पारो पटनावाली के शूटिंग ला सुदीप पाण्डेय मलेशिया में

भोजपुरी सिनेमा के एक्शन हीरो सुदीप पाण्डेय पिछला दिने फिलिम “पारो पटना वाली” के शूटिंग खातिर तिसरका बेर मलेशिया चहुँपलें. रंजू सिन्हा के निर्माण एह फिलिम के निर्देशन राज वर्मा करत बाड़ें. सुदीप पाण्डेय के जोड़ी एह फिलिम में सेक्सी बाला दिव्या द्विवेदी संगे बनावल गइल बा. सुदीप पाण्डे एहसे पहिलहू रंजू सिन्हा के बनावल फिलिम “जय हो जगदम्बे माई” आ कसम तिरंगा के” फिलिम में काम कर चुकल बाड़ें. ओहू दुनु फिलिमन के शूटिंग मलेशिया में भइल रहुवे.

सुदीप पाण्डेय बतवलें कि मलेशिया में बिहार आ यूपी के बहुते लोग बा. साथही शूटिंग में मलेशिया के सरकारो भरपूर सहयोग देले. भोजपुरी सिनेमा के बेर बेर एके जगहा फिलिमावल दर्शकन के उकता सकेला एह से शूटिंग के जगहा बदलत रहे के चाहीं. भोजपुरी फिलिम अइसन बने के चाहीं जे हिंदी सिनेमा के टक्कर दे सको ना त एकर लोकप्रियता में कमी आवे लागी. कहलन कि उनकर हमेशा कोशिश रहेला कि दर्शकन के बढ़िया फिलिम देसु.


(संजय शर्मा राज के रपट)

Advertisements

सुदीप पाण्डे आ मोनालिसा पहिला बेर एक साथे

भोजपुरी सिनेमा के एक्शन स्टार सुदीप पाण्डेय आ गरमागरम सफल अदाकारा मोनालिसा पहिला बेर कवनो फिलिम में एक साथ आ रहल बाड़े. फिल्म के नाम बा “नथुनिया पे गोली मारे” जवना के यशी फिल्म्स आ अजय श्रीवास्तव प्रोडक्शन प्रस्तुत करे जा रहल बा. निर्माता निर्देशक अजय श्रीवास्तव का एह फिल्म में सुदीप पान्डे एगो चोर का किरदार में बाड़न आ मोनालिसा उनकर प्रेमिका का किरदार में. एह फिल्म में एक बेर सुदीप के एक्शन अवतार दर्शकन का सोझा आवे जा रहल बा. सुदीप आ मोनालिसा पर कई गो सुमधुर गाना फिल्मावल गइल बा. एह जोड़ी का अलावा फिल्म में पंकज केसरी, गुंजन पंत, सुशील सिंह, विजय लाल यादव, अवधेश मिश्रा, आ बृजेश सिंह के खास भूमिका बा. गीत संगीत अशोक कुमार दीप के बा. फिल्म के प्रदर्शन एही महीना बिहार में होखे जा रहल बा.


(स्रोत – प्रशान्त निशान्त)