संजय पांडे “कोठा” चढ़लें

भोजपुरी के नंबर वन खलनायक संजय पांडे अब कोठा पर नजर अइहें. ना ना ऊ धंधा नइखन शुरू करत बलुक उनुका नयकी फिलिम के नाम ह “कोठा” जवना के नायिका बाड़ी भोजपुरी सिनेमा के ड्रीम गर्ल रिंकू घोष आ निर्देशक हउवें मनोज श्रीपति.

संजय पांडे हाल ही में निर्देशक असलम शेख के फिल्म ‘रखवाला’ के शूटिंग जौनपुर में पूरा कइलन.


(शशिकांत सिंह रंजन सिन्हा के रपट)

मर्द तांगेवाला में पहिला बेर संजय पाण्डेय आ बाली एक साथे

धूमधाम से भइल ‘मर्द तांगेवाला’ के मुहूर्त

पूर्वा प्रोडक्शन के भोजपुरी फिलिम ‘मर्द तांगेवाला’ के मुहूर्त पिछला दिने मुंबई के श्रीकृष्णा स्टूडियो में धूमधाम से करावल गइल. एकर निर्माता हउवें सूर्या आ निर्देशक बाड़े जानल मानल निर्देशक बाली, जे सिनेमा भोजपुरी के एक से बढ़के एक सुपर डुपर हिट फिलिम दिहले बाड़न. एह फिलिमन में ‘दरोगा बाबू आई लव यू’, ‘देहाती बाबू’, ‘धरती पुत्र’, ‘कहां जइबऽ राजा नजरिया लड़ाई के’, ‘चाचा भतीजा’, ‘घायल योद्धा’ अउर ‘मुन्नीबाई नौटंकीवाली’ जइसन सुपर डुपर हिट फिल्म शामिल बाड़ी सँ. हालांकि मर्द तांगेवाला फिल्म से लमहर अरसा बाद बाली बतौर निर्देशक वापस आइल बाड़न.

‘मर्द तांगेवाला’ के मुहूर्त का अवसर पर गायिका इन्दू सोनाली के आवाज़ में गीतकार संगीतकार श्याम देहाती गीत रिकार्ड करवले. एह मौका पर फिल्म के नायक विराज भट्ट आ सिनेमा भोजपुरी के नम्बर वन खलनायक संजय पांडे समेत फिल्म के पूरा टीम मौजूद रहल. निर्माता सूर्या पत्रकारन से बतियावत कहले कि ई फिल्म लीक से हटि के बनावल जात बा आ एकरा के सगरी परिवार एक साथ बइठ के देख सकेला.

निर्देशक बाली बतवले कि ई फिल्म लोग के हंसइबो करी आ अपना बेहतरीन कहानी का दम पर लोग के मनोरंजनो करी. साथही जबरदस्त एक्शनो रहे वाला बा. फिल्म के नायक विराज भट्ट के कहना रहे कि उनुकर भूमिका फिल्म मर्दे के भूमिका से बहुते अलग बा. संजय पाण्डे कहलन कि ढेर दिन से सोचत रहनी कि बाली का निर्देशन में काम करे के मौका मिलो से मिल गइल.

‘मर्द तांगेवाला’ के कहानीओ बाली के लिखल हवे आ पटकथा अउर संवाद मनोज पांडे के. कैमरामैन हउवन जहांगीर सैयद, कला निर्देशक अवधेश, मारधाड़ इकबाल भाई. मुख्य सितारा हउवें विराज भट्ट, काजल राघवानी, अंजना सिंह, दीपक भाटिया, विक्रम थापा, किट्टू, शमीम खान, अक्षता, गोपाल राय, प्रमोद गोस्वामी, अप्पू राजा, जयवीर, अरविन्द अउर खलनायक संजय पांडे.

ई फिलिम अगिला महीना सेट पर जाई.


