट अवतार क श्रेय हीरो के निर्माता-निर्देशक सुब्बाराव गोसांगी के देत बाड़ी.


(प्रशांत निशांत के रपट)

शुभी शर्मा के बढ़त डेग

भोजपुरी अदाकारा शुभी शर्मा एह घरी सफलता का ओर तेजी से बढ़ल जात बाड़ी भोजपुरी इंडस्ट्री में आपन अलगा आ खास जगहा बनावे का राहे बाड़ी.

‘चलनी के चालल दुल्हा’ से भोजपुरी परदा पर उतरे वाली शुभी शर्मा पिछला साल अपना ‘औलाद’, ‘दुश्मनी’ आ ‘संतान’ से दर्शकन के भरपूर प्यार जितली. एह साल शुभी के ‘राजा के रानी से प्यार हो गईल’ प्रदर्शन खातिर तइयार बा. एहु फिल्म में शुभी के दिललुभावन अदाएँ फेर से देखे के मिले वाला बा.

अतने ना, शुभी जल्दिये दक्खिन भारतीय निर्देशक सुब्बाराव गोसांगी के फिल्मो में काम करत लउकीहे. शुभी अउरियो कई गो फिलिम करत बाड़ी. शुभी अबही ले रवि किशन, जूनियर निरहुआ आ पवन सिंह का साथे काम कर चुकल बाड़ी. उनुका पूरा भरोसा बा कि साल 2012 में ऊ भोजपुरी इंडस्ट्री में आपन अलग मुकाम बना लीहें.


(प्रशांत निशांत के रपट)

अब युवा दिलों की धड़कन बनेगी ‘चंदा-सूरज’ की प्रेम कहानी ……..

‘लैला -मजनू’, ‘हीर -राँझा’ और ‘शिरी- फरहाद’ की लव स्टोरी आज भी हर प्रेमी-प्रेमिका के जेहन में बसा है. जल्द ही युवा दर्शकों को ‘चंदा-सूरज’ की मार्मिक प्रेम कहानी बड़े पर्दे पर देखने को मिलेगी जिसकी खुशबू भी लैला-मजनू और हीर राँझा जैसी ही होगी. निर्माता स्वप्न दीप की जल्द ही रिलीज होनेवाली भोजपुरी फिल्म ‘राजा के रानी से प्यार हो गईल’ में युवा दर्शक चंदा और सूरज की रूमानी प्रेम कहानी देख पाएंगे. प्रेमी सूरज की भूमिका में हैं प्रवेश लाल यादव और प्रेमिका चन्दा बनी हैं शुभी शर्मा. फिल्म को निर्देशित किया है शैलेश पाण्डेय व स्वप्न दीप की जोड़ी ने. अब तक भोजपुरी सिनेमा में विशुद्ध प्रेम कहानी पर आधारित बहुत कम फिल्मे प्रदर्शित हुई हैं जो यादगार साबित हुई हैं लेकिन चंदा-सूरज की प्रेम कहानी ऐसी है जिसे दर्शक लम्बे अरसे तक भूले न भुला पाएंगे.


(स्रोत – स्पेस क्रिएटिव मीडिया)

फिल्मी दुनिया के खबर

छठवाँ भोजपुरी फिल्म अवार्ड्स 14 अक्टूबर के
भोजपुरी फिल्म जगत के प्रतिष्ठित अवार्ड “भोजपुरी फिल्म अवार्ड” के आयोजन एह साल 14 अक्टूबर के होखे जा रहल बा. वी. आर मल्टीमीडिया प्रा. लि. द्वारा आयोजित ई अवार्ड समारोह हर साल का तरह एहू साल गोरेगांव स्पोर्टस क्लब, मुंबई में आयोजित कइल जाई.
अवार्ड के संस्थापक अध्यक्ष विनोद गुप्ता बतवले कि भोजपुरी सिनेमा के 50 साल पूरा होखला का उपलक्ष्य में एह साल अवार्ड में विशेष तइयारी कइल जा रहल बा.


(स्रोत : प्रशांत निशांत )

“नाच नचईया धूम मचईया” के मंच पर पाखी आ शुभी शर्मा

महुआ टी. वी. पर प्रसारित होत डांस रियलिटी शो “नाच नचईया धूम मचईया” में पिछला हफ्ता पाखी हेगड़े आ शुभी शर्मा अपना हालही में रिलीज फिल्म “संतान” के प्रमोट करे चहुँपली. दुनु अदाकारा शो के एंकर सुपरस्टार रविकिशन का साथे मंच पर नृत्य प्रस्तुतिओ दिहली.
एह शो में एहसे पिछला हफ्ता उर्वशी आ राज के जोड़ी बाहर जा चुकल बा लोग.