(शशिकांत सिंह रंजन सिन्हा के रपट से)

संजय पांडे का ‘दिल तऽ पागल होला’ में नया लुक

– शशिकांत सिंह

भोजपुरी सिनेमा के ‘प्राण’ संजय पांडे का नया लुक किसी को भी डरा सकता है. संजय पांडे का यह नया लुक आपको देखने का मिलेगा फिल्म ‘दिल तऽ पागल होला’ में. इस फिल्म की शूटिंग के दो घंटे पहले संजय पांडे को मेकअप करना पड़ता था. ‘दिल तऽ पागल होला’ की शूटिंग गुजरात के राज पिपला में की गयी है. यह फिल्म पूरी तरह एक्शन एवं रोमांस पर आधारित है.

दो खलनायकों, संजय पाण्डेय एवं दीपक भाटिया, का जबरदस्त भिड़ंत होगा इस फिल्म में. मुख्य कलाकार विराज भट्ट, प्रिया शर्मा, संजय पाण्डेय, दीपक भाटिया, गोपाल राय, पवन मिश्रा, सी.पी. भट्ट, आलोक यादव, दवे सिंह, बाल गोविंद, सुमन झा, हरिशरण, सपना, सीमा सिंह, प्रीति सिंह, अक्षरा चौधरी इत्यादि. माना जा रहा है कि यह फिल्म संजय पाडे के कैरियर को और ऊंचाई देगी. आपको बता दूं कि संजय पांडे इन दिनों लगभग हर बैनर की फिल्म में मुख्य खलनायक के रूप में नजर आ रहे हैं. हिट पर हिट फिल्में देने में माहिर संजय पांडे अपने सरल व्यवहार के कारण भी जाने जाते हैं तभी तो आज वे इतने कम समय में नंबर वन की कुर्सी पर विराजमान हैं.

विनय आनंद-संजय पांडे फिर साथ-साथ

– शशिकान्त सिंह, रंजन सिन्हा

भोजपुरी फिल्मों के सुपर स्टार विनय आनंद और नम्बर वन खलनायक संजय पांडे अब लंबे अर्से बाद एक बार फिर साथ-साथ नजर आयेंगे फिल्म ‘पागल प्रेमी’ में. इसके पहले विनय आनंद और संजय पांडे की टीम फिल्म ‘बृजवा’ में नज़र आई थी. ‘बृजवा’ सुपर डुपर हिट फिल्म थी. ज़ाहिर सी बात है ‘पागल प्रेमी’ भी सफलता का नया इतिहास रचेगी. एक लंबे अंतराल के बाद सेट पर जब विनय आनंद और संजय पांडे मिले तो पूछिये मत क्या नज़ारा था. आपको बता दें कि ‘पागल प्रेमी’ का निर्देशन कर रहे हैं चर्चित निर्देशक अजय कुमार और निर्माता हैं नवीन सिंह. इस फिल्म की शूटिंग इन दिनों छत्तीसगढ़ में चल रही है. विनय आनंद साफ कहते हैं अजय कुमार एक ब्रिलियंट डायरेक्टर हैं तथा ‘पागल प्रेमी’ निश्चित ही सुपर डुपर हिट फिल्म होगी. नवीन सिंह के बारे में विनय आनंद कहते हैं नवीन सिंह जी काफी अच्छे निर्माता हैं. इस फिल्म ‘पागल प्रेमी’ के लिए विनय आनंद के लुक पर भी काफी मेहनत किया गया है. विनय आनंद इन दिनों पागल प्रेमी बन कर घूम रहे हैं.

सविता श्री प्रोडक्शन के बैनर तले बन रही फिल्म ‘पागल प्रेमी’ में भोजपुरी सुपर स्टार विनय आनन्द संगीता तिवारी, अजीत आनन्द, श्री कनकनी, अनूप अरोरा, जय प्रकाश सिंह, राजेश अवस्थी, सुनीता सिंह, परितोष त्रिपाठी, सुमन कुमारी, अमित सिंह, पुष्पांजलि, बोल गोविंद बनजारा तथा नम्बर वन खलनायक संजय पाण्डेय अपना जलवा दिखाते नजर आयेंगे. ‘पागल प्रेमी’ की कहानी खुद अजय कुमार ने लिखी है. गीतकार हैं राजेश मिश्रा, फनीन्द्र राव और कृष्णा बेदर्दी जबकि संगीत दिया है राजेश गुप्ता ने. इस फिल्म में जबरदस्त एक्शन भी है फिल्म के एक्शन डायरेक्टर हैं दिलीप यादव. फिल्म के नृत्य निर्देशक हैं एन्थोनी.

फिल्मी दुनिया के खबर

छठवाँ भोजपुरी फिल्म अवार्ड्स 14 अक्टूबर के
भोजपुरी फिल्म जगत के प्रतिष्ठित अवार्ड “भोजपुरी फिल्म अवार्ड” के आयोजन एह साल 14 अक्टूबर के होखे जा रहल बा. वी. आर मल्टीमीडिया प्रा. लि. द्वारा आयोजित ई अवार्ड समारोह हर साल का तरह एहू साल गोरेगांव स्पोर्टस क्लब, मुंबई में आयोजित कइल जाई.
अवार्ड के संस्थापक अध्यक्ष विनोद गुप्ता बतवले कि भोजपुरी सिनेमा के 50 साल पूरा होखला का उपलक्ष्य में एह साल अवार्ड में विशेष तइयारी कइल जा रहल बा.


(स्रोत : प्रशांत निशांत )

“नाच नचईया धूम मचईया” के मंच पर पाखी आ शुभी शर्मा

महुआ टी. वी. पर प्रसारित होत डांस रियलिटी शो “नाच नचईया धूम मचईया” में पिछला हफ्ता पाखी हेगड़े आ शुभी शर्मा अपना हालही में रिलीज फिल्म “संतान” के प्रमोट करे चहुँपली. दुनु अदाकारा शो के एंकर सुपरस्टार रविकिशन का साथे मंच पर नृत्य प्रस्तुतिओ दिहली.
एह शो में एहसे पिछला हफ्ता उर्वशी आ राज के जोड़ी बाहर जा चुकल बा लोग.


(स्रोत : प्रशांत निशांत )

महिमा अमवां के सती माई के शूटिंग पूरा

पार्वती म्यूजिक एण्ड फिल्मस कंपनी के बैनर तले बनत भोजपुरी फिल्म “महिमा अमवा के सति माई के” के शूटिंग गोरखपुर में खतम हो गइल बा. धार्मिक आ पारिवारिक रीति रिवाजन पर आधारित एह फिल्म के शूटिंग गाजीपुर, गोपालगंज, गोरखपुर, देवरिया आ भटनी के मन भावक जगहन पर कइल गइल बा. फिलहाल एकर पोस्ट प्रोडक्शन के काम चलत बा.


(स्रोत : संजय भूषण पटियाला )

कलुआ भईल सयान

डायनामिक एक्टर शुभम तिवारी आ लोक गायक “कलुआ” फिल्म “कलुआ भईल सयान” में नजर आवे जात बाड़े. सुपर डुपर हिट फिल्म “तू ही मोर बालमा” के निर्माता रितेश कुमार ठाकुर एकर निर्माण कइले बाड़न. एही फिल्म से अरविंद अकेला उर्फ कलुआ के नायक का रूप में लांच कइल जा रहल बा. निर्देशक हउवें ओ.पी. कश्यप.

शुभम तिवारी के एक्शन दर्शक “कानून हमरा मुट्ठी में” देख चुकल बाड़न. शुभम तिवारी रोमांस आ कॉमेडी दुनु कमाल के करेले.