(स्रोत : प्रशांत निशांत )

महिमा अमवां के सती माई के शूटिंग पूरा

पार्वती म्यूजिक एण्ड फिल्मस कंपनी के बैनर तले बनत भोजपुरी फिल्म “महिमा अमवा के सति माई के” के शूटिंग गोरखपुर में खतम हो गइल बा. धार्मिक आ पारिवारिक रीति रिवाजन पर आधारित एह फिल्म के शूटिंग गाजीपुर, गोपालगंज, गोरखपुर, देवरिया आ भटनी के मन भावक जगहन पर कइल गइल बा. फिलहाल एकर पोस्ट प्रोडक्शन के काम चलत बा.


(स्रोत : संजय भूषण पटियाला )

कलुआ भईल सयान

डायनामिक एक्टर शुभम तिवारी आ लोक गायक “कलुआ” फिल्म “कलुआ भईल सयान” में नजर आवे जात बाड़े. सुपर डुपर हिट फिल्म “तू ही मोर बालमा” के निर्माता रितेश कुमार ठाकुर एकर निर्माण कइले बाड़न. एही फिल्म से अरविंद अकेला उर्फ कलुआ के नायक का रूप में लांच कइल जा रहल बा. निर्देशक हउवें ओ.पी. कश्यप.

शुभम तिवारी के एक्शन दर्शक “कानून हमरा मुट्ठी में” देख चुकल बाड़न. शुभम तिवारी रोमांस आ कॉमेडी दुनु कमाल के करेले.


(स्रोत : शशिकान्त सिंह )

डबल रोल वाला खलनायक

भोजपुरी फिल्मों के नंबर वन खलनायक संजय पांडे पहिलका अइसन भोजपुरी खलनायक होखीहें जे डबल रोल निभावे जात बाड़न. फिल्म “ट्रक ड्राइवर” में डबल रोल करे जात संजय पांडे लोग के दिल जीत लीहें अतना तय बा. अपना पसंदीदा निर्देशक राजकुमार पांडे के निर्देशन में डबल रोल निभा के संजय अपना के खुशक़िस्मती मानत बाड़न.


(स्रोत : शशिकान्त सिंह )

मनोज तिवारी के गीतन से गुनगुनाइल पूर्वांचल सम्मान समारोह

राजधानी दिल्ली के द्वारका के सेक्टर तीन में आयोजित पूर्वांचल सम्मान समारोह में भोजपुरी सुपर स्टार आ गायक मनोज तिवारी भोजपुरी में देश भक्ति आ आतंकवाद विरोधी गीत गाके आतंकवाद का खिलाफ एकजुट होखे के सनेस दिहले आ अन्ना हजारे के नाम लेत भठियरपन से लड़े के अपील कइलन.

एह समारोह में पत्रकारिता, गायिकी, राजनीति आ समाज सेवा में खास योगदान देबे वाला कई लोग के, जवना में निशिकांत ठाकुर, मनोज तिवारी, भोजपुरी समाज के अध्यक्ष अजीत दूबे, विधायक एस.सी.एल. गुप्ता आ विधायक रामेश्वर चौरसिया शामिल रहले, के “पूर्वांचल गौरव” सम्मान दिहल गइल.

समारोह के मुख्य अतिथि सांसद आ भाजपा के राष्ट्रीय प्रवक्ता शाहनवाज हुसैन कहलन कि आतंकवाद के खिलाफ सगरी देश एकजुट बा. मनोज तिवारी शाहनवाज हुसैन के शाल भेंट कर के सम्मानित कइले. शाहनवाज अपना संबोधन में कहलन कि मनोज तिवारी भोजपुरी सिनेमा के अमिताभ बच्चन हउवन.


(स्रोत : शशिकान्त सिंह )

गुंजन पंत छोड़ दिहली “नाच नचईया धूम मचईया”

भोजपुरी सिनेमा के जानी मानी अदाकारा गुंजन पंत आखिरकार भोजपुरी रिएलटी शो “नाच नचईया धूम मचईया” के अलविदा कहिये दिहली. काहे कि शो शुरु होखते गुंजन पंत बीमार हो गइली आ बाद में उनुकर डेट गड़बड़ाये लागल. सबकुछ देखत गुंजन शो के निर्माता से कहि के अपना के अलग करवा लिहली.