(स्रोत : शशिकान्त सिंह )

डबल रोल वाला खलनायक

भोजपुरी फिल्मों के नंबर वन खलनायक संजय पांडे पहिलका अइसन भोजपुरी खलनायक होखीहें जे डबल रोल निभावे जात बाड़न. फिल्म “ट्रक ड्राइवर” में डबल रोल करे जात संजय पांडे लोग के दिल जीत लीहें अतना तय बा. अपना पसंदीदा निर्देशक राजकुमार पांडे के निर्देशन में डबल रोल निभा के संजय अपना के खुशक़िस्मती मानत बाड़न.


(स्रोत : शशिकान्त सिंह )

मनोज तिवारी के गीतन से गुनगुनाइल पूर्वांचल सम्मान समारोह

राजधानी दिल्ली के द्वारका के सेक्टर तीन में आयोजित पूर्वांचल सम्मान समारोह में भोजपुरी सुपर स्टार आ गायक मनोज तिवारी भोजपुरी में देश भक्ति आ आतंकवाद विरोधी गीत गाके आतंकवाद का खिलाफ एकजुट होखे के सनेस दिहले आ अन्ना हजारे के नाम लेत भठियरपन से लड़े के अपील कइलन.

एह समारोह में पत्रकारिता, गायिकी, राजनीति आ समाज सेवा में खास योगदान देबे वाला कई लोग के, जवना में निशिकांत ठाकुर, मनोज तिवारी, भोजपुरी समाज के अध्यक्ष अजीत दूबे, विधायक एस.सी.एल. गुप्ता आ विधायक रामेश्वर चौरसिया शामिल रहले, के “पूर्वांचल गौरव” सम्मान दिहल गइल.

समारोह के मुख्य अतिथि सांसद आ भाजपा के राष्ट्रीय प्रवक्ता शाहनवाज हुसैन कहलन कि आतंकवाद के खिलाफ सगरी देश एकजुट बा. मनोज तिवारी शाहनवाज हुसैन के शाल भेंट कर के सम्मानित कइले. शाहनवाज अपना संबोधन में कहलन कि मनोज तिवारी भोजपुरी सिनेमा के अमिताभ बच्चन हउवन.


(स्रोत : शशिकान्त सिंह )

गुंजन पंत छोड़ दिहली “नाच नचईया धूम मचईया”

भोजपुरी सिनेमा के जानी मानी अदाकारा गुंजन पंत आखिरकार भोजपुरी रिएलटी शो “नाच नचईया धूम मचईया” के अलविदा कहिये दिहली. काहे कि शो शुरु होखते गुंजन पंत बीमार हो गइली आ बाद में उनुकर डेट गड़बड़ाये लागल. सबकुछ देखत गुंजन शो के निर्माता से कहि के अपना के अलग करवा लिहली.


(स्रोत : शशिकान्त सिंह )

जब रो दिहली सीमा सिंह
भोजपुरी के नंबर वन डांसिंग क्वीन सीमा सिंह पिछला दिने डांस शो “नाच नचइया धूम मचइया” में अपना डांस स्टेप से अपने त रोइबे कइली जजो के रोआ दिहली. सीमा सिंह के डांस स्टेप देख शो के जज कानू मुखर्जी उनुकर जम के तारीफ कर दिहलन. एह पर दोसर जज सुधा चंद्रन कहली कि कवनो जज के कवनो एक प्रतिभागी के एह तरह प्रशंसा ना करे के चाहीं. एहपर दुनु जजन में तू तू मैं मैं होखे लागल. ईहे सब देख के सीमा सिंह रो पड़ली आ उनुका के रोवत देखि कानू मुखर्जी के आंख भरि आइल.


(स्रोत : शशिकान्त सिंह )

रिंकू घोष के “अग्नि युद्ध”
भोजपुरी के नंबर वन अदाकारा रिंकू घोष आ भोजपुरी सुपर स्टार रवि किशन के जोड़ी “बिदाई” आ “बलिदान” का बाद फेरू “अग्नि युद्ध” में आवत बा, एकरा अलावा ई दुनु जने डा. विजाहित करीम निर्मित “केहू हमसे जीत ना पाई” फिल्मों में नजर अइहें.
“अग्नियुद्ध” के निर्देशन राजू चौहान के ह.


(स्रोत : शशिकान्त सिंह )

पहली बेर भोजपुरी फिल्म में एक दर्जन स्टार

भोजपुरी सिनेमा के इतिहास में पहिला बेर कवनो फिल्म में एक दू गो ना, पूरा दर्जन भर स्टार आपन जलवा देखइहें. डॉ. विजाहत करीम आ डॉ. सुरहिता करीम के बनावल फिल्म “केहू हमसे जीत ना पाई” में. एम.आई. राज निर्देशित एह मल्टी स्टारर फिल्म में रवि किशन, रिंकू घोष, सुशील सिंह, मनोज टाईगर, मोहित घई, राजीव दिनकर, महेश राजा, हितेन्द्र पांडे, प्रतिभा पांडे, स्वाती वर्मा, कोमल ढिल्लन, श्रीकनकनी, अयाज खान, अरुण बख्शी, दीपा ग्रेवाल, प्रमिला आ शाहबाज खान के मुख्य भूमिका बा.


(स्रोत : शशिकान्त सिंह )

भोजपुरी के नयका खलनायक रवि उज्जैन

भोजपुरी पर्दे पर आइल नयका खलनायक रवि उज्जैन अपना खलनायिकी कैरियर के शुरूआत अभय सिन्हा के “जंग” से कइलन जवना में ऊ पवन सिंह से टकरात नजर अइलें. एह फिल्म में रवि के अभिनय के बहुते तारीफ भइल आ अभय सिन्हा इनका के “इंसाफ” में फेर मुख्य खलनायक बना दिहले. अजय श्रीवास्तव निर्देशित एह फिल्म में रवि उज्जैन मनोज तिवारी आ पवन सिंह का साथे नजर अइहन.
रवि उज्जैन “नईहर के माड़ो पिया के चुनरी”,”जुल्मी संग अँखिया लड़ी” आ “मेरा पिया घर आया हो राम जी” में बतौर नायक काम कइले बाड़न. रवि देव पाण्डेय निर्देशित “लवारिस” में एंटी हीरो बाड़े रवि उज्जैन.


(स्रोत : प्रशांत निशांत )

सगुनिया हई शुभी शर्मा
भोजपुरी अदाकारा शुभी शर्मा अब ले जतना फिल्म कइले बाड़ी सगरी बॉक्स ऑफिस पर सफल साबित भइल बाड़ीं सँ. एही से लोग कहे लागल बा कि शुभ हई शुभी शर्मा ! “चलनी के चालल दुल्हा” से शुरु कर के “भईया की साली ओढनिया वाली”, “दुश्मनी”, “औलाद”, आ अब हालिया प्रदर्शित “संतान” सब के सब बॉक्स ऑफिस पर निकहा व्यवसाय कइली सँ.
शुभी एह सफलता से बहुते उत्साहित बाड़ी आ उम्मीद करेली कि उनुकर सफलता हरदम जारी रहे.


(स्रोत : प्रशांत निशांत )

ट्रक ड्राइवर में खलासी बने प्रदीप पाण्डेय

भोजपुरीं सिनेमा के सबले कम उमरिया कलाकार प्रदीप पाण्डेय चिंटू “ट्रक ड्राइवर” में खलासी बनल बाड़े. चर्चित निर्माता-निर्देशक राजकुमार आर. पाण्डेय के एह फिल्म में टाईटल भूमिका में सुपरस्टार पवन सिंह बाड़े. फिल्म में प्रदीप पाण्डेय आ नयकी अदाकारा काजल रघानी के लव एंगल बा.
देवरा बड़ा सतावेला, लहरिया लुटऽ ए राजा जी, मैं नागिन तू नगीना जइसन फिलिमन में धमाल मचा चुकल प्रदीप के ट्रक ड्राइवर से बहुते उम्मीद बा.