(स्रोत : शशिकान्त सिंह )

जब रो दिहली सीमा सिंह
भोजपुरी के नंबर वन डांसिंग क्वीन सीमा सिंह पिछला दिने डांस शो “नाच नचइया धूम मचइया” में अपना डांस स्टेप से अपने त रोइबे कइली जजो के रोआ दिहली. सीमा सिंह के डांस स्टेप देख शो के जज कानू मुखर्जी उनुकर जम के तारीफ कर दिहलन. एह पर दोसर जज सुधा चंद्रन कहली कि कवनो जज के कवनो एक प्रतिभागी के एह तरह प्रशंसा ना करे के चाहीं. एहपर दुनु जजन में तू तू मैं मैं होखे लागल. ईहे सब देख के सीमा सिंह रो पड़ली आ उनुका के रोवत देखि कानू मुखर्जी के आंख भरि आइल.


(स्रोत : शशिकान्त सिंह )

रिंकू घोष के “अग्नि युद्ध”
भोजपुरी के नंबर वन अदाकारा रिंकू घोष आ भोजपुरी सुपर स्टार रवि किशन के जोड़ी “बिदाई” आ “बलिदान” का बाद फेरू “अग्नि युद्ध” में आवत बा, एकरा अलावा ई दुनु जने डा. विजाहित करीम निर्मित “केहू हमसे जीत ना पाई” फिल्मों में नजर अइहें.
“अग्नियुद्ध” के निर्देशन राजू चौहान के ह.


(स्रोत : शशिकान्त सिंह )

पहली बेर भोजपुरी फिल्म में एक दर्जन स्टार

भोजपुरी सिनेमा के इतिहास में पहिला बेर कवनो फिल्म में एक दू गो ना, पूरा दर्जन भर स्टार आपन जलवा देखइहें. डॉ. विजाहत करीम आ डॉ. सुरहिता करीम के बनावल फिल्म “केहू हमसे जीत ना पाई” में. एम.आई. राज निर्देशित एह मल्टी स्टारर फिल्म में रवि किशन, रिंकू घोष, सुशील सिंह, मनोज टाईगर, मोहित घई, राजीव दिनकर, महेश राजा, हितेन्द्र पांडे, प्रतिभा पांडे, स्वाती वर्मा, कोमल ढिल्लन, श्रीकनकनी, अयाज खान, अरुण बख्शी, दीपा ग्रेवाल, प्रमिला आ शाहबाज खान के मुख्य भूमिका बा.


(स्रोत : शशिकान्त सिंह )

भोजपुरी के नयका खलनायक रवि उज्जैन

भोजपुरी पर्दे पर आइल नयका खलनायक रवि उज्जैन अपना खलनायिकी कैरियर के शुरूआत अभय सिन्हा के “जंग” से कइलन जवना में ऊ पवन सिंह से टकरात नजर अइलें. एह फिल्म में रवि के अभिनय के बहुते तारीफ भइल आ अभय सिन्हा इनका के “इंसाफ” में फेर मुख्य खलनायक बना दिहले. अजय श्रीवास्तव निर्देशित एह फिल्म में रवि उज्जैन मनोज तिवारी आ पवन सिंह का साथे नजर अइहन.
रवि उज्जैन “नईहर के माड़ो पिया के चुनरी”,”जुल्मी संग अँखिया लड़ी” आ “मेरा पिया घर आया हो राम जी” में बतौर नायक काम कइले बाड़न. रवि देव पाण्डेय निर्देशित “लवारिस” में एंटी हीरो बाड़े रवि उज्जैन.


(स्रोत : प्रशांत निशांत )

सगुनिया हई शुभी शर्मा
भोजपुरी अदाकारा शुभी शर्मा अब ले जतना फिल्म कइले बाड़ी सगरी बॉक्स ऑफिस पर सफल साबित भइल बाड़ीं सँ. एही से लोग कहे लागल बा कि शुभ हई शुभी शर्मा ! “चलनी के चालल दुल्हा” से शुरु कर के “भईया की साली ओढनिया वाली”, “दुश्मनी”, “औलाद”, आ अब हालिया प्रदर्शित “संतान” सब के सब बॉक्स ऑफिस पर निकहा व्यवसाय कइली सँ.
शुभी एह सफलता से बहुते उत्साहित बाड़ी आ उम्मीद करेली कि उनुकर सफलता हरदम जारी रहे.


(स्रोत : प्रशांत निशांत )

ट्रक ड्राइवर में खलासी बने प्रदीप पाण्डेय

भोजपुरीं सिनेमा के सबले कम उमरिया कलाकार प्रदीप पाण्डेय चिंटू “ट्रक ड्राइवर” में खलासी बनल बाड़े. चर्चित निर्माता-निर्देशक राजकुमार आर. पाण्डेय के एह फिल्म में टाईटल भूमिका में सुपरस्टार पवन सिंह बाड़े. फिल्म में प्रदीप पाण्डेय आ नयकी अदाकारा काजल रघानी के लव एंगल बा.
देवरा बड़ा सतावेला, लहरिया लुटऽ ए राजा जी, मैं नागिन तू नगीना जइसन फिलिमन में धमाल मचा चुकल प्रदीप के ट्रक ड्राइवर से बहुते उम्मीद बा.