(स्रोत : प्रशांत निशांत )

८ जुलाई से रिलीज होखे जा रहल बा निरहुआ के औलाद

भोजपुरी सिनेमा के नंबर वन अदाकारा पाखी हेगडे “औलाद” फिल्म में एगो बहुते चुनौतीवाली भूमिका में बाड़ी. भूमिका एगो अइसन नारी के बा जे शादी के सात फेरा में दिहल सातो वचन निबाहत लउकीहे जे अपना पति आ परिवार के खुशी खातिर सब कुछ करे के तईयार बिया. एक से बढ़ के एक संवाद बा उनुकर त सुपरहिट गीतन पर उनुकर थिरकलो बा. खास कर के उनुकर बोलल संवाद “हमार बाबूजी बेऔलाद नइखन” त अबहिये से दर्शकन का जुबान पर चढ़ गइल बा.

दिनेश लाल निरहुआ के होम प्रोडक्शन वाली एह फिल्म के प्रदर्शन ८ जुलाई से बिहार, युपी, आ मुंबई में एके साथ होखे जा रहल बा.

“औलाद” में निरहुआ पाखी हेगडे का जोड़ी का अलावे प्रवेशलाल यादव आ शूभी शर्मो के जोड़ी बा. एह जोड़ी के एगो सीन “दिल वाले दुलहनिया ले जायेगें” में शाहरुख खान आ काजोल पर फिल्मावल सीनके याद दिया दी जवना में सरसो के खिलखिलात खेतन में प्रवेशला शुभी शर्मा के गोदी में उठवले नजर अइहें.

फिल्म के निर्देशक असलम शेख, गीतकार विनय बिहारी, प्यारेलाल यादव, आ श्याम देहाती, अर संगीतकार राजेश रजनीश हउवें. फिल्म के कलाकारन में दिनेशलाल यादव, प्रवेश लाल यादव, पाखी हेगडे, शुभी शर्मा, मनोज टाइगर, अवधेश मिश्रा, संजय पाण्डेय, एयाज खान, अनिल यादव, रत्नेश, माया यादव, आ किरण यादव के मुख्य भूमिका बा. “औलाद” में दर्शकन खातिर एक्शन, इमोशन, आ रोमांस के बेजोड़ संगम देखे के मिली.


(स्रोत – प्रशान्त निशान्त)

जब संजय पांडे नाच के देखवले

भोजपुरी सिनेमा के मशहूर खलनायक संजय पाण्डे पिछला दिने ऊ कर देखवले जवन आजु ले कवनो खलनायक ना कइले रहल. भोजपुरी सिटी सिने अवार्ड समारोह में रंग शारदा थियेटर में हजारो लोग का मौजूदगी मे संजय पाण्डे दिलीप कुमार के स्टाइल में मशहूर गाना “नैन लड़ी जइहें त मनवा में कसक होइबे करी” पर जोरदार परफारमेंस देखवले. फिल्म “गंगा जमुना” के एह गीत पर संजय के नृत्य सभे पसन्द कइल आ थियेटर तालियन का गड़गड़ाहट से गूंज उठल. सजय पाण्डेय बतवलन कि एह गाना खातिर ऊ चार दिन लगातार अभ्यास कइले आ तब जा के अतना बढ़िया परफारमेंस दे पवले.