(स्रोत : प्रशांत निशांत )

सराहल जात बाड़ी शुभी शर्मा

भोजपुरी फिलिमन के नयकी अदाकारा शुभी शर्मा एह घरी अपना अभिनय कौशल खातिर, खास कर के फिल्म “औलाद” वाला किरदार में, बहुते सराहल जात बाड़ी. ‘‘चलनी के चालल दुल्हा’’ से अपना कैरियर के शुरूआत करे वाली शुभी शर्मा ‘‘औलाद’’ में कॉलेज छात्रा आ घरेलू महिला दुनु भूमिका बखूबी निभवली. शुभी औलाद में निभावल भूमिका के मिलल तारीफ से बहुते उत्साहित बाड़ी आ आगहू अइसने करत रहे के चाहत राखत बाड़ी.


(स्रोत – प्रशांत-निशांत)

रोमांटिक लव स्टोरी ‘‘राजा के रानी से प्यार हो गईल’’

टॉकी फ्रेमस के बैनर तले बनत रोमांटिक लव स्टोरी ‘‘राजा के रानी से प्यार हो गईल’’ के पोस्ट प्रोडक्शन के काम अब आखिरी दौर में बा. निर्माता स्वप्नदीप के एह फिल्म मे जूनियर निरहुआ प्रवेशलाल यादव, शुभी शर्मा, मेघा घोष, राज गौतम, मेहनाज, राजीव पाण्डेय, सोनिया मिश्रा, माधुरी मिश्रा, शंभु प्रसाद, चंद्रीका सोनी, गोविंद पाठक, जीतू यादव, प्रमोद गोस्वामी, अविनाश ठाकुर, आशुतोष तिवारी, हंसराज, भानू सिंह, शक्ति सागर, यशवंत सिंह आ संजय पाण्डेय के प्रमुख भूमिका बा. फिल्म के निर्देशक शैलेश आ स्वप्नदीप के कहना बा कि एह फिल्म में देखावल गइल बा कि सच्चा प्यार हमेशा जीतेला आ भगवानो सच्चा प्यार के साथ देले.

फिल्म के एक्शन मास्टर दिलीप यादव, डांस के. के. संजय, कला लाल जी, संपादक जितेन्द्र सिंह जीतू, छायांकन प्रमोद पाण्डेय, कथा-पटकथा अनिमेश बी. पर्वत, हरि प्रसाद सिंह, संवाद लेखक मुकेश त्रिवेदी हउवे. फिल्म के गीतकार प्यारेलाल यादव, श्याम देहाती आ विपिन बहार हवें. मधुरधुन बनवले बाड़े संगीतकार राजेश-रजनीश. जवना चलते गाना सब के बहुत तारीफ हो रहल बा.


(स्रोत : प्रशांत निशांत)

८ जुलाई से रिलीज होखे जा रहल बा निरहुआ के औलाद

भोजपुरी सिनेमा के नंबर वन अदाकारा पाखी हेगडे “औलाद” फिल्म में एगो बहुते चुनौतीवाली भूमिका में बाड़ी. भूमिका एगो अइसन नारी के बा जे शादी के सात फेरा में दिहल सातो वचन निबाहत लउकीहे जे अपना पति आ परिवार के खुशी खातिर सब कुछ करे के तईयार बिया. एक से बढ़ के एक संवाद बा उनुकर त सुपरहिट गीतन पर उनुकर थिरकलो बा. खास कर के उनुकर बोलल संवाद “हमार बाबूजी बेऔलाद नइखन” त अबहिये से दर्शकन का जुबान पर चढ़ गइल बा.

दिनेश लाल निरहुआ के होम प्रोडक्शन वाली एह फिल्म के प्रदर्शन ८ जुलाई से बिहार, युपी, आ मुंबई में एके साथ होखे जा रहल बा.

“औलाद” में निरहुआ पाखी हेगडे का जोड़ी का अलावे प्रवेशलाल यादव आ शूभी शर्मो के जोड़ी बा. एह जोड़ी के एगो सीन “दिल वाले दुलहनिया ले जायेगें” में शाहरुख खान आ काजोल पर फिल्मावल सीनके याद दिया दी जवना में सरसो के खिलखिलात खेतन में प्रवेशला शुभी शर्मा के गोदी में उठवले नजर अइहें.

फिल्म के निर्देशक असलम शेख, गीतकार विनय बिहारी, प्यारेलाल यादव, आ श्याम देहाती, अर संगीतकार राजेश रजनीश हउवें. फिल्म के कलाकारन में दिनेशलाल यादव, प्रवेश लाल यादव, पाखी हेगडे, शुभी शर्मा, मनोज टाइगर, अवधेश मिश्रा, संजय पाण्डेय, एयाज खान, अनिल यादव, रत्नेश, माया यादव, आ किरण यादव के मुख्य भूमिका बा. “औलाद” में दर्शकन खातिर एक्शन, इमोशन, आ रोमांस के बेजोड़ संगम देखे के मिली.


(स्रोत – प्रशान्त निशान्त)

निरहुआ इंटरटेनमेंट के औलाद

भोजपुरी सिनेमा के बदनाम कइल जाला दुअर्थी डायलाग आ फूहड़पन खातिर. अलग बाति बा कि ओहसे बेसी फूहड़पन हिन्दी सिनेमा में देखे के मिल जाई. अब भोजपुरी सिनेमा का बारे में फइलावल झूठ के तूड़े खातिर आ समाज के संभ्रांत वर्ग तक भोजपुरी सिनेमा के चहुँपावे खातिर निरहुआ इंटरटेनमेंट एगो संपूर्ण पारिवारिक फिल्म “औलाद” ले के आ रहल बा. भोजपुरी सिनेमा के पचासवाँ साल में दर्शकन खातिर ई एगो तोहफा से कम नइखे जवना में दर्शक आम घर परिवार के कहानी देख पइहे. हर वर्ग के दर्शकन खातिर एह फिल्म में भरपूर मनोरंजन मिले वाला बा. मधुर गीत संगीत, शानदार एक्शन दमदार कहानी, आ बेहतरीन अदाकारी के संगम बावे एह फिल्म में जवना के निर्देशन असलम शेख कइले बाड़े.

“औलाद” के कलाकारन में दिनेश लाल यादव निरहुआ, प्रवेश लाल यादव. पाखी हेगडे, शुभी शर्मा, अवधेश मिश्रा, मनोज टाईगर, गोपाल राय, संजय पाण्डेय, एयाज खान, संतोष श्रीवास्तव, अनिल यादव, तेज सिंह, हीरा यादव, ए के राज, पूनम पाण्डेय, आ किरण यादव के नाम शामिल बा. कहानी के के सिंह के लिखल, गीत प्यारेलाल यादव कवि जी आ श्याम देहाती के, संगीत राजेश रजनीश के, छायांकन अकरम खान के आ संपादन जितेन्द्र सिंह जीतू के बा.

फिल्म के शूटिंग आजमगढ़ के मनोरम लोकेशन पर भइल बा आ अब पोस्ट प्रोडक्शन के काम चल रहल बा.


(स्रोत – प्रशान्त निशान्त)

रविकिशन चौबीस घंटा लगातार काम कइले


भोजपुरी सिनेमा के सदाबहार अभिनेता रविकिशन संभवतः दुनिया के अकेला स्टार बाड़े जिनकर आवे वाली फिल्मन के गिनिती पचास के पार हो गइल बा. हिन्दुस्तान के लगभग हर भाषा के फिल्म में रविकिशन काम कर रहल बाड़े आ स्वाभाविक बा कि एह चलते उनुका पर काम के बोझा ढेर बढ़ गइल बा. एह चलते ऊ अकसरहाँ अठारह अठारह घंटा ले काम करतारन. बाकिर पिछला दिने हद त तब हो गंइल जब ऊ चौबीस घंटा लगातार काम कइले. भइल ई कि स्वरूप परिवार के फिल्म “संतान” के तीन दिन के शूटिंग बाकी रहे आ रविकिशन के दोसरा शूटिंग में जाये के रहे से डेट खाली ना रहे. से अपना निर्माता के रुपिया बचावे खातिर रविकिशन फिल्म के निर्देशक हैरी फर्नांडिज से राय कइलन आ तकनीशियन के दू शिफ्ट में बोलवा के चौबीस घंटा लगातार शूटिंग करवले. रविकिशन के उत्साह आ काम के प्रति समर्पण देख सभे उत्साह में रहे आ तीन दिन के काम एक दिन में पूरा हो गइल. रविकिशन का साथ फिल्म के नायिका शुभी शर्मा हई आ उहो एह दिन लगातार चौबीस घंटा काम कइली.


(स्रोत – उदय भगत)