(स्रोत : शशिकान्त सिंह)

संजय पाण्डेय बनलन कातिया सेठ

आपन लुक आ स्टाइल बदले में माहिर भोजपुरी खलनायक संजय पाण्डे के दर्शक भोजपुरी फिल्म “बजरंग” में कातिया सेठ से मिलत जुलत किरदार में देखीहें. हिन्दी फिल्म घातक में कातिया सेठ के किरदार डैनी डेंग्जोपा कइले रहले आ अब वइसने लुक में आ रहल बाड़न संजय पाण्डेय. जबकि फिल्म के घातक से कवनो नाता नइखे. बजरंग के निर्माण “गइल भईंसिया पानी में” आ “पायल” बना चुकल निर्माता जीतेन्द्र प्रताप सिंह कइले बाड़न. नंद किशोर महतो का निर्देशन में बनल एह फिल्म पर निर्माता दिल खोल के पइसा खरचले बाड़न.


(स्रोत – शशिकान्त सिंह)

संजय पाण्डेय के बादशाहत कायम बा

पिछला चार महीना में पाँच गो सुपर डुपर हिट फिल्म देबे वाला आ भोजपुरी सिनेमा के नम्बर वन खलनायक संजय पाण्डे के बादशाहत कायम बा. पिछला दिने जब मुंबई में संजय पाण्डे के फिल्म “लहरिया लूटऽ ए राजाजी” जब दुबारा प्रदर्शित भइल त देखेवालन के भीड़ उमड़ पड़ल. राजकुमार पाण्डे निर्देशित एह फिल्म खे अलावा “दिलजले” फिल्मो गजब बवाल मचवलसि बिहार में. “दुश्मन” में संजय पाण्डे दर्शकन के ताली आ गाली दूनो बिटोरलन. एकरा अलावे तू नागिन मैं नगीना, आ जा ओढ़निया तान के फिलिमो में संजय पाण्डे के जलवा देखे के मिलल. संजय पाण्डेय के नंबर वन पोजीशन एहू साल बरकरार रहे वाला बा काहे कि एहू साल उनुका लगे बतौर खलनायक बड़का बैनर के कई गो बेहतरीन फिलिम बाड़ी सँ.

पिछला दिने यूपी के प्रतापगढ़ में फिल्म “राजा के रानी से प्यार हो गइल” खातिर संजय पाण्डे जरत ईंट का भट्ठा पर एगो खतरनाक स्टंट के शूटिंग करवलन जवना के देख के सभे वाह वाह कर उठल रहे. वइसन स्टंट करे में निमन निमन स्टंटबाजन के हौसला पस्त हो जाइत बाकिर संजय पाण्डे अपना जिद्द पर ऊ सीन खुदे कइलन. अइसनके लगन आ मेहनते का बल पर त ऊ आजु आपन नंबर वन पोजीशन बनवले बाड़न.


(स्रोत – शशिकान्त सिंह)

मनोज गुंजन संजय के तिकड़ी बावे यादव पान भण्डार में

रिकार्ड पर रिकार्ड बनावे में माहिर निर्माता जितेश दुबे के नयका फिल्म “यादव पान भण्डार” में भोजपुरी सिनेमा के मेगा स्टार मनोज तिवारी, नंबर वन खलनायक संजय पाण्डे आ कंचन काया गुंजन पंत के तिकड़ी हंगामा बरपावे जा रहल बा. ई तिकड़ी पहिला बेर कवनो फिल्म में एक साथे नजर आई. श्रीकृष्णा क्रियेशन्स का बैनर में बनल आ अजय कुमार निर्देशित “यादव पान भण्डार” में एगो पान विक्रेता के जिनिगी देखावल गइल बा. एक से बढ़ के एक वास्तविक आ खूबसूरत लोकेशन पर शूट भइल एह फिल्म के गानो कमाल के बाड़ी सँ. एक्शन आ रोमांस से भरल रहला का बावजूद एह फिल्म के पारिवारिक बनावल गइल बा. एह फिल्म में दीपक दुबे, बृजेश त्रिपाठी आ सीमो सिंह के मुख्य किरदार बा. गित श्याम देहाती के, संगीत मधुकर आनन्द के आ एक्शन शकील शेख के बा.


(स्रोत – शशिकान्त सिंह, रंजन सिन्हा)